ශ්‍රී ලංකාව සහ  ඕස්ටේ‍්‍රලියාව අතර පැවැත්වෙන තරග තුනකින් සමන්විත ‘වෝන්-මුරලිදරන්’ කුසලාන ටෙස්ට් ක‍්‍රිකට් තරගාවලියේ මෙල්බන්හිදී පැවැති දෙවැනි ටෙස්ට් තරගයෙන්  ඕස්ටේ‍්‍රලියානු පිල ඉනිමක සහ ලකුණු 201 ක විශිෂ්ට ජය ලබමින් 2-0 ක් ලෙස තරගාවලියේ ජය ද ලැබීය.   
තරගයේ තෙවැනි දිනය වූ ඊයේ (28) ශ්‍රී ලංකා දෙවැනි ඉනිම ලකුණු 103 කට සීමා කිරීමට  ඕස්ටේ‍්‍රලියානු පන්දුයවන්නෝ සමත් වූහ.
ශ්‍රී ලංකා දෙවැනි ඉනිමේදී කඩුලූ 7 ක් පමණක් බිඳ වැටුණු අතර ආබාධයන්ට ලක්ව සිටින ප‍්‍රසන්න ජයවර්ධන සහ චානක වෙලගෙදර දෙවැනි ඉනිමේදී පන්දුවට පහරදීමට නොපැමිණියහ. කුමාර් සංගක්කාරද තුවාල ලබා පිටියෙන් ඉවත් විය.
    දෙවැනි දිනය අවසන් වන විට කඩුලූ 8 ක් දැවී ලකුණු 440 ක් ලබා සිටි  ඕස්ටේ‍්‍රලියානු පිල ඊයේ පෙරවරුවේ ලකුණු 460 කට සීමා විය. ඒ අනුව ශ්‍රී ලංකා පිලට ඉනිමක පරාජයෙන් ගැලවීමට ලකුණු 304 ක් රැුස්කිරීමට සිදුවිය.
දිමුත් කරුණාරත්න (1), තිලකරත්න ඩිල්ෂාන් (0) සහ මහේල ජයවර්ධන (0) අසාර්ථක වීමෙන් ශ්‍රී ලංකා දෙවැනි ඉනිම ලකුණු 3 කට කඩුලූ තුනක් බවට පත්විය. තිලාන් සමරවීර (1) මුළු ලකුණු සංඛ්‍යාව 13 දී සිවුවැනි කඩුල්ල ලෙස දැවී යෑමත් සමග ශ්‍රී ලංකා පිල දැඩි අසීරුතාවකට ඇද වැටුණි.
කුමාර් සංගක්කාර (27) සහ ඇන්ජලෝ මැතිව්ස් (35) පස්වැනි කඩුල්ල වෙනුවෙන් ලකුණු 49 ක සම්බන්ධතාවක් පැවැත්වුව ද සංගක්කාර තුවාල ලැබීමෙන් සම්බන්ධතාව බිඳ වැටුණි.
මිචෙල් ජොන්සන් යැවූ ඉනිමේ 17 වැනි  ඕවරයේ දෙවැනි පන්දුව කුමාර් සංගක්කාර සිය පා ඉන්න දෙසට හරවා යවමින් ලකුණු ලබාගත්ත ද එම පන්දුව සංගක්කාරගේ වම් අතේ වැදීමෙන් පිතිකරුවා දැඩි වේදනාවට පත්විය. ශ්‍රී ලංකා පිලේ භෞතචිකිත්සකවරයා ක‍්‍රීඩාංගණයට පැමිණ පරීක්‍ෂා කිරිමෙන් පසුව සංගක්කාර ඉනිම අතර මග නවතා ක‍්‍රීඩාගාරයට ගියේය.
පළමු ඉනිමේදී පන්දුවට පහර දෙමින් සිටියදී මිචෙල් ජොන්සන්ගේ පන්දුවක් වැදීමෙන් දකුණු අතේ මහපටැ`ගිල්ලේ ආබාධයකට ලක්ව සිටින ප‍්‍රසන්න ජයවර්ධන පන්දුවට පහරදීමට නොපැමිණීමෙන් ශ්‍රී ලංකා මැද පෙළ අඩපණ විය.
ප‍්‍රබල  ඕස්ටේ‍්‍රලියානු පන්දුයවන්නන් හමුවේ ශ්‍රී ලංකා පසු පෙළ පිතිකරුවන්ට සාර්ථක වීමට නොහැකි වීමෙන් තෙවැනි දිනය අවසන් වීමට පෙරම ශ්‍රී ලංකා දෙවැනි ඉනිම ලකුණු 103 කට සීමා විය.
