Reply To:
Eranda - cb chds hcdsh cdshcsdchdhd
2022 අගෝස්තු මස 11 වන බ්රහස්පතින්දා
(අංජුල මහික වීරරත්න)
රටෙි දැවෙන ප්රශ්න වලට කඩිනම් විසඳුම් සෙවීම සඳහ සර්වපාක්ෂික ආණ්ඩුව ඉතා වැදගත් බව අග්ගමහා පණ්ඩිත දොඩම්පහල චන්දසිරි ශ්රී ලංකා අමරපුර මහා නිකායේ උත්තරීතර මහා නා හිමියෝ පැවසූහ.
සාර්ව ආර්ථික ප්රතිපත්තියක් ක්රියාවට නංවමින් රටේ දැවෙන ප්රශ්නවලවලට කඩිනම් විසඳුම් ලබාදීමට ශක්තිමත් රජයක් අත්යවශ්ය බව ද මහා නාහිමියෝ කීහ.
රාජගිරිය, කලපලුවාව, ගෝතම තපෝවන විහාරස්ථානයට පැමිණි ජනාධිපති රනිල් වික්රමසිංහ මහතා අමරපුර මහා නිකායේ මහා නා හිමි බැහැ දැක ආශිර්වාද ලබා ගත්තේය.
මහා නා හිමි ප්රමුඛ මහා සංඝරත්නය සමග සාකච්ඡාවේ නිරත වීමෙන් පසු ධාතු මන්දිරයට ගොස් ආගමික වතාවත් සිදු කිරීමෙන් අනතුරුව මහා සංඝරත්නය සෙත් පිරිත් සජ්ඣායනය කොට ජනාධිපතිවරයාට ආශිර්වාද කළහ.
එහිදී අනුශාසනාවක් කරමින් දොඩම්පහල චන්දසිරි මහා නා හිමියන් පැවසූයේ කෘෂිකර්මාන්තයට මුල්තැන දී රට ස්වයංපෝෂිත කිරීමට අවශ්ය වැඩපිළිවෙළ සකස් කළ යුතු බවයි. කුසලතාව මත පදනම්ව රැකියා අවස්ථා ඉලක්ක කරගත් ජාතික අධ්යාපන ප්රතිපත්තියක් සැකසීම සහ අනාගත ලෝකය ජයගත හැකි සුදුසු විෂයයන් පාසල් විෂය මාලාවට ඇතුළත් කළ යුතු බව ද මහා නා හිමියෝ පෙන්වා දුන්හ.
මෙම අවස්ථාවට ශ්රී ලංකා අමරපුර මහා නිකායේ මහා ලේඛකාධිකාරී ආචාර්ය පල්ලේකන්ද රතනසාර හිමි ඇතුළු එම නිකාය නියෝජනය කරන සංඝ සභාවල මහා සංඝරත්නය ද සහභාගී වී සිටියහ.
චින්තක Friday, 05 August 2022 01:53 PM
මෙම හමුව රූපවාහිනී පුවත් මගින් දැක්කා ඉතාමත් වැදගත් කරුණු ගොඩක් සාකච්ඡා වුනා එම අදහස් ක්රියාත්මක වුනොත් රටට සෙතක් වෙනවා
Reply : 9 128
ajith Friday, 05 August 2022 02:54 PM
මෙයා ඉතින් වන්දනාවේ යනවා. අද රටේ මිනිස්සු බස් නැතුව පෝලින්වල වේලෙනවා.
Reply : 49 5
Senaka Saturday, 06 August 2022 09:41 AM
පැය 12ක් යන්න කලින් බස් පෝලිම් ප්රශ්නෙ විසඳලා තියෙන්නෙ. කොහොමත් රටේ ප්රශ්නයක් එනකන් නියවගෙන ඉන්න සෙට් එකක් ඉන්නව. ඒ මිනිස්සුන්ගෙ දුක පෙන්නල හොර පාරෙන් බලේ ගන්න බලාගෙන.
Reply : 0 0
කල්පනා Saturday, 06 August 2022 09:46 AM
අජිත් නොදන්නා වුනත් අතීතයේ රජවරු පවා සංඝයා වහන්සේසේලා ගෙන් උපදෙස් ගත්තා. උපදේශක පත්කිරීමට වඩා මෙහෙම උපදෙස් වියදමින් තොරව පත්කිරීමක් නැතුව ගන්න. පුළුවන් පත්කරන උපදේශක වගේ නොවෙයි ඉතාමත් සාර්ථක උපදෙස් ලැබෙනවා. .නායකයෙක් තීරණ ගතයුත්තේ ජනතා අදහස් .පූජ්ය පපක්ෂයේ උපදෙස් හා පූර්වාදර්ශයන් ආශ්රිතව තමයි .එහෙම නැතුව තීරණ ගැනීමේ විපාක හිටපු ජනාධිපති විදිනවා නේද?
Reply : 0 0