විධායකය, ව්‍යාවස්ථාදායකය හා අධිකරණය ජනතා අවශ්‍යතා තේරුම් ගෙන එම අවශ්‍යතා ඉටු කළ යුතු යැයි මහින්ද රාජපක්ෂ ජනපති මිනුවන්ගොඩදී අද පැවැසීය. ජනපති එහි නව ප්‍රාදේශීය සභා ගොඩනැගිල්ල විවෘත කළේය. කිසිවකුගෙන්වත් චෝදනා එල්ල නොවන ආකාරයට අධිකරණය සිය ගෞරයට රැකගෙන ක්‍රියා කළ යුතු බවත්, අධිකරණය කෙරෙහි ජනතා ගෞරවය විනාශ වී ගියහොත් රට පාලනයේ දී දුෂ්කරතා වලට මුහුණ දීමට සිදුවන බවත් ජනපති ප්‍රකාශ කළේය. අධිකරණය දෙකට බෙදා දේශපාලනයට ලක් කිරීමේ උත්සාහයක් පවතින බවත්, පාකිස්තානයේ කළ දේ ශ්‍රී ලංකාවේ කළ නොහැකි බවත්, ප්‍රරජාතන්ත්‍රවාදී ලෙස පත් කැර ගත් රජය පෙරළීමට මෙරට බුද්ධිමත් ජනතාව කිසිවිටක ඉඩ නොදෙනු ඇති බවත් ජනපති සඳහන් කළේය.