එසැණ පුවත්

‘‘ලංකාව ආරක්ෂාව වෙනුවෙන් කරන වියදම් ගැන නැවත සිතා බැලිය යුතුයි‘‘

ශ්‍රී ලංකාව ආරක්ෂාව වෙනුවෙන් කරන වියදම් පිළිබඳව නැවත වරක් සිතා බැලිය යුතු යැයි ණය සහ මානව හිමිකම් පිළිබඳ එක්සත් ජාතීන්ගේ විශේෂ නියෝජිත වාන් පැබ්ලෝ බොහොස්ලැව්ස්කි අද (11) පැවැසීය.

11 September 2018

නොනවත්වා ගිය වෑන් රියට වෙඩි - සැකකරුවෝ තිදෙනෙක් අත්අඩංගුවට

පොලිස් අන නොතකා ගමන් ගත් වෑන් රථයක් කුරුණෑගල පිලීකඩ මිල්ලව ප්‍රදේශයේදී වෙඩි තබා නතර කර සැකකරුවන් තිදෙනකු අත්අඩංගුවට ගත් බව පොලිසිය කියයි.

11 September 2018

‘ජනබලය නිදහස් සංවාදශිලි විරෝධතා ව්‍යාපාරයක්’

ඒකාබද්ධ විපක්‍ෂය විසින් පැවැත්වූ ජනබල මෙහෙයුම නිදහස් සංවාදශීලී විරෝධතා ව්‍යාපාරයක් ලෙස තමා දකින බවත්, ඔවුන්ට විපක්‍ෂය නියෝජනය කිරීමේ අනුමැතිය ලබාදුන්නේ ජනාධිපතිතුමා බැවින් එම පිරිසට විරුද්ධව හදිසි ක‍්‍රියාමාර්ග ගැනීමේ අවශ්‍යතාවයක් නැති බවත් ශ්‍රී ලංකා නිදහස් පක්‍ෂයේ මහ ලේකම් මහාචාර්ය රෝහණ ලක්‍ෂ්මන් පියදාස මහතා පැවසීය.

11 September 2018

තෙල් මිල සමඟ වෙනත් භාණ්ඩ හා සේවා මිල වැඩිවීම වැළැක්වීමට රජයෙන් පියවර

තෙල් මිල වැඩිවන විට වෙනත් භාණ්ඩ හා සේවාවල මිල ගණන් ඊටත් වඩා ඉහළ නැංවීම වැළැක්වීමේ වගකීම මුදල් අමාත්‍යාංශය විසින් භාරගෙන ඇතැයි වරාය හා නාවික කටයුතු අමාත්‍ය මහින්ද සමරසිංහ මහතා පැවසීය.

11 September 2018

කෝටි 90 වංචාව ගැන ක්‍රිකට් ආයතනයේ පැමිණිල්ල රහස් පොලිසියට යොමු කරයි

ශ‍්‍රී ලංකා ක‍්‍රිකට් ආයතනයේ මූල්‍ය අංශ ප‍්‍රධානියකු ඩොලර් මිලියන 5.5 ක් හෙවත් රුපියල් මිලියන 900 කට අධික මුදලක් වංචා කිරීමට සූදානම් වූයේ යැයි කියමින් ශ්‍රී ලංකා ක‍්‍රිකට් ආයතනය ඊයේ (10) පොලිස් මූල්‍ය අපරාධ කොට්ඨාසයට කළ පැමිණිල්ල අපරාධ පරීක්ෂණ දෙපාර්තමේන්තුව මගින් විමර්ශනය කරවීමට පොලිස්පතිවරයා අද සවස තීරණය කර තිබේ.

11 September 2018

ඉන්ධන කාන්දුවීමේ වගකීම තෙල් සැපයුම් අංශයේ කළමණාකරු බාර ගත යුතුයි

මුතුරාජවෙල පර්යන්තයට ඉන්ධන ගෙනයන නළයකින් ඉන්ධන කාන්දුවීම සම්බන්ධ වගකීම සම්පූර්ණයෙන්ම ලංකා ඛණිජතෙල් සංස්ථාවේ තෙල් පහසුකම් සපයන අංශයේ කළමණාකාරවරයා විසින් බාරගත යුතු යැයි එහි නිදහස් සේවක සංගමය චෝදනා කරයි.

