එසැණ පුවත්

‘ආණ්ඩු වෙනස පිළිබඳ මතයක් ප්‍රකාශ කරන්න බැහැ‘- නීතීපති

අගමැති ධුරය වෙනස් වීම රජයේ වෙනස් වීම සම්බන්ධ නිත්‍යනුකූලභාවය පිළිබඳ මතයක් ප්‍රකාශ කිරීමට නොහැකි බව නීතිපති ජයන්ත ජයසුරිය මහතා කතානායක කරුජයසුරිය මහතා වෙත අද (31) දැනුම් දී තිබේ.

31 October 2018

අගමැති කාර්යාලයේ සේවකයන්ට ස්ථාන මාරු

අග‍්‍රාමාත්‍ය කාර්යාලයේ සේවයේ නියුතු සේවකයන්ට මේ වනවිට ස්ථාන මාරුවීම් ලබාදී ඇතැයි රජයේ ආරංචි මාර්ග සඳහන් කරයි.

31 October 2018

පාර්ලිමේන්තුවේ නිල වෙබ් අඩවියට අලුත් ඇමතිවරු ඇතුළත් කෙරේ

නව කැබිනට් මණ්ඩලය පත්කිරීමෙන් පසුව පාර්ලිමේන්තුවේ නිල වෙබ් අඩවිය යාවත්කාලීන කිරීමට කටයුතු කරමින් තිබෙන බව එහි නිලධාරියෙක් පැවසීය.

31 October 2018

ඩොලරය 176 ත් පනී

ශ්‍රී ලංකා ඉතිහාසයේ පළමු වරට ශ්‍රී ලංකා රුපියලට සාපෙක්ෂව ඇමෙරිකා එක්සත් ජනපද ඩොලරයක අගය අද (31) රුපියල් 176 සීමාව ඉක්මවා ගියේය.

31 October 2018

දේශපාලන වෙනසට විරෝධය පා දිල්ලියේ සරසවි සිසුහු විරෝධතාවයක

ශ්‍රී ලංකාවේ පැන නැගී ඇති දේශපාලන අර්බුදකාරී තත්ත්වයට විරෝධය දක්වමින් ඉන්දියාවේ නවදිල්ලියේ පිහිටි දකුණු ආසියානු විශ්ව විද්‍යාලයන් හි ඉගෙනුම ලබන ලාංකික සිසුන් පිරිසක් නිහඩ විරෝධතාවයක නිරත වී ඇතැයි ඉන්දියා ටුඩේ පුවත්පත අද (31) වාර්තා කළේය.

31 October 2018

‘බදු එකතු කිරීමේදී ආණ්ඩුව ජනතාවට බරක් නොවිය යුතුයි‘

බදු එකතු කිරීමේදී ආණ්ඩුව ජනතාවට බරක් නොවිය යුතු බවත් බදු එකතු කිරීමේ ක්‍රමය සරල විය යුතු බවත් අගමැති මහින්ද රාජපක්ෂ මහතා අද (31) පැවසීය.

31 October 2018

අගමැති ආරක්ෂක කොට්ඨාසයට අලුත් ස්ථානාධිපතිවරයෙක්

අගමැති ආරක්ෂක කොට්ඨාසයේ දැනට සිටින ස්ථානාධිපතිවරයා ඉවත් කර වෙනත් පොලිස් නිලධාරියකු එම තනතුරට පත් කිරීමට පොලිස්පති පූජිත් ජයසුන්දර මහතා නියෝග කර තිබේ.

31 October 2018

දකුණු සුපිරි මඟේ අනතුරකින් ලක්ෂ 30 ක අලාභයක්

හම්බන්තොට සිට කොළඹට රුපියල් කෝටි ගණනාවක් වටිනා සුඛෝපභෝගී මෝටර් රථ අධිවේගී මාර්ගය ඔස්සේ ප්‍රවාහනය කරමින් සිටි කන්ටේනර් රථයක් අද (31) පැල්පොල දී ආරක්ෂිත වැටේ ගැටී සිදුවු අනතුරින් ලක්ෂ 30 කට අධික හානි ඇති බව දක්ෂිණ අධිවේගී රථවාහන පොලිසිය කියයි.

