2025 නොවැම්බර් මස 07 වන සිකුරාදා
(අංජුල මහික වීරරත්න)
ශ්රී ජයවර්ධනපුර රෝහලේ නව සභාපතිවරයා ලෙස වෛද්‍ය තමර කළුබෝවිල මහතා පත්කර ඇත.
සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා විසින් ඊට අදාළ පත්වීම් ලිපිය සෞඛ්‍ය හා ජනමාධ්‍ය අමාත්‍යාංශයේ දී වෛද්‍ය තමර කළුබෝවිල මහතා වෙත බාරදෙනු ලැබීය.
කොළඹ රාජකීය විද්‍යාලයෙන් උසස් අධ්‍යාපනය හදාරා ඇති වෛද්‍ය තමර කළුබෝවිල මහතා 1986 වසරේ දී කොළඹ වෛද්‍ය පීඨයෙන් MBBS වෛද්‍ය උපාධිය ලබාගෙන වෛද්‍ය වෘත්තියට පිවිස ඇත.
පානදුර රෝහලෙන් වෛද්‍යවරයකු ලෙස රාජකාරී දිවිය ආරම්භ කළ කළුබෝවිල මහතා සෞඛ්‍ය වෛද්‍ය නිලධාරී, ප්‍රාදේශීය සෞඛ්‍ය සේවා අධ්‍යක්ෂ, මාතෘ හා ළමා වෛද්‍ය නිලධාරී, වසංගත රෝග වෛද්‍ය නිලධාරී, ආයතන භාර වෛද්‍ය නිලධාරී ආදී වශයෙන් තනතුරු රැසක සේවයෙන් පසු හොරණ රෝහලේ වෛද්‍ය අධිකාරී ලෙස වෛද්‍ය පරිපාලන ක්ෂේත්‍රයට පිවිසියේය.
වෛද්‍ය පරිපාලන සේවාවට අදාළ පශ්චාත් උපාධිය කොළඹ පශ්චාත් උපාධි ආයතනයෙන් 2002 වසරේ ලබාගෙන ඇති වෛද්‍ය තමර කළුබෝවිල මහතා ඉන් අනතුරුව පානදුර රෝහල, හොරණ රෝහල, කළුතර මහ රෝහලේ මෙන් ම කළුතර සෞඛ්‍ය විද්‍යායතනයේ අධ්‍යක්ෂ ලෙසත්, කළුතර දිස්ත්‍රික් සෞඛ්‍ය සේවා අධ්‍යක්ෂ (RDHS) ලෙසත් කටයුතු කර ඇත.
වෛද්‍ය තමර කළුබෝවිල මහතා ශ්රී ජයවර්ධනපුර රෝහලේ දී අද (30) උදෑසන සිය ධූරයේ වැඩ බාර ගත්තේය.
2025 නොවැම්බර් මස 04
305
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2123
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1614
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
ශ්රී ජයවර්ධනපුර රෝහලට අලුත් සභාපතිවරයෙක්
Jagath Leanage Wednesday, 30 July 2025 12:37 PM
රෝහල් පරිපාලනය සම්බන්ධයෙන් එතුමාට සුදුසුකම් තියන නිසා හොඳ රාජකාරියක් කරාවි කියා බලපොරෝත්තු වෙනවා.
සඳුන් Wednesday, 30 July 2025 03:06 PM
මෙතුමාත් බේරිලා ඇමතිවරයාගේ වස්ත්‍රයත් බෙරාගැනීමට හැකි දක්ෂයෙක්. හැබැයි රෝහලත් එහෙම තිබ්බ විධියටම තියෙයි.
de silva Wednesday, 30 July 2025 04:34 PM
පොහොට්ටු ආණ්ඩුවක් තිබුන නම් මේවෙනකොට අර දොස්තර නෝනා විසින් ඇයගේ පුද්ගලික සමාගමත් ඕක ඇතුලෙම දමාගෙන , බඩු ටිකත් විකුණගෙන , මිනීපෙට්ටි සාප්පුවකුත් රෝහල තුලම දමාගෙන මළමිනී ටිකත් ඔපරේෂන් තියටර් එක ඇතුලෙම එම්බාම් කරලා එවාවි
Viduranga Wednesday, 30 July 2025 05:57 PM
මෙය හොඳ පියවරක්. වංචා සහ අක්‍රමිකතාවලට සම්බන්ධ වී ඇති පෙර සභාපති ජයනාග ගැන අපි කිසිසේත් සෑහීමකට පත් නොවෙමු.
Dr Chathuria Wednesday, 30 July 2025 06:02 PM
පෙර සභාපතිවරයාට මෙම ක්ෂේත්‍රයේ හෝ ඔහුගේම කර්මාන්තයේ කිසිදු අත්දැකීමක් නොතිබුණි. ඔහු තම කාලය නාස්ති කළේය. කාලෝචිත මැදිහත්වීම ගැන අමාත්‍යතුමනි, ඔබට ස්තූතියි.
දිමුත් Thursday, 31 July 2025 10:57 AM
එතුමා කලුතර විතරමද වැඩ කරලා තියෙන්නේ?