11 September 2018

සිංහරාජ අලි හොරොව්පොතානට මාරු කිරිමට එරෙහිව පෙත්සමක්

සිංහරාජ රක්ෂිත වනාන්තර කලාපය තුළ වෙසෙන අලි ඇතුන් දෙදෙනෙකු එම සතුන්ට නොගැලපෙන හොරොව්පොතාන ප‍්‍රදේශයේ අලි අනාථාගාරයක් වෙත මාරුකර යැවීමට වනජීවී, තිරසර සංවර්ධන හා ප‍්‍රාදේශීය සංවර්ධන අමාත්‍ය ෆීල්ඩ් මාර්ෂල් සරත් ෆොන්සේකා සහ වනජීවී අධ්‍යක්ෂක ජනරාල්වරයා ගත් තීරණය බලරහිත කරන රිට් ආඥාවක් නිකුත් කරන්නැයි ඉල්ලා පරිසර විද්‍යාඥවරයකු සහ පරිසර යුක්ති කේන්ද්‍රය විසින් අද (11) අභියාචනාධිකරණය හමුවේ පෙත්සමක් ගොනු කරන ලදී .

11 September 2018

ඒකාබද්ධයේ උද්ඝෝෂණයේ දුන් කිරි පැකට්ටුවක් රස පරීක්ෂකට

ඒකාබද්ධ විපක්ෂයේ උද්ඝෝෂණයේ දී බෙදා දුන් කිරිවල විස අඩංගු කරන ලද්දක් බව පවසමින් පොලිසියට බාරදී ඇති කිරි පැකට්ටුවක් පරීක්ෂාව සඳහා රජයේ රස පරීක්ෂකවරයාට යොමු කරන බව කොළඹ මධ්‍යම ප්‍රදේශ බාර ජ්‍යෙෂ්ඨ පොලිස් නිලධාරියෙක් පැවසීය.

11 September 2018

බස්නාහිර ලක්ෂ හයේ පුටු ගනුදෙනුව සම්පූර්ණයෙන් නවත්වන්න යයි

බස්නාහිර පළාත් සභාවේ නව සභාගර්භයට ඇණවුම් කර තිබෙන රුපියල් 644,000 සේ පුටු මිලදී ගැනීමේ ප‍්‍රසම්පාදන ක්‍රියාවලියේදි අක‍්‍රමිකතාවයක් සිදුව ඇති බැවින් එම පුටු ගෙන්විම සම්පුර්ණයෙන්ම නැවැත්වීමට ආණ්ඩුකාරවරයා තීරණය කර ඇතැයි බස්නාහිර පළාත් ආණ්ඩුකාර කාර්යාලයීය ආරංචිමාර්ග වලින් පැවසේ.

11 September 2018

ඇෆ්ගනිස්ථානයේ මරාගෙන මැරෙන ප්‍රහාරයකින් 22 ක් මරුට

ඇෆ්ගනිස්ථානයේ නැගෙනහිර ජලලබාද් නගරයේ සිදුවූ මරාගෙන මැරෙන ප්‍රහාරයකින් 22දෙනකු පමණ මියගොස් ඇතැයි වාර්තා වේ.

11 September 2018

පහළ මල්වතු ඔයට පරිසරවේදීහු විරුද්ධ වෙති

පහළ මල්වතු ඔය ව්‍යාපෘතියේ දී සිදුවන මහා පරිමාණ වනාන්තර විනාශයත් එම ව්‍යාපෘතිය පිළිබඳ සිදුකළ පරිසර බලපෑම් අධ්‍යයන වාර්තාවේ ප‍්‍රමාණවත් තරම් විකල්ප හඳුනාගෙන නොතිබීමත් හේතුවෙන් එකී ව්‍යාපෘතියට විරෝධය පළ කරන බව පරිසර යුක්ති කේන්ද්‍රය කියයි.

11 September 2018

දුම්රිය ගාස්තුත් 1 වැනි දා සිට ඉහළට

දුම්රිය ප්‍රවේශපත්‍ර ගාස්තු ලබන 1 වැනි දා සිට වැඩිකිරීමට තීරණය කර ඇතැයි දුම්රිය දෙපාර්තමේන්තුව පවසයි.

11 September 2018

බස් ගාස්තුව සියයට 10 කින් වැඩිකරන්න’යි ඉල්ලයි

ඩීසල් මිල නැවතත් වැඩි කිරීම නිසා බස් ගාස්තුව ද සියයට 10කින් පමණ වැඩිවිය යුතු බව සමස්ත ලංකා පෞද්ගලික බස් සමාගම් සම්මේලනයේ සභාපති ස්ටැන්ලි ප්‍රනාන්දු මහතා පැවැසීය.

11 September 2018

රජය රුපියල් කෝටි 350 ක් ඉදිකිරීම්කරුවන්ට ණය වෙයි

ආපදා කළමනාකරණ ව්‍යාපෘතියක් යටතේ අබලන් වූ මාර්ග කඩිනමින් ප්‍රතිසංස්කරණය කිරීමේහි නිරත වූ ඉදිකිරීම්කරුවන්ට මාස අටක් තිස්සේ ගෙවීම් පමා කළ රුපියල් කෝටි 350 ක පමණ මුදලක් කැබිනට් අනුමැතිය හිමි වී තිබියදීත් ඔවුන්ට ලබාදී නැතැයි ස්වදේශ කටයුතු අමාත්‍යංශ ආරංචි මාර්ග පවසයි.

