(බිමල් ශ්‍යාමන් ජයසිංහ)

අද සමාජයේ විවිධ තරාතිරම්වල බොහෝ පිරිස් තම උපන්දිනය සමරන්නේ විශේෂයෙන් තෝරාගත් ස්ථානවලය. ඊට හාත්පසින්ම වෙනස් ස්ථානයක සිට සිය සහෝදර නිලධාරීන් සමග උපන්දිනය සැමරු අපූරු පොලිස් නිලධාරියෙක්  පිළියන්දල පොලිසියේ රථවාහන අංශය ඉදිරිපිට දී අද කැමරාවට අසුවිය.

ඔහුගේ 22 වෙනි උපන් දිනය නිමිත්තෙන් තැනූ කේක් එක , මල් කළඹක් සහ ඡායාරූපයක් කොස්තාපල්වරයාව පුදුමයට පත් කරමින් කුරියට සේවාවක් හරහා මහනුවර පදිංචි පෙම්වතිය  ඔහු වෙත ලැබීමට සැලසීමෙන් අනතුරුව මාසික පරීක්ෂණයට සූදානම්ව කාර්ය බහුල රාජකාරිය අතරතුර ලද ත්‍යාගය බයිසිකලයක් මත තබා සිය සහෝදර නිලධාරීන් ගේ සුභ පැතුම් මධ්‍යයේ කොස්තාපල් සුපුන් කුමාර කේක් ගෙඩිය කපා උපන්දිනය සැමරුවේ මෙසේය.