( ප්‍රසන්න පත්මසිරි)

පොලිස් නිළධාරියකුට පහර දුන්නැයි කියන සිද්ධියක් සම්බන්ධයෙන් අද (13) අධිකරණයට ඉදිරිපත් වු  බණ්ඩාරවෙල දිස්ත්‍රික් එක්සත් ජාතික පක්ෂ පාර්ලිමේන්තු මන්ත්‍රී චමින්ද විජේසිරි මහතා රුපියල්10000ක මුදල් ඇපයක්  සහ ලක්ෂ පහක ශරීර ඇප දෙකක් මත නිදහස් කිරීමට බණ්ඩාරවෙල මහෙස්ත්‍රාත්  කීර්ති කුඹුරුහේන මහතා නියෝග කළේය.


බණ්ඩාරවෙල තැපැල් කාර්යාලය ඉදිරිපිටදී ඉකුත්  10 වැනි  දින සවස මන්ත්‍රිවරයාට ඉදිරියෙන් ධාවනය වු  බව කියන ජිප් රථයක පැමිණි කොළඹ මත්ද්‍රව්‍ය කාර්යාංශයේ පොලිස් කොස්තාපල්වරයකුට පහරදීමේ සිද්ධිය සම්බන්ධයෙන් සැකපිට මන්ත්‍රීවරයා අත්අඩංගුවට ගැනීම සඳහා මෙහෙයුමක් බණ්ඩාරවෙල පොලීසිය මගින් ක්‍රියාත්මක කර තිබුණි.

අද  (13) මන්ත්‍රීවරයා   නීතීඥවරයෙක් මාර්ගයෙන්  බණ්ඩාරවෙල අධිකරණයට  ඉදිරිපත් වීමෙන් අනතුරුව  මෙලෙස ඇප නියම විය.