( තිළිණි ද සිල්වා සහ රංජන් කටුගම්පොළ )

නීතිපතිවරයා උපදෙස් මත තමාව  අත්අඩංගුවට ගැනීම වළක්වාලන අතුරු නියෝගයක් නිකුත් කරන්නැයි ඉල්ලා හිටපු අමාත්‍ය හා පාර්ලිමේන්තු මන්ත්‍රී රිෂාඩ් බදියුදීන් මහතා අද (15) අභියාචනාධිකරණය හමුවේ රිට් පෙත්සමක් ගොනු කරන ලදී.

නීතීඥ ගෞරී සංගරී තවරාසා මහත්මිය මාර්ගයෙන් ගොනු කර ඇති මෙම පෙත්සමේ වගඋත්තරකරුවන් ලෙස අපරාධ පරීක්ෂණ දෙපාර්තමේන්තුවේ කාන්තා පොලිස් පරීක්ෂක නිරෝෂණි හේවා පතිරණ , එහි ස්ථානාධිපති , එම දෙපාර්තමේන්තුවේ නියෝජ්‍ය අධ්‍යක්ෂක කවින්ද පියසේකර , වැඩබලන පොලිස්පති සී.ඩී.වික්‍රමරත්න , නීතිපතිවරයා ඇතුළු හත්දෙනෙකු නම් කරනු ලැබ සිටිති.

2019 වසරේ ජනාධිපතිවරණයේ අවතැන් වූ පිරිසක් ලංගම බස් රථ වලින් ඡන්ද පොළට රැගෙන යාමෙන් මහජන මුදල් අවභාවිත කර ඇතැයි කියමින් ඒ සම්බන්ධයෙන් තමාව අත්අඩංගුවට ගෙන අධිකරණයට ඉදිරිපත් කරන්නැයි නීතිපතිවරයා දුන් නියෝගය නීතිවිරෝධී බවත් , එය බලරහිත කරන්නැයිද හිටපු අමාත්‍ය රිෂාඩ් බදුද්දීන් මහතා සිය පෙත්සම මගින් අභියාචනාධිකරණයෙන් ඉල්ලා සිටී.