තිලකරත්න ඩිල්ෂාන්ගේ (නොදැවී 102) සහ ඇන්ජලෝ මැතිව්ස්ගේ (නොදැවී 54) අගනා සම්බන්ධතාව නිසා නවසීලන්ත පිලට එරෙහිව මහනුවර පල්ලෙකැලේ ක‍්‍රීඩාංගණයේදී අද (4 වැනිදා) පැවැති තෙවැනි එක්දින තරගයෙන් (දිවා/රාත‍්‍රි)  ශ්‍රී ලංකා පිල කඩුලූ 7 ක ජයක් ලැබීය. ශ්‍රී ලංකාව මෙම ජයග‍්‍රහණයත් සමග තරග පහකින් සමන්විත මෙම තරගාවලියේ 2-0 ක් ලෙස පෙරමුණට පැමිණියේය. ශ්‍රී ලංකා පිල ලකුණු 197 ක ජයග‍්‍රාහි ඉලක්කය  ඕවර 31.1 කදී කඩුලූ 3 ක් පමණක් දැවී සම්පූර්ණ කිරීමට සමත් විය. සිය 250 වැනි එක්දින තරගයට සහභාගි වූ තිලකරත්න ඩිල්ෂාන් පන්දු 95 කදී හතරේ පහර 12 ක් සහ හයේ පහරක් සමගින් නොදැවී ලකුණු 102 ක් රැුස්කරමින් ජයග‍්‍රහණයේ නියමුවා බවට පත්විය. මෙය ඩිල්ෂාන්ගේ 14 වැනි එක්දින ශතකයි. ශ්‍රී ලංකාව 23 වැනි  ඕවරයේ සිට පෙරමුණට ගෙන එමින් තිලකරත්න ඩිල්ෂාන් සහ ඇන්ජලෝ මැතිව්ස් සිවුවැනි කඩුල්ල වෙනුවෙන් ලකුණු 127 ක නොබිඳුණු සම්බන්ධතාවක් පැවැත්වූහ. පළමුව පන්දුවට පහර දුන් නවසීලන්ත පිල කඩුලූ හයක් දැවී ලකුණු 188 ක් රැුස්කළේය. ඒ අනුව ශ්‍රී ලංකා පිලට ඩක්වත් ලූවිස් න්‍යායට අනුව ජයග‍්‍රහණය සඳහා ලකුණු 197 ක් රැස්කිරීමට සිදුවිය. නවසීලන්තය  ඕවර 33 කදී කඩුලූ 6 ට 188 (බ‍්‍රැඞ්ලි වොට්ලිං නොදැවී 96, බ්‍රෙන්ඩන් මැකලම් 13, ජේම්ස් ෆ‍්‍රෑන්ක්ලින් 26, නේතන් මැකලම් නොදැවී 22, ජීවන් මෙන්ඩිස් 34/2) ශ්‍රී ලංකාව  ඕවර 31.1 කදී කඩුලූ 3 ට 200 (තිලකරත්න ඩිල්ෂාන් නොදැවී 102, කුමාර් සංගක්කාර 15, ඇන්ජලෝ මැතිව්ස් නොදැවී 54)තිලකරත්න ඩිල්ෂාන්ගෙන් වේගවත් පහරක්... (ඡායාරූපය: ශාන්ත රත්නායක)