කෝටි ගණනක ලුණු විනාශවෙන්න ඇරලා

(ජේ.ඉඳුරුවගේ)

ලංකා ලුණු සමාගමේ බුන්දල සහ පලටුපාන ලුනු ලේවායන්හි නිෂ්පාදිත රුපියල් 93,269,919 ක වටිනාකමකින් යුත් මෙට්‍රික් ටොන් 2402 ක පමණ ලුණු තොගයක් වසර ගණනාවක් තිස්සේ තත්වයෙන් බාලවීමට හා දියවී විනාශ වී යාමට ඉඩහැර තිබූ බව ජාතික විගණන කාර්යාලය අනාවරණය කරයි.

බුන්දල ලේවායේ 2023 දී නිපදවා නිසි කලට ආවරණය කර නොතිබූ රුපියල් 65,425,279 ක් වටිනා ලුණු මෙට්‍රික් ටොන් 1816.19 ක් හානියට පත්ව තිබූ බව විගණනය මගින් පෙන්වාදී තිබේ.

පලටුපාන ලේවායේ රුපියල් 520,640 ක් වටිනා ලුණු මෙට්‍රික් ටොන් 16.27 ක් වසර තුනක් තිස්සේ වේදිකාවක තැන්පත් කර තිබීම නිසා පැහැය වෙනස් වී දියවෙමින් පැවති බවද, 2022 නිපදවූ රුපියල් 27,324,000 වටිනා සුපර් ග්‍රේඩ් වර්ගයේ ලුණු මෙට්‍රික් ටොන් 569.25 ක් ඒවා ආවරණය කර තිබියදී දිරාපත්වු පොලිතීන් හා පොල් අතු සමග මිශ්‍රවී දියවෙමින් හා තත්වයෙන් බාලවී තිබුණු බවද විගණන කාර්යාලය සඳහන් කරයි.

2023 වසරට අදාලව ලුණු සමාගම සම්බන්ධයෙන් නොබෝදා නිකුත් කරන ලද විගණන වාර්තාවේ සමාගමේ මෙහෙයුම් අකාර්යක්ෂමතා යටතේ සඳහන් කර තිබු මෙම විගණන

නිරීක්ෂණ සම්බන්ධයෙන් ලුනු සමාගම විසින් විගණනය වෙත අදහස් දැක්වීමක්ද කර නැත.

අදහස් (8)

කෝටි ගණනක ලුණු විනාශවෙන්න ඇරලා

අකිල Monday, 03 February 2025 09:14 AM

සීයාගේ කාලේ නාස්තිකාර වැඩ

: 8 55

ජයනාත් Monday, 03 February 2025 09:25 AM

අකාර්යක්ෂම නිලධාරීන් සෑම ආයතනයකිනම ඉවත් කිරිමට කටයුතු කරන්න .

: 2 61

Bunny Preena Monday, 03 February 2025 09:34 AM

මේවාට වගකිව යුතු නිලධාරීන්ට විරුද්ධව නීති මාර්ගයෙන් කටයුතු කර වැරදි නම් දඬුවම් ලබාදී එම පාඩුව ඔවුන්ගෙන් පියවා ගත යුතුයි

: 1 60

maalaka Monday, 03 February 2025 09:46 AM

මේ විනාශය පටන් ගත්තේ බැසිල්... රට වට කොට මුහුද තියන ඒත් ලුණු පිට රටින් ගේන එකම දුපත මේක වෙන්න ඇති

: 4 38

MalikaMonday, 03 February 2025 06:56 PM

බැසිල් පිටරටින් ලුණු ගෙනාවේ 10% කොමිස් එක ගන්න. රටේ මේ වගේ සම්පත් කොච්චර මෙයලා විනාශ කළාද? දැන් මේ ආන්ඩුව කරන්න නොදී හොරු, කොමිස් කාරයෝ එක පැත්තක් වෙලා කරදර කරන හැටි බලන්නත් ලැජ්ජයි...!

: 1 11

fairoos Monday, 03 February 2025 10:54 AM

අලුත් ආණ්ඩුවෙන් මේවට වගකියන්නන් හොයලා දඬුවම් කරේ නැතිනම් මේවා හදන්න බෑ.

: 1 20

Toni Monday, 03 February 2025 03:17 PM

බලන්ඩකෝ... එකනේ මේ ලුණු නැත්තේ අපේ රටේ රට වටේම දුපත තිබිලාත් එකත් එකටම සජියාගේ වැඩක් වෙන්න ඕනෑ

: 1 7

kamal Koyrala Monday, 03 February 2025 06:02 PM

රජයේ ආයතනවල දේශපාලන පත්වීම් නිසා මේ විනාශයන් සිදුවන්නේ, දැන් ලුනු තිබිලත්, ලුණුත් රටින් ගෙන්වනවා කියලා, වැළලෙන්නේ වොයිස්කට් දෙන්නේ ඔවුන් පත් කරපු අයම තමා...

: 1 8