එසැණ පුවත්

අගෝස්තුවේදී විල්පත්තුවෙන් වාර්තාගත ආදායමක්

විල්පත්තුව ජාතික වන උද්‍යානය ඉතිහාසයේ වාර්තාගතම ආදායම වු එක්කෝටි හැට නව ලක්ෂයක මුදලක් අගෝස්තු මාසයේ සංචාරකයින් පැමිණීමෙන් උපයා ඇති බව විල්පත්තුව ජාතික වනෝද්‍යානයේ උද්‍යාන පාලක චමත් ලක්ෂ්මන් පෙරේරා මහතා පවසයි.

11 September 2018

ජිනිවා සමුළුවට මහාචාර්ය චන්න ජයසුමනත් යයි

ජිනිවාහිදී පැවැත්වෙන මානව හිමිකම් සමුළුව ඇමතීම සඳහා රජරට විශ්ව විද්‍යාලයේ වෛද්‍ය පීඨයේ මහාචාර්ය චන්න ජයසුමන මහතා 13 වැනි දින ජිනීවා බලා පිටත්ව යාමට නියමිතය.

10 September 2018

ඉන්ධන මිල යළි ඉහළට

ඉන්ධන මිල අද (11) රාත්‍රී සිට යළිත් ඉහළ දමා තිබේ.

10 September 2018

පැරිස් නුවර පිහි ඇණුමකින් හතකට තුවාල

ප්‍රංශයේ පැරිස් නුවර මාර්ගයක ගමන්ගනිමින් සිටි පිරිසකට පුද්ගයෙකු විසින් පිහි පහර එල්ල කිරීම හේතුවෙන් හත් දෙනකු තුවාල ලබා ඇතැයි වාර්තා වේ. ඉන් හතර දෙනකුගේ තත්ත්වය බරපතල බවද පොලිසිය පවසයි.

10 September 2018

ෆෙයාර්වේ සාහිත්‍ය සම්මාන වලට නිර්දේශිත නවකතා ප්‍රකාශයට පත් කෙරේ

ෆෙයාර්වේ ජාතික සාහිත්‍ය සම්මාන 2018 වෙනුවෙන් නිර්දේශිත නවකතා මේ වනවිට ප්‍රකාශයට පත් කරනු ලැබ තිබේ.

10 September 2018

වියට්නාමයේදී අගමැති හරසරින් පිළිගැනේ

වියට්නාමයේ හැනොයි නුවර පැවැත්වෙන ‘ආසියාන්’ ලෝක ආර්ථික සමුළුවට සහභාගී වීම සඳහා ශ්‍රී ලංකා අග්‍රාමාත්‍ය රනිල් වික්‍රමසිංහ මහතා අද (10) නොයි බායි ජාත්‍යන්තර ගුවන්තොටුපළින් වියට්නාමයේ, හැනොයි නුවරට ළඟා විය.

10 September 2018

වකුගඩු රෝගීන් වෙනුවෙන් වන්දි ඉල්ලන්න යයි

වකුගඩු රෝගය වැළඳුණු සෑම රෝගියෙක් වෙනුවෙන්ම රුපියල් ලක්ෂ සියයක වන්දි ඉල්ලා වහා නඩු පැරීමට තමා කටයුතු කරගෙන යන බව රජරට විශ්ව විද්‍යාලයේ මහචාර්ය වෛද්‍ය චන්න ජයසුමන මහතා කියයි.

10 September 2018

සාමාන්‍ය පෙළ නැවත සමීක්ෂණ ප්‍රතිඵල අද රෑ

අධ්‍යයන පොදු සහතික පත්‍ර සාමාන්‍ය පෙළ - 2017 විභාගයේ නැවත සමීක්ෂණ ප්‍රතිඵල අද (10) රාත්‍රීයේ නිකුත් කෙරේ.

10 September 2018

සංවර්ධන නිලධාරීහු බදාදා වැඩවරති

රටපුරා රාජ්‍ය හා පළාත් රාජ්‍ය සේවයේ නියතුව සිටින සංවර්ධන නිලධාරීන් හා සංවර්ධන සහකාරවරු අනිද්දා (12) එක්දින වැඩවර්ජනයක නිරත වීමට තීරණය කර සිටිති.

