(ක්‍රිෂාන් ජිවක ජයුරුක් සහ ජයන්ත ජයවර්ධන)

මීට වසර 22කට පෙර නඩු විභාගයට  සහභාගී විම සඳහා යමින් සිටි පිරිසක් රැගත් වෑන් රථයකට වෙඩි තබා පස් දෙනකු ඝාතනය කිරීමේ සිද්ධියට වරදකරුවන් වූ දකුණේ ප්‍රකට මත්කුඩු ජාවාරම්කරුවකු බව කියන චමිල් නමැත්තා ඇතුළු හය දෙනකුට මාතර මහාධිකරණ විනිසුරු තාමර තෙන්නකෝන් මහතා මරණ දඬුවම නියම කළේය.

එම නඩුවේ විත්තිකරුවෝ පස් දෙනෙක් නිදහස් කරනු ලැබූහ.

මරණ දඬුවම නියම කරන ලද්දේ දෙව්නුවර නාරාතොට හේවගේ තමිල් අජිත් කුමාර නොහොත් කුඩු චමිල්, සුමිත් කුමාර,සවුන්දා හැන්නදිගේ චමින්ද, අබේරත්න මාගම්පත්තු මහා විදානගේ නාමල්, අබේරත්න වීරසේකර පටබැඳිගේ රොෂාන් දිල්රුක්ෂ, අබේතරන වීරසේකර පටබැඳිගේ නිශාන්ත යන සය දෙනෙකි.

2000 වසරේ නොවැම්බර් මස 14 දින හෝ ඊට ආසන්න දිනයකදී ඔවුන් දෙවිනුවර ඔරලෝසු කණුව ඉදිරිපිටදී වෑන් රථයකට වෙඩි තබා පස් දෙනකු ඝාතනය කළ බවට නීතිපති අධි චෝදනා ගොනු කළේය.