මාර්ග තදබදය අධික ප්රදේශවල පිහිටි තවත් පාසල් 20 ක් සඳහා 2023 මුල් මාස තුන තුළ දී මාර්ග සුරක්ෂිතතා උපකරණ ප්රදානය කිරීමට සියැට් කැලණි හෝල්ඩින්ග්ස් සමාගම පසුගිය දා පියවර ගත්තේය.
සියැට් කැලණි සමාගමේ ‘මග යන මග’ ලෙස නම් කර ඇති පාසල් මාර්ග සුරක්ෂිතතා වැඩසටහන යටතේ සමාගම විසින් මෙම පාසල්වලට උපකරණ 330 ක් බෙදා දුන් අතර ඒවාට මාර්ග සුරක්ෂිතතාව සම්බන්ධ සංඥා පුවරු 150 ක්, මාර්ග කේතු 160 ක් සහ පාසල් රිය නියාමක කබා 20 ක් අයත් වේ. මෙම කැපී පෙනෙන ප්රජා වැඩසටහනට සියැට් සමාගම දීර්ඝ කාලීන කැපවීමක් සිදු කර ඇත්තේ සමාගමේ සියලුම නිෂ්පාදන ද මාර්ග සුරක්ෂිතතාව හා සම්බන්ධ වන නිසා යැයි සමාගම පවසයි.
මෙවර මෙම වැඩසටහන තුළින් ප්රතිලාභ ලබාගත් පාසල් අතරට කොළඹ 10 ආනන්ද විද්යාලය, නුගේගොඩ අනුලා විද්යාලය, වේයන්ගොඩ බණ්ඩාරනායක මධ්යම මහා විද්යාලය, නාත්තන්ඩිය ධම්මිස්සර ජාතික පාසල, කැලණියේ කැලණි මහා විද්යාලය, කොළඹ 07 කාන්තා විද්යාලය, කඩවත මහාමායා බාලිකා මහා විද්යාලය, කොළඹ 03 මහානාම විද්යාලය, මහරගම පිහිටි මහරගම මධ්යම මහා විද්යාලය, මීගමුව මාරිස් ස්ටෙලා විද්යාලය, කැලණියේ පිහිටි පෑලියගොඩ රෝ.ක.වි., හෝමාගම ජනාධිපති විද්යාලය, කැලණිය ජනාධිපති විද්යාලය, කොළඹ 08 රත්නාවලී බාලිකා මහා විද්යාලය, වැලිගම සිද්ධාර්ථ විද්යාලය, නුගේගොඩ ශාන්ත ජෝසප් බාලිකා විද්යාලය, නුගේගොඩ ශාන්ත ජෝසප් විද්යාලය, වෙන්නප්පුව ශාන්ත ජෝසප් වාස් විද්යාලය, හෝමාගම සුභාරතී මහාමාත්ය මහා විද්යාලය සහ කිරිබත්ගොඩ විහාර මහා දේවී බාලිකා විද්යාලය අයත් වේ.
කොවිඩ් වසංගතය නිසා විරාමයක් ලබාගැනීමෙන් පසුව සියැට් විසින් පාසල් මාර්ග සුරක්ෂිතතා වැඩසටහන යළිත් වරක් පසුගිය වසරේ දී ආරම්භ කළ අතර එහි දී උපකරණ පරිත්යාග කිරීමේ ආකෘතිය අනුව වැඩසටහන ඉදිරියට රැගෙන ගියේය. මෙම වැඩසටහනේ මුල් අදියරේ දී සෘජුවම සිසු දරුවන්, දෙමව්පියන්, ප්රවාහන සම්පාදකයන් එනම් මූලික වශයෙන් පාසල් වෑන් රථ රියදුරන් සමග සම්බන්ධ වූ අතර ඔවුන් වෙනුවෙන් මාර්ග සුරක්ෂිතතා වැඩමුළු පවත්වා සමාගම විසින් දැනුවත් කිරීම් කරන ලදී. එසේම, මෙම වැඩමුළුවලට සමගාමීව සහභාගී වූ සෑම පාසලකටම මාර්ග කේතු, පාසල් රිය නියාමක කබා, මාර්ග සංඥා සහ අනිකුත් අවශ්ය උපකරණ සමාගම විසින් ප්රදානය කළේය
595
දිවුලපිටිය ලංගම ඩිපෝවට අයත් බස් රථයක රියැදුරකුට මිනුවන්ගොඩ බස් නැවතුම්පොළේ දී ප්ලාස්ටික් බෝතලයකට මුත්රා පුරවා පහර දීම හේතුවෙන් රියැදුරා සහ එම බස් ර
රජයේ ප්රබල නිලධාරියකුගෙන් සහ දේශපාලන අධිකාරියේ ප්රබලයන්ගෙන් රාජකාරියට එල්ලවන බලපෑම් නිසා තිස්සමහාරාම ප්රාදේශීය ලේකම් තනතුර අතහැර මාරුවක් ලබා ය
දිවයිනේ බොහෝ ප්රදේශවල පවතින අධික වැසි සහිත කාලගුණ තත්වය හේතුවෙන් දිස්ත්රික්ක තුනක ප්රාදේශිය ලේකම් කොට්ඨාස නවයකට නාය යෑමේ අනතුරු ඇඟවීමේ අවදානම් න
කොළඹ සිනමා ශාලාවක් තුළ වැටී තිබියදී මීට වසරකට පමණ ඉහතදී අහුලාගත් රුපියල් ලක්ෂ දෙකක් පමණ වටිනා රන් මාලයක් සුරැකිව තබාගෙන සිටී චිත්රපටි නිෂ්පාදකවරයකු
දකුණු කොරියාවේ පැවැත්වෙන වයස 20 න් පහළ ආසියානු කනිෂ්ඨ මලල ක්රීඩා තරගාවලියේදී ශ්රී ලංකාව රන් පදක්කම් දෙකක් සමගින් පදක්කම් 5 ක් දිනාගනිමින් අද (5) පස්වරු
ගිරිතලේ යුද හමුදා පොලිස් සේවා බළකා කඳවුරට අයත් සුබසාධන අලෙවිහල බිඳ රුපියල් ලක්ෂ 2ක පමණ දුම්වැටි තොගයක් සොරාගෙන ගොස් ඇතැයි මින්නේරිය පොලිසිය පවසයි.
මැයි 23, 2023 - කොළඹ දී. දේශයේ රක්ෂකයා ශ්රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක බදුපෙර ලාභයක් සහ රු. බිලියන 41.2 ක ඒකාබද්ධ රක්ෂණ වාරික අදායම් අගයක් වාර්තා
ආබාධිත තත්ත්වයන් හේතුවෙන් වෙනස්ව සැළකීම හා සබැඳි කථිකාවන් වෙනස් කිරීම තුළින් ඒ පිළිබඳව ඇති අපකීර්තිය වෙනස් කිරීම පිණිස Linea Aqua සමාගම හා එක්ව, ආබාධිත පුද්
කොළඹ ඩර්ඩන්ස් රෝහලේ අධ්යාපනික අංශය වන Amrak වෛද්ය විද්යා අධ්යාපන ආයතනය, පසුගියදා ඕස්ට්රේලියාවේ ප්රමුඛතම විශ්ව විද්යාලයක් වන සිඩ්නි තාක්ෂණ
සියැට් වෙතින් පාසල් 20 කට මාර්ග සුරක්ෂිතතා උපකරණ