බිඟුන් මේනක ගමගේ
 
පසුගිය රජය සමයේ කළ ඉදිකිරීම් වෙනුවෙන් මග නැගුම මාර්ග ඉදිකිරීම් යන්ත්‍රෝපකරණ(එම්.එන්.ආර්.සී.ඊ) සමාගමට විවිධ රාජ්‍ය ආයතනවලින් අයවිය යුතු රුපියල් මිලියන 755 ක මුදලක් ගෙවීම් පැහැර හැර ඇතැයි එහි සභාපති රාජිව් සෙනෙවිරත්න මහතා ලංකාදීපයට පැවැසීය.
 
දේශපාලන හිතවත්කම් මත සේවයට බඳවා ගැනීම් නිසා නුසුදුස්සන්ගෙන් ආයතනය පිරී ඇතැයි ද එම නිසා ඉදිකිරීම් වෙනුවෙන් ලැබෙන ව්‍යාපෘති රැසක්ම බාහිර සමාගම්වලට දීමට සිදුව ඇතැයි ද සභාපතිවරයා අවධාරණය කළේය.
 
 
ආදායම් බදු දෙපාර්තමේන්තුවට ගෙවීම් පැහැර හැර තිබූ වැට් බදු රුපියල් මිලියන 300 ක මුදලක් ගෙවීමට තමා පසුගියදා කටයුතු කළේ යැයි ද සෙනෙවිරත්න මහතා වැඩිදුරටත් සඳහන් කළේය.