(බිමල් ශ්‍යාමන් ජයසිංහ) 

කළුතර දකුණ ප්‍රදේශයේ  පුද්ගලික ආයතනයකට  ව්‍යාජ මුදල්  ලබාදී භාණ්ඩ ලබා ගැනීමට උත්සහ දැරූ පරිගණක සැලසුම් ශිල්පියෙක්    ව්‍යාජ මුදල් නෝට්ටු කීපයක් සමග අත්අඩංගුවට ගත් බව කලුතර දකුණ පොලිසිය කියයි 

සැකකරු සන්තකයේ තිබී රුපියල් පන්දහසේ ව්‍යාජ මුදල් නෝට්ටු දෙකක් සහ රුපියල් දහසේ ව්‍යාජ මුදල් නෝට්ටුවක් සොයාගෙන ඇත 

ආහාර නිෂ්පාදන  අළෙවි කරන ආයතනයකට පැමිණ තිබූ මෙම පුද්ගලයා රුපියල් 1000 දහසේ ව්‍යාජ මුදල් නෝට්ටුවක් දී ආහාර කීපයක් ඉල්ලූම් කර  තිබූ අතර ඔහු  ලබා දුන් මුදල් නෝට්ටුව සම්බන්ධයෙන් ඇති වූ සැකයක් මත  රඳවා ගැනීමෙන් අනතුරුව පොලීසියට කල දැනුම්දීමක් මත පැමිණි පොලිස් නිලධාරීන්  සිදු කළ පරික්ෂාවේදී සැකකරු සන්තකේ තිබී  තවත් ව්‍යාජ රුපියල් රුපියල් පන්දහසේ නෝට්ටු දෙකක් තිබී හමු වූ බව පොලිසිය කියයි 

සැකකරුගෙන් සිදුකළ මූලික ප්‍රශ්න කිරීමේදී ඔහු සේවය කරන කොල්ලුපිටිය ප්‍රදේශයේ පෞද්ගලික ආයතනයක දී මෙම ව්‍යාජ මුදල් නෝට්ටු මුද්‍රණය කළ බවට අනාවරණ වූ බව පොලිසිය කියයි 

 සැකකරු  වැඩිදුර විමර්ශන සඳහා අපරාධ පරීක්ෂණ දෙපාර්තමේන්තුවට බාර දී ඇත. 46 හැවිරිදි සැකකරු කළුතර දකුණු ප්‍රදේශයේ පදිංචිකරුවෙකි .කළුතර දකුණ  පොලිසියේ ස්ථානාධිපති ප්‍රධාන පොලිස් පරීක්ෂක සුනෙත්  ශාන්ත මහතාගේ උපදෙස් මත පරීක්ෂණ පවත්වයි