(සුජිත් හේවාජුලිගේ සහ  අංජුල  මහික වීරරත්න)

පාර්ලිමේන්තුවේ අභිනවයෙන් ස්ථාපිත කිරීමට යෝජිත නව ස්ථාවර කාරක සභා තුන සදහා ස්ථාවර නියෝග සංශෝධනය කිරීමට අදාළ යෝජනාව  පාර්ලිමේන්තුවේ න්‍යාය පත්‍රයට ඇතුළත් කිරීමට අද (22) පැවැති පාර්ලිමේන්තු කටයුතු පිළිබද කාරක සභාවේදී තීරණය කර ඇත.

ඒ අනුව හෙට ( 23) ඒ සදහා අනුමතිය ලබා ගැනීමට නියමිත බව  පාර්ලිමේන්තුවේ මහලේකම් ධම්මික දසනායක මහතා පැවසීය.

කථානායක   මහින්ද යාපා අබේවර්ධන මහතාගේ ප්‍රධානත්වයෙන් අද (22) පැවැති පාර්ලිමේන්තු කටයුතු පිළිබද කාරක සභාවේදී මෙම තීරණය ගෙන ඇත.