11 September 2018

සිංහරාජයේ ‘සුදු ගෝනා‘ වෙඩි වැදී මරුට

ඉතා දුර්ලභ සතෙකු වන සිංහරාජයේ ජීවත් වු සුදු ගෝනා කිසිවකු විසින් වෙඩි තබා ඝාතනය කර ඇතැයි සිංහ රාජ අඩවි ආරක්ෂක ආර් ඒ එස් රනුක්කන්ද මහතා පවසයි.

11 September 2018

ජොන්ස්ටන්ගේ ප්‍රතිශෝධන පෙත්සම සළකා බැලීම හෙට

නඩුව අවසන් වනතුරු කුරුණෑගල මහාධිකරණය තමන් රිමාන්ඩ් බන්ධනාගාර ගත කිරීමට ගත් තීන්දුව බලරහිත කරන්නැයි ඉල්ලා හිටපු වෙළඳ ඇමැති ජොන්ස්ටන් ප්‍රනාන්දු මහතා ගොනු කළ ප්‍රතිශෝධන පෙත්සම හෙට ( 12) සලකා බැලීමට අභියාචනාධිකරණය අද (11) තීන්දු කළේය.

11 September 2018

කතානායක ඇතුළු පිරිස ඉන්දීය අගමැති-ජනපති හමුවෙති

මේ දිනවල ඉන්දියාවේ සංචාරයක නිරත වන කතානායක කරු ජයසූරිය මහතා ඇතුළු පාර්ලිමේන්තු නියෝජිත කණ්ඩායම ඉන්දීය අග්‍රාමාත්‍යවරයා සහ ඉන්දීය ජනාධිපතිවරයා හමුවී ඇතැයි ඉන්දීය ඒ.එන්.අයි.එන් පුවත් සේවය වාර්තා කර සිටී.

11 September 2018

අයවැයේ විසර්ජන පනත් කෙටුම්පත ඔක්තෝබරයේ පාර්ලිමේන්තුවට

ලබන වසරේ (2019) අයවැය යෝජනාවට අදාළ විසර්ජන පනත් කෙටුම්පත මුදල් ඇමැතිවරයා විසින් ලබන මස මුල් සතියේදී පාර්ලිමේන්තුවට ඉදිරිපත් කරනු ලැබීමට නියමිතය.

11 September 2018

වියට්නාම් අගමැතිගෙන් සබඳතා ශක්තිමත් කිරීමේ යෝජනාවක්

ශ්‍රී ලංකාව සහ වියට්නාමය අතර රාජ්‍ය සබඳතා පමණක් නොව, පාර්ලිමේන්තු දේශපාලන පක්‍ෂ හා ජනතාව අතර සබඳතාත් ශක්තිමත් කරලීම සඳහා පියවර ගත යුතු බව වියට්නාම් අග්‍රාමාත්‍ය ග්යෙන් ෂුන් ෆුක් මහතා ශ්‍රී ලංකා අග්‍රාමාත්‍ය රනිල් වික්‍ර‍මසිංහ මහතා හමුවේ පැවසීය.

11 September 2018

නීතීවිරෝධිව පනින්න හැදු අනවසර සංක්‍රමණිකයින් 90 ක් අත්අඩංගුවට

නීතිවිරෝධීව බහුදින යාත‍්‍රාවකින් ශ්‍රී ලංකාවෙන් පලායමින් සිටි අනවසර සංක්‍රමණිකයින් 90 දෙනෙකු අද (11) අත්අඩංගුවට ගත් බව නාවික හමුදාව කියයි.

11 September 2018

මූල්‍ය වංචාවක් කළැයි සුපිරි වෙළඳජාලයක ගිණුම් සහකාරවරයෙක් මාස 18 ක් හිරේට

දිවයිනපුරා විහිද ඇති සුපිරි වෙළඳ ජාලයක සැපයුම්කරුවන්ට ගෙවිය යුතු රුපියල් ලක්‍ෂ 80කට අධික මුදලක් සාවද්‍ය ලෙස පරිහරණය කිරීමේ චෝදනාවට වරදකරු වු එම සුපිරි වෙළඳ ජාලයේ ගිණුම් සහකාරවරයකුට මාස 18ක බරපලත වැඩ සහිත සිරදඬුවමක් කොළඹ මහාධිකරණ විනිසුරු විකුම් කළුආරච්චි මහතා අද (11) නියම කළේය.