31 October 2018

ජාත්‍යන්තරය පිළිගන්නේ රනිල්ව බව බ්‍රිතාන්‍යයේ මන්ත්‍රීවරයෙක් කියයි

ජාත්‍යන්තර ප්‍රජාව රනිල් වික්‍රමසිංහ මහතා ශ්‍රී ලංකාවේ නීත්‍යනුකූල අග්‍රාමාත්‍යවරයා ලෙස පිළිගන්නා බව එක්සත් රාජධානියේ පාර්ලිමේන්තුව අමතමින් එරට කොන්සර්වේටිව් පක්ෂයේ පාර්ලිමේන්තු මන්ත්‍රී සර් හියුගෝ ස්වයර් මහතා අද (30) පැවැසීය.

30 October 2018

එක්සත් රාජධානියේ ආසියානු ඇමතිගෙන් තදබල නිවේදනයක්

කතානායකවරයා සමඟ සාකච්ඡා කර කඩිනමින් පාර්ලිමේන්තුව කැඳවන්නැයි ජනාධිපති මෛත්‍රීපාල සිරිසේන මහතාට අවධාරණය කරන බව එක්සත් රාජධානියේ ආසියානු සහ ශාන්තිකර කටයුතු පිළිබඳ අමාත්‍ය මාර්ක් ෆීල්ඞ් මහතා නිවේදනයක් නිකුත් කරමින් සඳහන් කරයි.

30 October 2018

පුපුරණ ද්‍රව්‍ය තොගයක් හම්බන්තොටින් සොයාගනී

නීති විරෝධී හා අනාරක්ෂිත අන්දමින් නිවසක ගබඩා කර තිබූ ඩෙටනේටර්, ඇමෝනියම් නයිට්‍රේට් සහ ඩයිනමයිට් ඇතුළු පුපුරණ ද්‍රව්‍ය තොගයක් සමඟ සැකකරුවන් දෙදෙනෙකු පොලිස් විශේෂ කාර්යය බළකායේ සූරියවැව කඳවුරේ නිලධාරින් විසින් අද (30) අත්අඩංගුවට ගනු ලැබීය.

30 October 2018

‘16 වැනිදා පාර්ලිමේන්තුවේදී බහුතරය පරීක්ෂා කරන්නේ නැහැ’

පාර්ලිමේන්තුවේ නව සැසිවාරය එළඹෙන 16 වැනි දා උත්සවාකාරයෙන් ආරම්භ කරන බව රජයේ සම මාධ්‍ය ප්‍රකාශක මහින්ද සමරසිංහ මහතා පැවසීය.

30 October 2018

‘‘අතුරු අයවැය පරාජය වුනොත් පාර්ලිමේන්තුව විසුරුවා හැරිය යුතුයි‘‘

නව ආණ්ඩුව ලබන නොවැම්බර් 16 වැනිදා පාර්ලිමේන්තුවට ඉදිරිපත් කරන අතුරු අයවැය යම් ආකාරයකින් පරාජයට පත්වුවහොත් ඒ මෙහොතේම පාර්ලිමේන්තුව විසුරුවා හැර මැතිවරණයකට යෑමට ජනාධිපතිවරයාට ආණ්ඩුක්‍රම ව්‍යවස්ථාවෙන් බලතල ලැබී ඇතැයි අධ්‍යාපන හා උසස් අධ්‍යාපන ඇමැති ආචාර්ය විජයදාස රාජපක්ෂ මහතා පැවැසීය.

30 October 2018

ශක්තිමත් ජාතික රජයක් හදන්න ශ්‍රීලනිප ප්‍රධානීන්ට ඇරයුම්

නායකත්ව මණ්ඩලයක් හරහා තීන්දු තීරණ ගන්නා පුළුල් පෙරමුණක් යටතේ ලබන සිකුරාදායින් පසු ස්ථාපිත කරන ජාතික රජයට එක් වන්නැයි ව්‍යවස්ථා විරෝධී වැඩපිළිවෙළට එරෙහි ශ්‍රී ලංකා නිදහස් පක්ෂ ප්‍රධානීන්ට ආරාධනා කරන බව හිටපු ඇමැතිවරුන් වන පාඨලී චම්පික රණවක සහ වෛද්‍ය රාජිත සේනාරත්න මහත්වරු පැවසූහ.

