(සුජිත් හේවාජුලිගේ )
බලපත්රලාභී විදේශ රැකියා ආයතන සමග, මැදපෙරදිග යුදමය වාතාවරණය හමුවේ විදේශ රැකියා ක්ෂේත්රයෙහි ඇති අභියෝගය හා ඉදිරි සැලසුම් පිළිබඳව සාකච්ඡාවක් අද දින(26) විදේශ කටයුතු අමාත්යාංශයේදී පැවැත්විණ
මෙම සාකච්ඡාව පැවැත්වුණේ විදේශ කටයුතු හා විදේශ රැකියා නියෝජ්ය අමාත්ය අරුන් හේමචන්ද්ර හා විදේශ සේවා නියුක්කි කාර්යංශ සභාපති කෝසල වික්රමසිංහ මහත්වරුන්ගේ ප්රධානත්වයෙනි
මැදපෙරදිග වටා උද්ගතව පවතින මෙම යුදමය වාතාවරණය හමුවේ විදේශ සේවා නියුක්ති කාර්යාංශය හා බලපත්රලාභී විදේශ රැකියා ආයතන මුහුණ දෙන ගැටලු පිළිබඳව මෙහිදී සාකච්ඡා කරන ලදී.
විදේශයන්හි වෙසෙන ශ්රී ලාංකිකයන් සමග වඩා විධිමත් හා අඛණ්ඩ සන්නිවේදනයක් පැවැත්වීමට අදාළ අවශ්යතාවය පිළිබඳවද කරුණු දැක්විය. ඒ අනුව විදේශ ශ්රමිකයින්ගේ සුභසාධනය පිළිබඳවත් අදාල ප්රතිපත්තිමය තීරණ නිසි පරිදි ක්රියාත්මක කිරීම පිළිබඳවත් සාකච්ඡා විය.
විදේශගත වන කාන්තාවන්ගේ පවුල් පසුබිම් වාර්තා නිකුත් කිරීමේදී නිශ්චිත කාල රාමුවකට යටත්ව එම වාර්තා නිකුත් කිරීමට අදාළ ක්රමවේදයක් පිළිබඳව කරුණු සාකච්ඡා වූ අතර, බලපත්රලාභී විදේශ රැකියා ආයතන මුහුණ දෙන ගැටලු පිළිබදව මෙහිදී අවධානය යොමූ වූ අතර මෙම සාකච්ඡා අඛණ්ඩව සිදුකරගෙන යෑම සඳහා කමිටුවක් පත් කිරීම ද නියමිතය.
COMMENTS
Reply To:
Sisira - cb chds hcdsh cdshcsdchdhd