අයි.එම්.එෆ් එකඟතා ගැන හිටපු මුදල් රාජ්‍ය ඇමති සතුටු වෙයි

(අංජුල මහික වීරරත්න)

විස්තීරණ අරමුදල් පහසුකම (EFF) වැඩසටහනේ 3 වන සමාලෝචනය සාර්ථකව නිම කිරීම සනිටුහන් කරමින් IMF සහ ශ්‍රී ලංකා බලධාරීන් අතර කාර්ය මණ්ඩල මට්ටමේ එකඟතාවයකට පැමිණීම ගැන සතුටු වන බව හිටපු මුදල් රාජ්‍ය අමාත්‍ය ශෙහාන් සේමසිංහ මහතා x පණිවිඩයක් නිකුත් කරමින් පවසයි.

"මෙම ජයග්‍රහණය ශ්‍රී ලංකාවේ ආර්ථික ප්‍රකෘතිය කරා යන ගමන ශක්තිමත් කරමින් සිව්වන මූල්‍ය ආධාර වාරිකය විවෘත කිරීමට මග පාදයි.

2024 ජනවාරි සිට ජූනි දක්වා සමාලෝචිත කාලසීමාව ජනාධිපති රනිල් වික්‍රමසිංහගේ පාලන සමයේදී බව සැලකිල්ලට ගැනීම වැදගත්ය. ශ්‍රී ලංකාවට මෙම තීරණාත්මක කාලසීමාව ක්ෂේත්‍ර කිහිපයක එකඟ වූ ඉලක්ක සපුරාලීම පමණක් නොව එකඟ වූ ඉලක්ක ඉක්මවා යමින් අත්පත් කර ගත් ප්‍රගතිය පිළිබිඹු කරමින් කාර්ය මණ්ඩල මට්ටමේ ගිවිසුමට එළඹීමට පූර්ණ විශ්වාසයක් ලබා දුන්නේය.

ආර්ථිකය පුනර්ජීවනය කිරීම සඳහා අප හඳුන්වා දුන් EFF වැඩසටහනට වත්මන් පරිපාලන කඳවුර මුලදී විරුද්ධ වූවත් එය රටේ අභියෝගවලට මුහුණ දීම සඳහා අත්‍යවශ්‍ය කාර්යභාරයක් ඉටු කරන බව දැන් පිළිගෙන තිබේ.

ශ්‍රී ලංකාවේ ආර්ථික ස්ථාවරත්වය සහ වර්ධනය සහතික කිරීම සඳහා ව්‍යුහගත සහ විනයගරුක රාමුවකට අනුගත වීමේ තීරණාත්මක වැදගත්කම මෙම එයින් ඉස්මතු කරයි"යනුවෙන්ද ශෙහාන් සේමසිංහ මහතා සඳහන් කරයි.

අදහස් (12)

අයි.එම්.එෆ් එකඟතා ගැන හිටපු මුදල් රාජ්‍ය ඇමති සතුටු වෙයි

විදුර Monday, 25 November 2024 08:44 AM

රනිල්ට විතරයි පුළුවන් කියපු අයත් උන්නා..

: 21 25

බකල ජයා Monday, 25 November 2024 09:04 AM

මේ තුමා නියෝජ්‍ය ඇමති කාර්යයට හොඳයි කියල අහල තියෙනව. ඒ උනාට 'හිටපු' නිසා හිටියනම් තමයි තවත් හොඳ එන්නැතුව.

: 7 12

Free thinker Monday, 25 November 2024 09:24 AM

මේ සහෝදරයන්ට ප්‍රතිපත්තියක්, සැලැස්මක් හෝ දැක්මක් නැහැ. ඔවුන් දිගටම රනිල් විවේචනය කරමින් එයම කරනු ඇත

: 31 36

jimmyMonday, 25 November 2024 10:06 AM

නොදන්නා මගුල් කියවන්නේ නැතිව ඉන්න .