10 September 2018

දෙමළ සන්ධානයෙන් ඉවත් වන්නේනම් විග්නේෂ්වරන්ට වමේ පක්ෂයකින් ආරාධනයක්

උතුරේ මහ ඇමැති සී.වී.විග්නේෂ්වරන් හා එහි විපක්ෂ නායක කේ.තවරාසා යන මහත්වරුන් ද්‍රවිඩ ජාතික සන්ධානයෙන් හා ඊපීඩිපි සංවිධානයෙන් ඉවත්වන්නේ නම් ලංකා සමසමාජ පක්ෂයට එක්වීමට අවස්ථාව ඇතැයි එහි නායක මහාචාර්ය තිස්ස විතාරණ මහතා අද (10) පැවැසීය.

10 September 2018

ස්වදේශ කටයුතු අමාත්‍යංශ චක්‍රලේඛයට පොහොට්ටු මන්ත්‍රීන්ගේ විරෝධය

හබරාදුව ප්‍රාදේශීය සභාවේ පොදුජන පෙරමුණේ මන්ත්‍රී කණ්ඩායම අද (10) පැවති හබරාදුව ප්‍රාදේශීය සම්බන්ධීකරණ කමිටුවට කඩා වැදී පෝස්ටර් ප්‍රදර්ශනය කරමින් ස්වදේශ කටයුතු අමාත්‍යංශය විසින් නිකුත් කොට ඇති චක්‍ර ලේඛනයට විරෝධය පලකිරිම නිසා ප්‍රාදේශීය සම්බන්ධිකරණ කමිටුව දින නියමයක් නැතිව කල් තබනු ලැබීය.

10 September 2018

එන්ටප්‍රයිස් ශ්‍රී ලංකා පෙන්නා සල්ලි ගරන්න හැදූ කතුන් 3ක් සැකපිට

රජයේ ‘එන්ටප්‍රයිස් ශී‍්‍ර ලංකා‘ වැඩසටහනට සමගාමීව විශේෂ ව්‍යාපෘතියක් ලෙස මිනිස් බල හා රැකියා කටයුතු දෙපාර්මේන්තුව මගින් රැකියා ලබා දෙන බව පවසා හෝමාගම ප‍්‍රදේශයේ විහාරස්ථානයක දී රැකියා අපේක්ෂිතයින්ගෙන් මුදල් ලබා ගැනීමට කටයුතු කළ බව කියන කාන්තාවන් තිදෙනෙකු අද (10) සවස සැකපිට අත් අඩංගුවට ගත් බව හෝමාගම පොලිසිය කියයි.

10 September 2018

ආරක්ෂක මාණ්ඩලික ප්‍රධානියාගේ විදෙස්ගතවීම ගැන ජනාධිපති පිළිතුරු දිය යුතුයි- සරත් විජේසූරිය

මහින්ද රාජපක්ෂ ජනාධිපතිවරයා පරාජය කර බලයට පත්කර ගත් අනුප්‍රාප්තිකයා තවත් මහින්ද රාජපක්ෂ කෙනෙකු වී ඇතැයි ද මාදුළුවාවේ සෝභිත හිමියන් සමග අස්සන් කළ ගිවිසුම සටකපට ලියැවිල්ලක් වී ඇතැයි ද සාධාරණ සමාජයක් සඳහා වූ ජනතා ව්‍යාපාරයේ සම කැඳවුම්කරු මහාචාර්ය සරත් විජේසූරිය මහතා ‘ලංකාදීප’ යට පැවැසීය.

10 September 2018

කෝටි 90ක වංචාවක් ගැන ක්‍රිකට් ආයතනයෙන් මූල්‍ය අපරාධ කොට්ඨාසයට පැමිණිල්ලක්

ශ‍්‍රී ලංකා ක‍්‍රිකට් ආයතනයේ මූල්‍ය අංශ ප‍්‍රධානියකු ඩොලර් මිලියන 5.5 ක් හෙවත් රුපියල් මිලියන 900 කට අධික මුදලක් වංචා කිරීමට සූදානම් වූයේ යැයි කියන සිද්ධියක් පිළිබඳව ශ්‍රී ලංකා ක‍්‍රිකට් ආයතනය පොලිස් මූල්‍ය අපරාධ කොට්ඨාසයට අද (10) පැමිණිළි කළේය.

