එසැණ පුවත්

විදුලි සේවකයෝ විරෝධතාවක

ලංකා විදුලිබල මණ්ඩලය ඇතුළු විදුලිබල කේෂත්‍රයට ප්‍රතිසංස්කරණ ගෙන එමින් ආණ්ඩුව පාර්ලිමේන්තුවට ඉදිරිපත් කිරීමට නියමිත නව විදුලිබල පනතට විරෝධය දක්වමින් විදුලිබල සේවකයන් විදුලිබල මණ්ඩල ප්‍රධාන කාර්යාල ඉදිරිපිට දැන් පවත්වන විරෝධතාව හේතුවෙන් කොටුව දෙසට තීරුව අවහිරවී වාහන තදබදයක් ඇතිවී තිබේ.

22 July 2025

මැලේසියාව එක්ක කෘෂිකර්ම පර්යේෂණ ගිවිසුමක්

ශ්‍රී ලංකාවේ කෘෂිකාර්මික පර්යේෂණ ප්‍රතිපත්ති සභාව සහ මැලේසියාවේ කෘෂිකාර්මික පර්යේෂණ හා සංවර්ධන ආයතනය අතර ක්‍රියාකාරී සැලැස්මක් අත්සන් තැබීමට කැබිනට් අනුමැතිය ලැබී ඇත.

22 July 2025

ක්‍රීඩාවේ දූෂණ නවත්තන නියෝග පාර්ලිමේන්තුවට

ක්‍රීඩා පනතේ 31 වන වගන්තිය සමඟ කියවිය යුතු 41 වන වගන්තිය යටතේ සාදන ලද නියෝග පාර්ලිමේන්තුවට ඉදිරිපත් කිරීමට කැබිනට් අනුමැතිය ලැබී ඇත.

22 July 2025

ශ්‍රී ලංකන් ගුවන්කරණ රක්ෂණ කොන්ත්‍රාත්තුව දෙයි

සීමාසහිත ශ්‍රී ලංකන් ගුවන් සමාගමේ ගුවන්කරණ රක්ෂණ ඔප්පු සහ ගුවන්කරණ රක්ෂණ සේවා සඳහා වන කොන්ත්‍රාත්තු පිරිනැමීමට කැබිනට් අනුමැතිය ලැබී ඇත.

22 July 2025

’’අපේ අයගෙන්’’ ඖෂධ මිලදී ගන්න අනුමැතිය

2026 වර්ෂය සඳහා දේශීය නිෂ්පාදකයින්ගෙන් ඖෂධ සහ අනෙකුත් වෛද්‍ය සැපයීම් මිල දී ගැනීමට අභිලාෂ කැඳවීමට කැබිනට් අනුමැතිය ලැබී ඇත.

22 July 2025

හන්තානවත්තේ මට ඉඩමක් ඇති කතාව පට්ටපල් බොරුවක්

රජයට අයිති මහනුවර හන්තාන වත්තෙන් අක්කර 46ක ඉඩමක් දේශපාලන බලපෑම යොදාගෙන නීති විරෝධීව තමාගේ නමට පවරාගෙන ඇති බවට ජාතික ජන බලවේගයේ මන්ත්‍රීවරුන් කිහිප දෙනෙකු පොදු ව්‍යාපාර පිළිබඳ පාර්ලිමේන්තු කාරක සභාවේදී කළ අසත්‍ය ප්‍රකාශයෙන් තමාගේ මන්ත්‍රී වරප්‍රසාද කඩවී ඇති හෙයින් ඒ සම්බන්ධයෙන් සුදුසු ක්‍රියාමාර්ග ගන්නා ලෙස සමගි ජන බලවේගයේ මහනුවර දිස්ත්‍රික් මන්ත්‍රීනී නීතිඥ චමින්ද්‍රාණී කිරිඇල්ල මහත්මිය පාර්ලිමේන්තුවේදී අද (22) ඉල්ලීමක් කළාය.

22 July 2025

ලක්විජය බලාගාරයට ගල් අඟුරු ගන්න ප්‍රසම්පාදනය දෙයි

ඉදිරි වාරය සඳහා නොරොචෝලේ ලක්විජය විදුලි බලාගාරය වෙත ගල් අඟුරු ප්‍රසම්පාදනය කිරීමට කැබිනට් අනුමැතිය ලැබී ඇත.

22 July 2025

සයිබර් තර්ජන හඳුනාගන්න පර්යේෂණ ඒකකයක්

සයිබර් තර්ජන හඳුනා ගැනීම සහ අනිෂ්ට මෘදුකාංග විශ්ලේෂණ පර්යේෂණ ඒකකයක් (Threat Hunting and Malware Analysis Lab) පිහිටුවීමේ ව්‍යාපෘතිය සඳහා කැබිනට් අනුමැතිය ලැබී ඇත.

22 July 2025

ලොරියට යට වී සෙබළිය මරුට

කොළඹ මහනුවර මහා මාර්ගයේ දංඕවිට හොරගස්මංකඩ පොලිස් මාර්ග බාධකය ආසන්නයේදී අද( 22 ) යතුරු පැදියක් පෙරලුණු අවස්ථාවේ එහි පසුපස ගමන් ගනිමින් සිටි යුද හමුදා සෙබළියක ඉදිරියෙන් පැමිණි ලොරියක යටවී බරපතල තුවාල සහිතව රෝහල් ගත කිරීමේදී මරණයට පත්ව ඇතැයි දංඕවිට පොලිසිය කියයි.