30 October 2018

දුනේෂ් ගන්කන්දට රාජ්‍ය ඇමැති පුටුවක්

මහවැලි , පරිසර හා ඉඩම් රාජ්‍ය ඇමැති දුනේෂ් ගන්කන්ද මහතා මීට සුළු මොහොතකට පෙර දිවුරුම් දුන්නේය.

30 October 2018

‘‘එජාපයේ මන්ත්‍රීවරු 20ක් ආණ්ඩුවට එනවා ‘‘

ආණ්ඩුවට එක්සත් ජාතික පක්ෂයේ තවත් මන්ත්‍රීවරුන් විසි දෙනකු ළඟදීම එන බව සංචාරක හා වනජීවී නියෝජ්‍ය ඇමැති ආනන්ද අළුත් ගමගේ මහතා පැවැසීය.

30 October 2018

අමාත්‍යාංශ 12 කට නව ලේකම්වරු පත් කරති

කැබිනට් අමාත්‍යාංශ 12 ක් සඳහා පත් කෙරුණ නව ලේකම්වරු අද (30) පස්වරුවේ ජනාධිපති කාර්යාලයේ දී ජනාධිපති මෛතී‍්‍රපාල සිරිසේන මහතා අතින් සිය පත්වීම් ලිපි ලබා ගත්හ.

30 October 2018

‘ජනපති බලතල අනුව අගමැති තනතුර වෙනස් කළ හැකියි’

රටේ පවතින ආණ්ඩුක්‍රම ව්‍යවස්ථාව අනුව හා තමන් වෙත පැවරී තිබෙන බලතල අනුව අග්‍රාමාත්‍යවරයා පත් කිරීම සිදු කළ බව ජනාධිපති මෛත්‍රීපාල සිරිසේන මහතා පවසා ඇත.

30 October 2018

රජයේ ආයතනවල සාමය රැකගන්න කැපවෙන්නැයි ජනපති ඉල්ලයි

රාජ්‍ය ආයතන තුළ ගැටුම්කාරී තත්ත්වයක් ඇතිවීමට ඉඩ නොතබා සාමය ආරක්ෂා කර ගැනීමට කැපවන ලෙසට ජනාධිපති මෛත්‍රීපාල සිරිසේන මහතා වෘත්තීය සමිති නියෝජිතයන්ගෙන් අද (30) විශේෂ ඉල්ලීමක් කර ඇත.

30 October 2018

’රජයක් බිහිකර ගන්නා තුරු පවතින රජයක් මේක’

‘‘අලූතින් මැතිවරණයක් තියලා ජනතාව විසින් අලූත් රජයක් බිහිකරගන්නා තුරු පවතින රජයක් මේක. මේ නව ආණ්ඩුවේ කිසිම තනතුරක් මම භාරගන්නේ නැහැ. දැන් අලූත් අමාත්‍ය මණ්ඩලයක් යටතේ ජනතාවට සහන දීලා ආණ්ඩුව කරගෙන යන්න ඕන. ඊට පස්සේ ජනතාව අතරට ගිහිල්ලා ජනතාවගේ කැමැත්තෙන් රජයක් බිහි කරගන්නවා.’’

30 October 2018

‘පක්ෂනායක රැස්වීම කැඳවුයේ නීත්‍යනුකූලව නොවන බව කතානායක පැවසුවා‘

පාර්ලිමේන්තුව නියෝජනය කරන පක්‍ෂ නායකයින්ගේ රැස්වීමක් තමන් කැඳවූයේ නීත්‍යනුකූලව නොවන බව එම රැස්වීම අතරතුර කිහිපවරක්ම කතානායකවරයා පැවසූ බව රජයේ සම මාධ්‍ය ප‍්‍රකාශක මහින්ද සමරසිංහ මහතා පැවසීය.