10 September 2018

20 ට එරෙහිව පෙත්සමක් ඉදිරිපත් කරන බව ජි.එල් පිරිස් කියයි

20 වැනි ආණ්ඩුක‍්‍රම ව්‍යවස්ථා සංශෝධනය මඟින් ජනාධිපතිධූරය අහෝසි කිරීමට හා නියමිත පරිදි පළාත් සභා මැතිවරණ නොපැවැත්වීමට එරෙහිව මානව හිමිකම් පෙත්සමක් ශ්‍රේෂ්ඨාධිකරණයට ඉදිරිපත් කරන බව ශ්‍රී ලංකා පොදුජන පෙරමුණේ සභාපති මහාචාර්ය ජී.එල් පීරිස් මහතා අද (10) පැවැසීය.

10 September 2018

අමල් කරුණාසේකරට ඇප

මාධ්‍යවේදී කීත් නොයාර් මහතාට පහරදී කෲර වදහිංසා කළැයි කියන සිද්ධියට අදාළව අධාර අනුබල දුන්නැයි මාස පහක් රක්ෂිත බන්ධනාගාර ගත කර සිටි හිටපු යුධ හමුදා බුද්ධි අධ්‍යක්ෂ (විශ‍්‍රාමික) මේජර් ජනරාල් කුරුප්පු ආරච්චිගේ ධම්මික අමල් කරුණාසේකර මහතා රුපියල් ලක්ෂ 300ක ශරීර ඇප මත මුදා හැරීමට ගල්කිස්ස මහේස්ත‍්‍රාත් ලෝචනා අබේවික‍්‍රම මහත්මිය නියෝග කළාය.

10 September 2018

දුම්රිය දඩවලින් කෝටියක ආදායමක්

දුම්රියෙහි ප්‍රවේශපත්‍ර නොමැතිව ගමන් කිරීම ඇතුළු වැරදිවලට අය කෙරුණු දඩ මුදල් මගින් ගිය වසරේදී රුපියල් කෝටියකට ආසන්න ආදායමක් උපයා ගෙන ඇතැයි දුම්රිය දෙපාර්තමේන්තුව පවසයි.

10 September 2018

කොතලාවලට ගනිද්දී මුදල් අය කළැයි සයිටම් සිසුන්ගෙන් නිහඬ විරෝධතාවක්

සයිටම් සිසුන් කොතලාවල වෛද්‍ය පීඨයට ඇතුළත් කරගැනීමේදී මුදල් අය කර ගැනිම හේතුවෙන් තමන් දැඩි අපහසුතාවයට පත්ව ඇතැයි පවසමින් සයිටම් සිසුහු පිරිසක් ජනාධිපති ලේකම් කාර්යාලයට ඉදිරිපිට අද(10) නිහඬ විරෝධතාවයක නිරත වුහ.

10 September 2018

සංචාරකයින් මිලට ගන්නා භාණ්ඩවල බදු හෙට සිට යළි ගෙවයි

විදේශ සංචාරකයින් මෙරට දී මිලදී ගන්නා භාණ්ඩ සඳහා අයකළ වැට්බදු ඔවුන්ට නැවත ගෙවීම හෙට (11) සිට ක්‍රියාත්මක කෙරෙන බව මුදල් හා ජනමාධ්‍ය අමාත්‍යංශය සඳහන් කරයි.

10 September 2018

මුහුදට තෙල් දැම්මාට තෙල් ගබඩා සංකීර්ණයෙන් වන්දි ඉල්ලා නඩු

මුතුරාජවෙල තෙල් ගබඩා සංකීර්ණයට තෙල් ගෙන යන නලයක් පුපුරා යාමෙන් සිදු වු තෙල් කාන්දුව පිළිබඳව ඛණිජ තෙල් තොග ගබඩා සංකීර්ණයෙන් වන්දි ඉල්ලා නඩු පැවරීමට සමුද්‍රිය දුෂණ වැළක්වීමේ අධිකාරිය පියවර ගෙන ඇත.

10 September 2018

විස කිරිපැකට් දුන්නැයි කළ බොරු චෝදනාව ගැන පැමිණිලි කරන්න යයි

ඒකාබද්ධ විපක්ෂයේ උද්ඝෝෂණකරුවන් පිරිසකට විෂ සහිත කිරිපැකට් ලබා දුන්නැයි එල්ලවී ඇති චෝදනාව සම්බන්ධයෙන් මිරිහාන පොලිසියට පැමිණිල්ලක් සිදු කරන බව එජාපයේ මන්ත්‍රීවරු පිරිසක් පවසති.

