IMG-LOGO

ගොවිතැන් වැනසුණු ලුණුගම්වෙහෙර ගොවීන්ගේ අඳෝනාව - වීඩියෝ

(අමිල සම්පත් ශ්‍රී)

ප්‍රමාණවත් පොහොර කෘෂිරසායන හා වගා පාඩුවට වන්දි දෙන ප්‍රමාණය නිශ්චිත වශයෙන් සඳහන් කරන තුරු මහ කන්නයේ වීවගාවෙන් ඉවත් වීමට ලුණුගම්වෙහෙර දකුණු ඉවුරේ ගොවීහු  කන්න රැස්වීමේදී තීරණය කළහ.

නොවැම්බර් මස පළමු වැනි දිනට පෙර මෙම ගැටළු වලට පිළිතුරු ලබා දෙන්නේ නම් පමණක් වී වගාවට යාහැකි බවට මෙහිදී ගොවි නායකයින් පවසන ලදී.

ලුණුගම්වෙහෙර ප්‍රාදේශීය ලේකම් අයි එල් වික්‍රමනායක කෘෂිකර්ම අධ්‍යක්ෂක හේමන්ත අමරසිංහ මහත්වරුන් ගේ ප්‍රධානත්වයෙන් වීරවිල කනිෂ්ඨ විද්‍යාලයේදී පැවති කන රැස්වීමේදී කාබනික පොහොර සහ ජෛව ක්‍රමවලට පමණක් වල් මර්ධනය කරමින් මෙවර වී වගාව සිදු කර යුතු බවට කෘෂිකර්ම අධ්‍යක්ෂකවරයා ප්‍රකාශ කිරීමේදී උණුසුම් තත්වයක් ඇතිවිය

පසුගිය කන්නේ පොහොර සහ කෘෂි රසායන ද්‍රව්‍ය නිසි පරිදි වී වගාවට යෙදීමට නොලැබීම හේතුවෙන් එම කන්නේ අස්වැන්න සියයට 50 කින් පමණ අඩු වී ඇති බවත් ඒ පිළිබඳව තක්සේරු කිරීමට හෝ කිසිදු නිලධාරියෙක් ක්ෂේත්‍රයට නොපැමිණි බවත් චෝදනා කළහ.

පාඩුවට වන්දි මුදල් ලබා දෙන බවට රජය වගකිව යුත්තන්  මාධ්‍ය ඉදිරිපිට පුරසාරම් දෙඩුවට අද වෙනතුරුත් කිසිදු වන්දි මුදලක් ලබා නොදීම හේතුවෙන් මහා කන්නයේ පිළිබඳ විශ්වාසය තැබිය නොහැකි බව ගොවි සංවිධානයේ සභාපති සාමිත චතුරංග පැවැසීය .

පසුගිය කන්නයේ වී වගාව ආරම්භයේ දී කෘෂිකර්ම අමාත්‍යවරයා වගා හානිවලට සහ අඩුවන අස්වැන්න පිලිබද යම් මුදලක් ගෙවන බව මාධ්‍ය ඔස්සේ සඳහන් කළ ද ඒ පිළිබඳ විශ්වාසය තබා අපි එම කන්නේ වී වගාවට යොමු නමුත් පහුගිය කන්නේ වගා හානිය සහ අස්වැන්න අඩු වීම සම්බන්ධයෙන් මෙතෙක් කිසිදු වන්දි මුදලක් ලබාදීමට කටයුතු නොකළ බැවින් කෘෂිකර්ම අමාත්‍යවරයා උසාවියට ගෙන ඒමට කටයුතු කරන බව දකුණු ඉවුරේ ගොවි සමිති නායකයෙක් මෙහිදී සඳහන් කළා .



අදහස් (5)

ගොවිතැන් වැනසුණු ලුණුගම්වෙහෙර ගොවීන්ගේ අඳෝනාව - වීඩියෝ

Nuwan Wednesday, 13 October 2021 05:52 PM

ඕක තමයි පාලකයින්ට ඕනෑ වෙලා තියෙන්නේ... පුරන් කුඹුරු පවරාගන්නවා යැයි කියලා ගැසට් ගහන්නේ ඒකයි...!!!

:       0       12

BamunuarachchiThursday, 14 October 2021 07:31 AM

පුරන් කුඹුරු කියලා පවරාගෙන එක්කෝ තවම බලපත්‍ර දීලා නැතිනම් පවරාගෙන උතුරේ ජනතාවට දෙන්න. නැගෙනහිර ගොවියන්ට නොවෙයි.

:       0       1

69lakshaya Thursday, 14 October 2021 05:10 AM

මේ ඔක්කොම කුමන්ත්‍රණ .අපේ ආණ්ඩුව ගැන අපිට හරිම සන්තෝසයි

:       0       0

Bamunuarachchi Thursday, 14 October 2021 07:28 AM

උතුරේ ගොවියනට මේවා ප්‍රශ්න නොවෙයි. උතුරේ ගොවියා කවදද උද්ගෝෂණය කලේ? මොවුන් ජේවීපී ගොවියෝ. උසිගැන්වීම ජේවීපී ය සතුයි.

:       0       1

සමිත සේනක අලුත්ගමගේ. Thursday, 14 October 2021 09:48 AM

" ගොවියා රජා ලෙස සැලකුව පෙර කාලේ .. අනේ කිමද? මේ සිදුවුණු නව තාලේ ... රන්බඩු උකස් කොට ගොවිකම කල වේලේ ... ලැබු හෙණ ගෙඩිය සුදුසුද කිවමැන රාළේ ...

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 124 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 667 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 130 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site