IMG-LOGO

2025 ජුලි මස 15 වන අඟහරුවාදා


අඟුණකොළපැලැස්ස ප්‍රහාරයේ වාර්තා යට ගහලා

(බිඟුන් මේනක ගමගේ) 

අඟුණුකොළපැලැස්ස බන්ධනාගාරයේ රැඳවියන්ට සිදුකළ පහරදීම සම්බන්ධයෙන් විමර්ශනය කිරීම සඳහා අමාත්‍ය තලතා අතුකෝරාල මහත්මිය විසින් පත්කරන ලද කමිටු වාර්තා මාස හතක් තිස්සේ බාර දී නැති බව එම අමාත්‍යංශය සඳහන් කරයි.

තොරතුරු දැනගැනීමේ පනත යටතේ බන්ධනාගාර අමාත්‍යංශයෙන් කරන ලද විමසුමකට පිළිතුරු වශයෙන් යොමු කෙරුණු ලිඛිත කරුණු දැක්වීමකින් මේ බව තහවුරු කෙරිණි.

ඒ අනුව අදාළ පහරදීම සම්බන්ධයෙන් අමාත්‍යංශයට බාර දී ඇත්තේ අතුරු වාර්තාවක් පමණකි.

අගුණුකොලපැලැස්ස බන්ධනාගාරයේ රක්ෂිත බන්ධනාගාරගත රැඳවියන් පිරිසකට එහි ඉහළ නිලධාරින් පිරිසක් විසින් පසුගිය වසරේ ඔක්තෝබර් 21 වැනිදා සිදුකරනු ලැබුවේ යැයි කියන වධහිංසා කිරීමේ සිදුවීමක් සම්බන්ධයෙන් සිරකරු අයිතිවාසිකම් සුරැකීමේ කමිටුව අපරාධ පරීක්ෂණ දෙපාර්තමේන්තුවට පැමිණිල්ලක් කරනු ලැබුවේ මෙම වසරේ ජනවාරි මාසයේදීය.

බන්ධනාගාර අධිකාරිවරයාට එරෙහිව රැඳවියන් විරෝධතා පැවැත්වීමට කළ පලිගැනීමක් වශයෙන් මෙසේ වධහිංසා කර ඇතැයි චෝදනා කළ එම සංවිධානය මේ සම්බන්ධයෙන් ශ්‍රී ලංකා මානව හිමිකම් කොමිසමටත් අධිකරණ හා බන්ධනාගාර ප්‍රතිසංස්කරණ ඇමැතිනී තලතා අතුකෝරාල මහත්මියටත් තවත් පැමිණිලි දෙකක් කළේය.

එහිදී අධිකරණ හා බන්ධනාගාර ප්‍රතිසංස්කරණ ඇමැතිනී තලතා අතුකෝරාල මහත්මියගේ නියෝගයෙන් අදාළ සිදුවීම සම්බන්ධයෙන් විමර්ශනයට කමිටු දෙකක් පත්කෙරිණි.

ඒ අනුව බන්ධනාගාර කොමසාරිස් ජෙනරාල් තුෂාර උපුල්දෙනිය මහතාගේ ප්‍රධානත්වයෙන් දෙපාර්තමේන්තු මට්ටමින් එක් ත්‍රිපුද්ගල කමිටුවක් ද කමිටුව ජනාධිපති ලේකම් කාර්යාලයේ ජ්‍යෙෂ්ඨ සහකාර ලේකම් පී.එම්. නානායක්කාර, රාජ්‍ය පරිපාලන හා කළමනාකරණ අමාත්‍යංශයේ අතිරේක ලේකම් ඩී.එම්.එම්. බස්නායක, අධිකරණ හා බන්ධනාගාර ප්‍රතිසංස්කරණ අමාත්‍යංශයේ ජ්‍යෙෂ්ඨ සහකාර ලේකම් ජී.ඒ. ස්වර්ණලතා යන මහත්ම මහත්මීන්ගෙන් සමන්විත වන සේ අමාත්‍යංශ මට්ටමින් තවත් ත්‍රිපුද්ගල කමිටුවක් ද අමාත්‍යවරිය විසින් පත්කරනු ලැබිණි.

එම ත්‍රිපුද්ගල කමිටු වාර්තා දෙකම සකසා අවසන් කර අමාත්‍යවරියට බාර දුන් බවට එම කමිටුවල නියෝජිතයන් මාධ්‍යයට ප්‍රකාශ නිකුත් කළ නමුත් මෙම තොරතුරු දැනගැනීමේ අයැදුමට ලද පිළිතුරෙන් එය ප්‍රතික්ෂේප කර ඇත. 



අදහස් (0)

අඟුණකොළපැලැස්ස ප්‍රහාරයේ වාර්තා යට ගහලා

ඔබේ අදහස් එවන්න

 

 
 

මේවාටත් කැමතිවනු ඇති

පාසල් දරුවන්ට හිස්වැසුම් බෙදා දීම 2025 ජුලි මස 14 125 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 75 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 449 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

Our Group Site