‘‘ආගමට අනුව ජිවත් වෙනවා නම් කිසිවකුටත් අත උස්සන්නේ නෑ‘‘

(විමුක්ති එස් රුද්‍රිගු)

ඉතාමත් ම ශෝක ජනක කණගාටුදායක සිදුවීමක් මේ වගේ දේවල් ආගමක් පදනම් කරගෙන සිදුවෙනවානම් ඉතාමත් අවාසනාවන්තයි.ආගම කියන්නේ මිනිසුන්ව යහපත් අතට ගෙනයන ක්‍රමවේදයක්. ඉතින් ආගමක් හරියට අදහනවා නම් තවත් මනුස්සයකුට  විරුද්ධව අත   උස්සන්න බෑ. අපිට ඒකයි ධර්මයෙන්  කියන්නේ යැයි මැල්කම් කාදිනල් රංජිත් කොළඹ අගරදගුරු තුමෝ පැවැසූහ. 

අගරදගුරු තුමන් ඒ බව පැවැසුවේ පාකිස්තානයේ දි කුරිරු ලෙස ඝාතනය කළ ප්‍රියන්ත කුමාර දියවඩන මහතාගේ නිවෙසට ගොස් අවසන් ගෞවර දැක්වීමෙන් පසුවය.

කාදිනල් තුමෝ ප්‍රියන්ත කුමාර දියවඬන මහතාගේ බිරිය දරුවන් සහ පවුලේ ඥාතීන් වෙනුවෙන් ශෝකය ප්‍රකාශය කළහ.

එහිදී මාධ්‍යයට අදහස් දක්වමින් කාදිනල් තුමෝ මෙසේ ද කීහ.  මේක ඉතාමත් අවාසනාවන්ත සිදුවීමක් අපගේ කණගාටුව ප්‍රකාශ කරනවා.අපි බලාපොරොත්තුවෙනවා මේ වගේ දේවල් කරන අයට නිසි දඬුවම් ලැබෙයි කියලා .මේවා පිටි පස්සේ හුඟක් දුරට තියෙන්නේ  දේශපාලනය  ආගමෙන් සුපුල්වත් කරගන්න දරන උත්සහයක ප්‍රථිපලයක් විදිහටයි.

ආගමයි දේශපාලනයයි කියන්නේ දෙකක්.අපි ඒ දෙක වෙන් වෙන්ව තියාගන්න ඕනේ. අපි ඔක්කොමල්ලම එක සහෝදරයන් පිරිසක් ලෙස ජීවත් වෙන්න පුළුවන් ලෝකයක් හදා ගන්න ඕනේ. අපි විශ්වාස කරනවා පකිස්නතාය හරියාකාර   පරීක්ෂණයක් කරලා මේකේ  පිටුපස්සේ ඉන්න අය හොයාගෙන මෙම පවුලට  සාධාරණයක් කරයි කියලා. මේ  පවුලට වෙච්ච හානිය අඩුකරන්න මේ පවුලට රජයෙන් සහයෝගය ලැබෙයි කියලා අපි බලාපොරොත්තු වෙනවා.