දෙරට අතර තෙවැනි සහ අවසන් ටෙස්ට් තරගය ජනවාරි මස 3 වැනිදා සිඞ්නිහිදී ආරම්භ වීමට නියමිතය.
ලකුණු පුවරුව
ශ්‍රී ලංකා පිල පළමු ඉනිම  ඕවර 43.4 කදී සියලූ දෙනා දැවී 156
(කුමාර් සංගක්කාර 58, ප‍්‍රසන්න ජයවර්ධන 24, මිචෙල් ජොන්සන් 63/4)
 
ඕස්ටේ‍්‍රලියාව පළමු ඉනිම
එඞ් කවන් - ඇ. මහේල ප. ප‍්‍රසාද්     36
ඬේවිඞ් වෝනර් - ඇ. ප‍්‍රසාද් ප. මැතිව්ස්    62
පිලිප් හියුස් - දුවද්දී දැවී ගියා     10
ෂේන් වොට්සන් - ඇ. සමරවීර ප. ප‍්‍රසාද්     83
මයිකල් ක්ලාක් - ඇ. මහේල ප. එරංග     106
මයික් හසී - ඇ. හේරත් ප. ඩිල්ෂාන්     34
මැතිව් වේඞ් - ඇ. එරංග ප. ප‍්‍රසාද්     1
මිචෙල් ජොන්සන් - නොදැවී     92
පීටර් සිඞ්ල් - ඇ. මහේල ප. එරංග     13
නේතන් ලයන් - ඇ. චන්දිමාල් ප. මැතිව්ස්     1
ජැක්සන් බර්ඞ් - ප. එරංග     0
අතිරේක     22
එකතුව  ඕවර 134.4 කදී සියලූ දෙනා දැවී     460
කඩුලූ වැටීම:
1- 95(වෝනර්), 2-117(හියුස්), 3-117(කවන්), 4-311(ක්ලාක්), 5-313(වොට්සන්), 6-315(වේඞ්), 7-376(හසී), 8-434(සිඞ්ල්), 9-451(ලයන්), 10-460(බර්ඞ්)
පන්දු යැවීම:
වෙලගෙදර: 14.4.6.38.0, එරංග: 27.2.109.3, ප‍්‍රසාද්: 26.2.106.3, මැතිව්ස්: 16.3.60.2, හේරත්: 39.7.95.0, ඩිල්ෂාන්: 12.1.38.1
ශ්‍රී ලංකාව දෙවැනි ඉනිම
දිමුත් කරුණාරත්න - දුවද්දී දැවී ගියා     1
තිලකරත්න ඩිල්ෂාන් - ඇ. කවන් ප. ජොන්සන්     0
කුමාර් සංගක්කාර - තුවාල ලබා පිටියෙන් ඉවත් වුණා     27
මහේල ජයවර්ධන - ප. බර්ඞ්    0
තිලාන් සමරවීර - ක.මු.කළා ප. බර්ඞ්     1
ඇන්ජලෝ මැතිව්ස් - ප. ජොන්සන්     35
ධම්මික ප‍්‍රසාද් - ඇ. හියුස් ප. ලයන්     17
රංගන හේරත් - නොදැවී     11
ශාමින්ද එරංග - ඇ. කවන් ප. සිඞ්ල්     0
ප‍්‍රසන්න ජයවර්ධන - පන්දුවට පහරදීමට පැමිණියේ නැත    
චානක වෙලගෙදර - පන්දුවට පහරදීමට පැමිණියේ නැත    
අතිරේක     11
එකතුව  ඕවර 24.2 කදී සියලූ දෙනා දැවී     103
කඩුලූ වැටීම:
1-1(දිමුත්), 2-1(ඩිල්ෂාන්), 3-3(මහේල), 4-13(සමරවීර), 4-62(සංගක්කාර පිටියෙන් ඉවත් වුණා), 5-74(මැතිව්ස්), 6-102(ප‍්‍රසාද්), 7-103(එරංග)
පන්දු යැවීම:
ජොන්සන්: 8.0.16.2, බර්ඞ්: 9.1.29.2, සිඞ්ල්: 5.2.0.32.1, ලයන්: 2.0.16.1
තරගයේ වීරයා: මිචෙල් ජොන්සන්