10 September 2018

පවුල් පසුබිම් වාර්තාව අහෝසි කරන්නැයි ඉල්ලයි

විදේශ රැකියා සඳහා යන කාන්තාවන් වෙනුවෙන් අනිවාර්ය වූ පවුල් පසුබිම් වාර්තාව ප‍්‍රශ්න රැසකට මුල් වී ඇති බැවින් එය ඉක්මණින්ම අහෝසි කරන්නැයි බලපත‍්‍රලාභී විදේශ රැකියා නියෝජිතායතන හිමියන්ගේ සංගමය (ඇල්ෆියා) රජයෙන් ඉල්ලීමක් කරයි.

10 September 2018

ජනපති දේශපාලන ලොක්කන්ට අනතුරු අඟවයි

ගිං නිල්වලා යෝජනා ක්‍රමය සිදු නොකිරීම සම්බන්ධයෙන් පසුගිය රජයෙන් සිදුවූ දේවල් පිළිබඳව පරීක්ෂණයක් පැවැත්වෙන ආකාරයටම මෙම රජයේ අය එම යෝජනා ක්‍රමය ප්‍රමාද කිරීම ගැන පරීක්ෂණ පැවැත්වීමට සිදුවනු ඇතැයි ජනාධිපති මෛත්‍රීපාල සිරිසේන මහතා හම්බන්තොටදී අද(10) පැවසීය.

10 September 2018

‘කීත් නොයාර්ගේ සිද්ධිය ගැන නැවත ප්‍රකාශ සටහන් කරගත යුතුයි‘

මාධ්‍යවේදී කීත් නොයාර් මහතා පැහැරගෙන ගොස් වද හිංසා දීමේ සිද්ධියට අදාළව හිටපු ආරක්ෂක ලේකම් ගෝඨාභය රාජපක්ෂ මහතා සහ හිටපු හමුදාපති සරත් ෆොන්සේකා මහතාගෙන් නැවත ප්‍රකාශ සටහන් කර ගත යුතුව ඇතැයි අපරාධ පරීක්ෂණ දෙපාර්තමේන්තුවේ ගල්කිස්ස මහේස්ත්‍රාත් ලෝචනා අබේවික්‍රම මහත්මිය සඳහන් කළාය.

10 September 2018

වව්නියා පුරාවිද්‍යා ස්ථානයේ කෝවිලකට අවසර දෙන්න බැරි බව පුරාවිද්‍යා නිලධාරින් කියයි

ඉපැරණි බෞද්ධ වෙහෙර නටඹුන් පවතින වවුනියාව නෙඩුක්කේනි වෙඩුක්කුනාරි පුරාවිද්‍යා භූමිය පැරණි ශිලා ලිපි, පැරණි බෞද්ධ වෙහෙරක නටබුන්, පැරණි බෞද්ධ විහාරයක ලක්ෂණ පවතින හෙයින් එම ස්ථානයේ කෝවිලක් ඉදි කිරීමට ඉඩ නොදිය හැකි බව පුරා විද්‍යා නිලධාරීන් සඳහන් කළේය.

10 September 2018

ළිඳ සුද්ද කරද්දී කොටි කාලේ බෝම්බ හමුවෙයි

මන්නාරම, මුරුන්කන් ප්‍රදේශයේ ගෙවත්තක ළිඳක් තුළ තිබී කොටි සංවිධානයට අයත් බෝම්බ , උණ්ඩ සහ තවත් පුපුරණ ද්‍රව්‍ය සොයාගත් බව මුරුන්ගන් පොලීසිය පවසයි.

10 September 2018

වතුර වළකට වැටී දරුවෙක් මරුට

අම්පාර බක්කිඇල්ල පොලිස් බල ප්‍රදේශයේ බක්කිඇල්ල ගම්මානයේ අනාරක්ෂිත වළකට වැටි වයස අවුරුදු 07 ක දරුවකු මියගොස් ඇතැයි පොලීසිය කියයි.

10 September 2018

පුත්තලම ප්‍රා.සභා සභාපති ගුවන් තොටේ දී අත්අඩංගුවට

පුද්ගල ඝාතනයක් සම්බන්ධයෙන් විදෙස් ගමන් තහනම් කර තිබු පුත්තලම ප්‍රාදේශීය සභාවේ සභාපති අංජන සඳරුවන් මහතා අද (10) කටුනායක ගුවන් තොටුපලේ දී අත්අඩංගුවට ගනු ලැබීය.

10 September 2018