: 25 18

මැක්ස් Monday, 25 November 2024 10:50 AM

ඔබතුමා, කාන්චන, ඩී.වී. චානක වැනි තරුණ මන්ත්‍රීවරු පසුගිය කාල වකවානුවේ කළ වැඩ කොටස කොතරම් වැදගත් සහ අත්‍යවශ්‍ය වුවත්, මේ මොහොතේ බේගල් විශාල ප්‍රමාණයක ගිලී නෑවී විලම්බීත තත්වයේ සිටින ශ්‍රී ලාංකික ජනතාවට ඒ ගැන වගේ වගක් නැත. වේයන්ගොඩ නිධානයෙන් හෝ උගන්ඩාවෙන් මුදල් රැගෙන විත් රට ගොඩ දමන තුරු සිහින දකින ඔවුන් ගේ විචාර බුද්ධිය වර්තමානයේ නන්නත්තාර වී ඇත. වර්තාමන රජය කිසිම හිරිකිතයක් නොමැතිව රනිල් මහතා ප්‍රමුඛ ඔබ සැම කැපූ පාරේ ගමන් කළත් ඊට හුරේ දාන ජහමනයන්ට ඔබගේ සේවය අමතක වීම අරුමයක් නොවේ. ත්‍රස්තවාදයෙන් රට ගොඩ දැමූ මහින්ද හොරා වී රට ලේ විලක් කළ ප්‍රභා හිරු දෙවි වන මේ විහිළුකාර සමයේ ඔබ වැනි අය නිශ්ශබ්ද වීම යෙහෙකි.

: 17 17

de silva Monday, 25 November 2024 10:55 AM

රට අමාරුවේ වැටුනේ ගෝඨාභය කබ්රාල්ගේ සහ පී බී ජයසුන්දරගේ කීමට IMF වැඩසටහනෙන් 2019 දී ඉවත් වීම නිසා, අලුත් ආණ්ඩුව වැඩසටහනේ ඉදිරියට යන ගමන්, රජයේ නාස්තිකාර වියදම් නතරකර දූෂණ වංචා වලට තිත තියමින් ගියොත් IMF අපිට තව තව උදවු කරාවි... සාමාන්‍යයෙන් රටක ආණ්ඩුවක් මාරුවුණා කියලා IMF වැනි රටක ආර්ථිකයට බලපාන වැදගත් තීන්දු තීරණ වෙනස් කරන්නේ නැහැ. එහෙම කළොත් රට නැවත අනතුරේ වැටෙනවා. එම කරුණු කරණා දන්නා වර්තමාන රජය වගකීමෙන් ක්‍රියාකරන බව පෙනෙනවා. දේශපාලන වේදිකාවල කියපුවා 100% කරන්න කියලා බලකළොත් අමාරුවේ වැටෙන්නේ අපි සියලු දෙනාම බව සිතට අරන් ජනතාව මේ අවස්ථාවේදී ඉවසීමෙන් කටයුතු කළ යුතුයි...

: 2 18

Bunny Preena Monday, 25 November 2024 11:55 AM

පක්ෂ දේශපාලනය පැත්තක දාලා රට වෙනුවෙන් හොඳම දේ කරන්න ඔක්කොමලා අත්වෙලා බැඳගෙන වැඩ කරන එක තමයි හොඳ...

: 2 17

චින්තක Monday, 25 November 2024 02:13 PM

IMF ඩීල් එක පුළුවන් ර්නිල් හා ගෝලයින් විතරයි කියලා සිලින්ඩරයට ඡන්දේ දෙන්න කියලා ඉල්ලුවට දැන් මිනිස්සුන් දැනුවත්, මිනිසුන් මාලිමාව සමඟ උන්නා. ඒත් ඔය පොහොට්ටුවේ තරුණ, දක්ෂ, ඇමැති වරු කීපදෙනෙකු උන්නා.. ඔවුන් රනිල් එක්ක උන්නු නිසා මිනිසුන් ඔවුන් ව පැරදවීමට කටයුතු කළා.

: 3 12

Wanasinha Monday, 25 November 2024 03:34 PM

ණය ගන්න නායකයෝ ඕනෙද අප්පා..? ජෙබයියන්ට මතකද දන්නේ නෑ....

: 6 8

Prasanna Monday, 25 November 2024 04:21 PM

ඕවා ගෙවන්නේ කවුද? රට වලපල්ලට යවන්න එපා. ණය වෙන්න එපෝ...

: 3 5

ANTON PERERA Monday, 25 November 2024 04:50 PM

කයියනායකලා කිව්වේ... කොහොමද අපි ආවාම ඔය IMF එක වැඩ කරන්න ඕනෙ අපිට අවශ්‍ය විධියට කියලා නේද? ඒ එකඟතා වෙනස් කරනවා කිව්වා නේද? දැන් මොකද වෙලා තියෙන්නේ?

: 7 9

Janith Monday, 25 November 2024 10:23 PM

රට කොච්චර වලපල්ලට ගියත් ජෙබයියෝ අපුල්ලති...

: 1 0