11 September 2018

බිලිපූජා තහනම් කිරීමට අමාත්‍ය මණ්ඩල අනුමැතිය

ඇතැම් ආගමික ස්ථාන තුළ හෝ එහි සිමාව තුළ සිදුකරන සත්ව බිලිපුජා තහනම් කිරීමට රජය තීරණය කර ඇතැයි ජාතික ප‍්‍රතිපත්ති සහ ආර්ථික කටයුතු රාජ්‍ය අමාත්‍ය නිරෝෂන් පෙරේරා මහතා පැවසීය.

11 September 2018

චෝදනා ලාභී මූල්‍ය නිලධාරියාගේ කාමරයට මුද්‍රා තබයි

ශ‍්‍රී ලංකා ක‍්‍රිකට් ආයතනයට විදේශ රූපවාහිනී නිෂ්පාදන සමාගමකින් ලැබීමට නියමිත රුපියල් මිලියන 900 කට අධික මුදලක් වංචා කිරීමට සැළසුම් කළේ යැයි කියන ශ්‍රී ලංකා ක‍්‍රිකට් ආයතනයේ මූල්‍ය අංශයේ නිලධාරියා පසුගිය දින දෙකේ සේවයට වාර්තා කරනොමැති බව ශී‍්‍ර ලංකා කි‍්‍රකට් ආයතනයේ උසස් නිලධාරියෙක් පැවසීය.

11 September 2018

දකුණු පළාත් සභාවේ ගාල ගෝට්ටියක්

කොළඹදී පැවති ජනබල මෙහෙයුමට යාමට පෞද්ගලික බස්රථ ලබා නොදීමත් ජනබලයට සහභාගී වු අයට වස සහිත කිරි පැකට් ලබාදුන් බවටත් චෝදනා කරමින් ඒකාබද්ධ විපක්ෂයේ මන්ත්‍රිවරු පිරිසක් අදහස් ප්‍රකාශ කරන්නට වීමත් සමඟ අද (11) පැවති දකුණු පළාත් සභා රැස්විම ගාල ගොට්ටියක් බවට පත්විය.

11 September 2018

නීතීවිරෝධිව ඕස්ට්‍රේලියා ගිය නව දෙනෙක් යළි ලංකාවට

නීතිවිරෝධී ලෙස ඕස්ට්‍රේලියාවට සංක්‍රමණය වී සිටි ශ්‍රී ලාංකිකයන් 09 දෙනෙකු , එරටින් පිටුවහල් කර අද(11) උදෑසන යළිත් ශ්‍රී ලංකාව වෙත එවා තිබුණි .

11 September 2018

සිරකරු දිනයදා පිටතින් ගෙනෙන කෑම බීම සීමා කෙරේ

ජාත්‍යන්තර සිරකරු දිනය නිමිත්තෙන් වැලිකඩ බන්ධනාගාරයේ රැදවියන් හා පවුල් අතර හමුවේදී ඥාතීන් විසින් ඔවුන්ට ගෙන එනු ලබන කෑම බීම සීමා කිරීමට බන්ධනාගාර පාලනාධිකාරිය ගෙන ඇති තීරණය නිසා රැඳවියන් මහත් අපහසුතාවට පත්ව ඇතැයි සිරකරුවන් සුරැකීමේ කමිටුවේ ලේකම් සුරේෂ් නන්දිමාල් මහතා පවසයි.

11 September 2018

මරණීය දණ්ඩනය සැළසුම් කිරීම ගැන එක්සත් ජාතීන්ගේ කණගාටුව

ශ‍්‍රී ලංකාව තුළ මරණීය දණ්ඩනය නැවත ක‍්‍රියාත්මක කිරීමට සැලසුම් කිරීම සම්බන්ධයෙන් තමන් කණගාටුවට පත් වන බව එක්සත් ජාතීන්ගේ මානව හිමිකම් පිළිබඳ නව මහකොමසාරිස් මිෂෙල් බැචලේ මහත්මිය ජිනීවා හී එක්සත් ජාතීන්ගේ මානව හිමිකම් කවුන්සිලයේදී පැවසුවාය.

11 September 2018

ඩීසල් මිල වැඩි කිරීමෙන් පාසල් ප්‍රවාහන ගාස්තු ඉහළට

ඔටෝඩීසල් මිල වැඩි කිරීම හේතුවෙන් පාසල් ළමුන් ප්‍රවාහනය කරන බස් හා වෑන් රථ රියදුරන් ඔවුන්ගේ ගාස්තු 5%කින් ඉහළ දැමීමට අද(11) තීරණය කළ බව සමස්ත ලංකා පාසල් ළමුන් ප්‍රවාහන සංගමයේ සභාපති එල්. එල්. ශ්‍රී ද සිල්වා මහතා පැවසීය.

11 September 2018