30 October 2018

එජාප රැළියෙන් කොල්ලුපිටියේ මාර්ග කිහිපයක් වැසේ

කොල්ලුපිටියේ අරලියගහ මන්දිරය අසල පැවැත්වෙන එක්සත් ජාතික පක්ෂයේ ‘ජන හඬ’ උද්ඝෝෂණය හේතුවෙන් කොල්ලුපිටියේ සිට ග්‍රීන් පාත් දක්වා මාර්ග කිහිපයක් තාවකාලිකව වසා දමා ඇති බව පොලිසිසිය පවසයි.

30 October 2018

රාජිතට එරෙහි ජීඑම්ඕ පෙත්සම මේ සතියේ ජනපතිට

හිටපු සෞඛ්‍ය ඇමැති රාජිත සේනාරත්න මහතාට එරෙහිව රජයේ වෛද්‍ය නිලධාරින්ගේ සංගමයේ සාමාජිකයින් විසින් අත්සන් කළ පෙත්සම මේ සතියේ දී ජනාධිපති මෛත්‍රීපාල සිරිසේන මහතා වෙත යවන බව එම සංගමයේ බදුල්ල ශාඛාවේ ලේකම් වෛද්‍ය පාලිත රාජපක්ෂ මහතා පැවසීය.

30 October 2018

අගමැති වරප්‍රසාද මහින්දට දෙන්නැයි එජනිස ඉල්ලයි

පාර්ලිමේන්තුව තුළ අග‍්‍රාමාත්‍ය තනතුරට හිමි සියලූම අයිතිවාසිකම් හා වරප‍්‍රසාද නව අග‍්‍රාමාත්‍ය මහින්ද රාජපක්‍ෂ මහතාට ලබාදීමට කටයුතු කරන මෙන් එක්සත් ජනතා නිදහස් සන්ධානයේ මහලේකම් මහින්ද අමරවීර මහතා කතානායක කරූ ජයසූරිය මහතාට ලිපියක් මගින් අද (30) දැනුම්දී ඇත.

30 October 2018

යාල ජාතික වනෝද්‍යානය යළි විවෘත කෙරේ

සංරක්ෂණ උපාය මාර්ග ඇතුළු හේතු කිහිපයක් හේතුවෙන් තාවකාලිකව වසා දැමූ යාල ජාතික වනෝද්‍යානය වනජීවි අධ්‍යක්ෂ ජනරාල්වරයාගේ උපදෙස් පරිදි යළි අද(30) සිට සංචාරකයින් සඳහා විවෘත කළ බව වනෝද්‍යාන පාලනාධිකාරිය කියයි.

30 October 2018

මෛත්‍රී-මහින්ද එක්වී රනිල්ගේ අගමැතිකම ‘පික්පොකට්‘ ගැසුවා

රනිල් වික්‍රමසිංහ මහතාගේ අගමැතිකම මෛත්‍රීපාල සිරිසේන ජනපතිවරයා හා මහින්ද රාජපක්ෂ මහතා එක්ව ‘පික්පොකට්‘ ගැසූ බව හිටපු නියෝජ්‍ය අමාත්‍ය රන්ජන් රාමනායක මහතා පවසයි.

30 October 2018

රන්ජන්ගේ චෝදනාවලට පදනමක් නෑ-චීනය

ශ්‍රී ලංකාවේ වත්මන් දේශපාලන තත්ත්වයට චීනය සම්බන්ධ යැයි පාර්ලිමේන්තු මන්ත්‍රී රන්ජන් රාමනායක මහතා කරන ලද චෝදනාවලට කිසිදු පදනමක් නැතැයි ශ්‍රී ලංකාවේ චීන තානාපති කාර්යාලය සඳහන් කරයි.

30 October 2018

ජයග්‍රහණයෙන් මිස කිසි විටක සටන පාවා දෙන්නේ නෑ

පාර්ලිමේන්තුව පැත්තකට දමා ජනාධිපතිවරයාට විධායක බලය අතට ගැනීමට ඉඩ දෙන්නේ නැතැයි එක්සත් ජාතික පෙරමුණේ නායක රනිල් වික්‍රමසිංහ මහතා යුක්තියේ ජනහඬ උද්ඝෝෂණය අමතමින් අද (30) පැවසීය.

30 October 2018