හොර දුම්වැටි ගුවන්තොටෙන් පන්නන්න බැරි වේ

(ටී.කේ.ජී.කපිල)

රුපියල් 68,95,000  වටිනා විදේශීය නිෂ්පාදිත දුම්වැටි තොගයක් සහ විද්‍යුත් දුම්වැටි තොගයක් නීතිවිරෝධී ලෙස මෙරටට රැගෙන විත් ගුවන් තොටුපොළ පැමිණීමේ පර්යන්තයේ කිසිවක් ප්‍රකාශ කිරීමට නොමැති " හරිත මාවත " (Green Channel ) ඔස්සේ පිට කර ගෙන යාමට තැත් කළ  ගුවන් මගියකු අද සවස අත්අඩංගුවට ගත් බව  ගුවන් තොටුපොළ රේගුව කියයි.  

පානදුර ප්‍රදේශයේ පදිංචි 23 හැවිරිදි මොහු ගුවන් යානා ප්‍රවේශ පත්‍ර අලෙවි කරන්නෙකි .

ඔහු විසින් රැගෙන ආ ගමන් මලු 03 ක් තුළ , විදේශීය නිෂ්පාදිත  දුම්වැටි 44,400 ක් අඩංගු දුම්වැටි කාටූන් 222 ක් සහ විද්‍යුත් දුම්වැටි 15 ක් ද සඟවා ගෙන සිටියදී  අත් අඩංගුවට ගැනීම සිදු කර තිබේ .