අජන්ත කුමාර අගලකඩ
විධායක ජනාධිපති ක්රමය අහෝසි කරන බව සහ නව මැතිවරණ ක්රමයක් හඳුන්වා දෙන බව පවසමින් ජනාධිපතිවරණය සහ මහ මැතිවරණය කල් දැමීමට ආණ්ඩුව උත්සාහ කළහොත් ඊට එරෙහිව එක්ව කටයුතු කිරීමට විපක්ෂයේ සියලු පක්ෂ තීරණය කර ඇත.
සමගි ජන බලවේගය, ජාතික ජන බලවේගය, උත්තර ලංකා සභාගය, නිදහස ජනතා සන්ධානය යන පක්ෂ හා කණ්ඩායම් මෙසේ එක්ව කටයුතු කිරීමට තීරණය කර ඇතැයි වාර්තා වේ.
ලබන වසරේ ඔක්තෝබර් මාසයට පෙර ජනාධිපතිවරණයත් 2025 වසරේ අගෝස්තු මාසයට පෙර මහ මැතිවරණයත් පැවැත්වීමට නියමිතව ඇති අතර නියමිත පරිදි මැතිවරණය නොපැවැත්වුවහොත් ජනතාවගේ ඡන්ද අයිතිය ආරක්ෂා කිරීම සඳහ නීති මඟින් කටයුතු කිරීමට හා මහජන බලයක් ගොඩ නැගීමට එම පක්ෂ හා කණ්ඩායම් තීරණය කර ඇතැයි දැනගන්නට ඇත.
මේ සම්බන්ධයෙන් ඉරිදා ලංකාදීපය කළ විමසීමකදී අදහස් දැක් දැක්වූ නිදහස් ජනතා සන්ධානයේ පාර්ලිමේන්තු මන්ත්රී මහාචාර්ය ජී.එල්. පීරිස් මහතා සඳහන් කළේ ජනතාවගේ පරමාධිපත්ය බලයට අභියෝග කිරීමට ආණ්ඩුවට නොහැකි බවය. ආණ්ඩුව අවසන් උපක්රමය ලෙස විධායක ජනාධිපති ක්රමය අහෝසි කරන බව කියමින් ජනාධිපතිවරණය ද කල් දැමීමේ උත්සාහයක නිරතව සිටින බව ඔහු කීවේය.
විවිධ උපක්රම භාවිත කරමින් පළාත් සභා මැතිවරණය සහ පළාත් පාලන මැතිවරණය කල් දැමුවා සේ ආණ්ඩුව ජනාධිපතිවරණය සහ මහ මැතිවරණයද කල් දැමීමේ උත්සාහයක නිරතව සිටින බව කී හෙතෙම ඊට කිසිසේත් ඉඩ දිය නොහැකි බව සඳහන් කළේය.
විධායක ජනාධිපති ක්රමය අහෝසි කරන බව කියමින් හා නව මැතිවරණ ක්රමයක් හඳුන්වා දෙන බව පවසමින් ආණ්ඩුව උත්සාහ කරන්නේ සැබෑ ලෙසම විධායක ජනාධිපති ක්රමය අහෝසි කිරීමට හෝ නව මැතිවරණ ක්රමයක් හඳුන්වා දීමට නොව මැතිවරණ කල් දැමීමට අවශ්ය පසුබිම සකසා ගැනීම බවද ඔහු සඳහන් කළේය.
ආණ්ඩුව හිතුවක්කාරී ලෙස ඡන්ද කල් දැමීමට කටයුතු කරන්නේ නම් ඊට එරෙහිව කටයුතු කිරීමට විපක්ෂයේ සියලු පක්ෂ තීරණය කර ඇතැයි ද මහාචාර්ය පීරිස් මහතා කීවේය.
මේ අතර අධිකරණ හා ව්යවස්ථා කටයුතු ඇමැති ආචාර්ය විජයදාස රාජපක්ෂ මහතා නව මැතිවරණ ක්රමයකට අදාළ යෝජනාවක් කැබිනට් මණ්ඩලයට ඉදිරිපත් කර ඇති අතර පාර්ලිමේන්තුවට පත්වන මන්ත්රීවරුන් ගණන 225 ලෙසම පවතිද්දී එය පත් කර ගැනෙන ක්රමවේදයේ වෙනසක් කළ යුතු බව එමගින් යෝජනා කර ඇත. පාර්ලිමේන්තු මන්ත්රීවරුන් 225 දෙනාගෙන් 196 දෙනකු මනාප හා අනුපාත ක්රමය යටතේ තෝරා ගැනෙන අතර විසි දෙනෙක් ජාතික ලැයිස්තුවෙන් තෝරා ගැනෙති.
නව මැතිවරණ ක්රමය යටතේ මන්ත්රීවරුන් එකසිය හැට දෙනකු කොට්ඨාස ක්රමය යටතේ ද65 දෙනකු අනුපාත සහ ජාතික ලැයිස්තුවෙන්ද තෝරා පත්කර ගත යුතු බවට එමගින් යෝජනා කර ඇත.
තෙවැනි ලෝක යුද්ධයක් හටගනීවි යැයි බියක් ඇති කරමින්, ඊශ්රායලය පෙරේදා (19දා) අලුයම ඉරානයේ නගරයකට මිසයිල සහ ඩ්රෝන යානා ප්රහාරයක් එල්ල කළේය. ඊශ්රායලය මෙ
මේ වෙනවිට අර්බුදයකට ලක්ව ඇති ශ්රී ලංකා නිදහස් පක්ෂයේ බලය අල්ලා ගැනීමට ශ්රී ලංකා පොදුජන පෙරමුණෙන් ඉවත්ව සිටින පිරිසක් සහ ආණ්ඩුවට සම්බන්ධ වී සිටින ශ්
පාස්කු ප්රහාරයට සම්බන්ධ පුද්ගලයන් පිළිබඳව හිටපු ජනාධිපති මෛත්රීපාල සිරිසේන මහතාට තොරතුරු හෙළි කළැයි කියන පුද්ගලයා හඳුනා ගැනීම සඳහා රහස් පොලීසිය
වාණිජ ණය ප්රතිව්යුහගතකරණය යටතේ ජාත්යන්තර පෞද්ගලික ණය හිමියන්ගේ ණය ප්රතිව්යුහගතකරණයට අදාළ තීරණාත්මක සාකච්ඡාවක් එම ණය හිමියන් නියෝජනය කරන කමිට
මහ මැතිවරණයට පෙර ජනාධිපතිවරණය පැවැත්වීමට ආණ්ඩුවේ ප්රධානීන්ගේ අවධානය යොමුවී ඇතැයි වාර්තාවේ. සාකච්ඡා වට ගණනාවකදීම ඉහළම ප්රමුඛත්වය ලැබී ඇත්තේ ජනාධ
රටේ දැවැන්ත ආර්ථික අර්බුදයක් පවතින අවස්ථාවක ශ්රී ලංකා මහ බැංකුවේ නිලධාරීන් සියයට 70 ක් දක්වා ප්රමාණයන්ගෙන් තම තමන්ගේ වැටුප් වැඩි කර ගෙන ඇතැයි කියන ක
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මැතිවරණ ඉල්ලා විපක්ෂය එක්වෙයි