(එස් .ඩි.කොඩිකාර )

සැක සහිත කැස්ස , උණ සහිත  රෝගියකු අද (24) දෙනියාය මුලික රෝහලේ සිට ආරක්ෂිත ඇඳුම් කට්ටලයක් අන්දවා ගාල්ල කරාපිටිය ශික්ෂණ රෝහලට ගිලන් රථයකින් මාරු කර යැවූ බව දෙනියාය රෝහල් ආරංචි මාර්ග  සඳහන් කරයි .

යුද හමුදා වෛද්‍ය බළකායේ සේවය කරන ඔහු (30) හැවිරිදි දෙනියාය ,ගින්නදීගම ප්‍රදේශයේ පදිංචි පුද්ගලයකු බව සෞඛ්‍ය අංශ පවසයි.

අද (24) පෙරවරවේ උණට සහ කැස්සට ප්‍රතිකාර ලබා ගැනීම සඳහා දෙනියාය මුලික රෝහලට  මෙම හමුදා සෙබලා පැමිණ ඇති අතර පසුව  බාහිර රෝගී අංශයේ ප්‍රතිකාර කරන  වෛද්‍යවරයකු පරික්ෂා කිරීමෙන් අනතුරුව එම රෝගියා කරාපිටිය රෝහලට මාරුකර  යවන ලෙස උපදෙස් ලබා දී ඇත.

කෙසේ වෙතත් කොටපොළ ප්‍රාදේශීය සභාව,කොටපොළ  සෞඛ්‍ය වෛද්‍ය නිලධාරී  කාර්යාලය එක්ව අදාළ හමුදා සෙබලා  වාසය කර නිවස සහ ඒ අවට ප්‍රදේශ විෂබීජහරණය සිදු කල බව කොටපොළ ප්‍රාදේශීය සභාවේ සභාපති දයානන්ද අබේවික්‍රම මහතා පැවසීය .