ඉන්දීය ප‍්‍රධානතම ක‍්‍රිකට් තරගාවලියේ (අයි. පී. එල්.) 71 වැනි තරගය ලෙස පූනේහිදී අද (19 වැනිදා) පැවැති තරගයේදී පූනේ වෝරියස් පිල ලකුණු 38 කින් දිල්ලි ඩෙයාර් ඩෙවිල්ස් පිල පාරජය කළේය.

පූනේ පිල වෙනුවෙන් ඇන්ජලෝ මැතිව්ස් වේගවත් ඉනිමක් ක‍්‍රීඩා කරමින් පන්දු 22 කදී හයේ පහර 2 ක් සමගින් නොදැවී ලකුණු 30 ක් රැස් කළේය. මැතිව්ස් පන්දුවෙන් ද දස්කම් දක්වමින් ලකුණු 14 කට කඩුලූ 3 ක් දවාගැනීමට සමත් විය.

දිල්ලි පිලේ නායක මහේල ජයවර්ධන පන්දු 13 කදී හතරේ පහර 3 ක් සමගින් ලකුණු 14 ක් ලබා සිටියදී දැවී ගියේය.

පූනේ වෝරියස් පිල  ඕවර 20 කදී කඩුලූ 5 ට 172 (රොබින් උත්තප්පා 24, අරෝන් ෆින්ච් 52, ඇන්ජලෝ මැතිව්ස් නොදැවී 30, ලූක් වයිට් 44, සිද්ධාර්ත් කයුල් 27/2)

දිල්ලි ඩෙයාර් ඩෙවිල්ස් පිල  ඕවර 20 කදී කඩුලූ 9 ට 134 (බරාට් චිප්ලි 16, මහේල ජයවර්ධන 14, ඉර්ෆාන් පතන් 24, මුරලිදරන් ගෞතම් 30, අලි මුර්ටාෂා 15/3, අශෝක් ඩින්දා 21/2, ඇන්ජලෝ මැතිව්ස් 14/3)