ඉන්දියාව සහ එංගලන්තය අතර තරග හතරකින් සමන්විත ටෙස්ට් ක‍්‍රිකට් තරගාවලිය ආරම්භ කරමින් අහ්මදාබාද්හිදී අද (15 වැනිදා) ආරම්භ වූ පළමු ටෙස්ට් තරගයේ පළමු දිනය අවසන් වන විට පළමුව පන්දුවට පහර දෙන ඉන්දීය පිල කඩුලූ 4 ක් දැවී ලකුණු 323 ක් රැස්කර සිටියේය. පළමු දිනයේ ක‍්‍රීඩාව නතර කරන විට චෙටිෂ්වර් පුජාරා නොදැවී ලකුණු 98 ක් සහ යුවරාජ් සිං නොදැවී ලකුණු 24 ක් ලබා සිටියහ. විරේන්ද්‍ර සෙවැග් වේගවත් ඉනිමක් ක‍්‍රීඩා කරමින් පන්දු 117 කදී හතරේ පහර 15 ක් සහ හයේ පහරක් සමගින් ලකුණු 117 ක් රැස්කිරීමට සමත් විය. ඉන්දියාව පළමු ඉනිම  ඕවර 90 කදී කඩුලූ 4 ට 323 (ගෞතම් ගාම්බීර් 45, විරේන්ද්‍ර සෙවැග් 117, චෙටිෂ්වර් පුජාරා නොදැවී 98, සචින් තෙන්ඩුල්කාර් 13, විරාට් කෝලි 19, යුවරාජ් සිං නොදැවී 24, ගේ‍්‍රම් ස්වාන් 85/4)