දේශීය ආදායම් දෙපාර්තමේන්තුවේ පරිගණක පද්ධතියට ඇතුළු වී දත්ත වෙනස් කර ඇත්තේ කවුරුන්දැයි සොයා බලා වාර්තාවක් ඉදිරිපත් කරන බව රහස් පොලිසිය කොළඹ කොටුව මහේස්ත්‍රාත් කණිෂ්ක විජේරත්න මහතා හමුවේ කියා සිටියේය. රුපියල් දහ අට කෝටි හතළිස් ලක්ෂයක වංචා කළැයි සැකපිට එහි නිලධරයන් දෙදෙනකුට හා ව්‍යාපාරිකයකුට එරෙහිව පවරා ඇති නඩුවේ දී රහස් පොලිසිය එසේ කරුණු දැක්වීය. පරිගණක විශ්ලේෂක කේ.ආර්. ලෙස්ලි රොවෙල් පරිගණක අංශයේ තක්සේරු කරු ගාර්ලිස් නාකන්දල හා ව්‍යාපාරික හා සමාගම් අධ්‍යක්ෂ මහේන්ද්‍රන් විජේරත්න මේ නඩුවේ සැකකරුවෝය. ලෙස්ලි රොවෙල් සාමගම් කිහිපයක පරිගණක දත්ත මකා ඇතැයි  ද රහස් පොලිසිය උසාවියට කීවේය. රහස් පොලිසිය පැවසුයේ සමාගම හතක දත්ත වෙනස් කර ඇති බවයි.  රුපියල් එක් කෝටි දස ලක්ෂයක් ගෙවිය යුතු සමාගමක  බදු දත්ත මුළුමනින්ම මකා ඇති බවයි.