22 July 2025

දරුවන් 14කට කැසිල්ලක් හැදිලා

බියගම ප්‍රාථමික විද්‍යාලයේ හතරවන ශේණියේ සිසු සිසුවියන් 14 දෙනකු දහවල් හදිසියේ අසනීපවී ඇතැයි බියගම පොලිසිය පවසයි.

22 July 2025

හිටපු ජනපති වරප්‍රසාද කපන පනත පාර්ලිමේන්තුවට

ජනාධිපතිවරයන්ගේ හිමිකම් (ඉවත් කිරීමේ ) පනත් කෙටුම්පත් පාර්ලිමේන්තුවේ අනුමැතිය සඳහා ඉදිරිපත් කිරීමට කැබිනට් අනුමැතිය ලැබී ඇත.

22 July 2025

කොරියා සෘතුමය රැකියා වලට අලුත් අවබෝධතා ගිවිසුමක්

කොරියානු ජන රජයේ කෘෂිකාර්මික කටයුතු සඳහා සෘතුමය සේවක වැඩසටහන යටතේ අවබෝධතා ගිවිසුමකට අත්සන් තැබීමට කැබිනට් අනුමැතිය ලැබී ඇත.

22 July 2025

විශ්‍රාමික DIG රොහාන් ප්‍රේමරත්නට අධිකරණ නියෝගයක්

මුල්‍ය වංචා සිද්ධියක් සම්බන්ධයෙන් සිදු කරන විමර්ශනයන්ට අදාළව අගෝස්තු 04 වැනි දින අල්ලස් හෝ දූෂණ චෝදනා විමර්ශන කොමිෂන් සභාවේ පෙනී සිට ප්‍රකාශයක් ලබා දෙන්නැයි කොළඹ අතිරේක මහේස්ත්‍රාත් හර්ෂන කැකුණවෙල මහතා විශ්‍රාමික නියෝජ්‍ය පොලිස්පති (DIG) රොහාන් ප්‍රේමරත්න මහතාට අද (22) නියෝග කළේය.

22 July 2025

අවම සේවක වැටුප වගේම වතු සේවක වැටුපත් වැඩි කරන්න

අවම සේවක වැටුප වැඩි කරනවා සේම වතු ප්‍රජාවගේ වැටුප් ද වැඩි විය යුතු බව විපක්ෂ නායක සජිත් ප්‍රේමදාස මහතා පාර්ලිමේන්තුවේ දී පැවැසීය.

22 July 2025

හෂිෂ් සමඟ විදෙස් කත ගුවන්තොටේදී අල්ලයි

රුපියල් දහ අට කෝටි දස ලක්ෂයක් වටිනා ’’හෂීෂ් ’’ මත්ද්‍රව්‍ය තොගයක් කටුනායක ගුවන් තොටුපොළට රැගෙන විත් , ඒවා ගුවන් තොටුපොළ කිසිවක් ප්‍රකාශ කිරීමට නොමැති ’’ හරිත මාවත ’’ ඔස්සේ පිට කර ගෙන යාමට තැත් විදේශීය ගුවන් මගී කාන්තාවක් , රේගු මත්ද්‍රව්‍ය පාලන අංශයේ නිලධාරීන් පිරිසක් අද(22) අත් අඩංගුවට ගෙන තිබේ .

22 July 2025

ඉන්දීය උප ජනපති ධුරයෙන් ඉවත් වෙයි

ඉන්දියාවේ උප ජනාධිපති ජග්දීප් ධන්කාර් ධුරයෙන් ඉල්ලා අස්වූ බව ඉන්දීය මාධ්‍ය වාර්තා කරයි. ජග්දීප් ධන්කාර් අග්‍රාමාත්‍ය ධුරයෙන් ඉල්ලා අස්වූයේ සෞඛ්‍ය හේතුන් මත යැයි ද පැවැසෙයි.

22 July 2025

දේශබන්දු පොලිස්පති තනතුරෙන් නෙරපයි?

පොලිස්පති දේශ බන්දු තෙන්නකෝන් මහතා එම ධූරයෙන් නෙරපීම සඳහා ඔහුට එරෙහි චෝදනා විමර්ශන කළ පාර්ලිමේන්තු පරීක්‍ෂණ කමිටුව නිර්දේශ කර ඇතැයි කතානායක වෛද්‍ය ජගත් වික්‍රමරත්න මහතා පාර්ලිමේන්තුවට අද දැනුම් දුන්නේය.

22 July 2025

නව අග විනිසුරු ප්‍රීති පද්මන් සූරසේන

ශ්‍රේෂ්ඨාධිකරණ විනිසුරු ප්‍රීති පද්මන් සූරසේන මහතා මීළඟ අගවිනිසුරුවරයා ලෙස පත් කිරීමට ජනාධිපති අනුර කුමාර දිසානායක මහතා ආණ්ඩුක්‍රම ව්‍යවස්ථා සභාවට නිර්දේශ කර ඇත.

22 July 2025

විදෙස් පිස්තෝලයක් පතුරොම් සමඟ දෙන්නෙක් මාට්ටු

දෙමට ගොඩ වේළුවන පාර ප්‍රදේශයේදී විදේශ රටක නිෂ්පාදිත පිස්තෝල අවියක් සහ එම පතුරම් 12 ක් සමඟ පුද්ගලයන් දෙදෙනෙකු අත්අඩංගුවට ගත් බව අපරාධ පරීක්ෂණ දෙපාර්තමේන්තුව කියයි.

22 July 2025

අද කාලගුණය

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි ඇති විය හැකි බව කාලගුණවිද්‍යා දෙපාර්තමේන්තුව කියයි.

22 July 2025

පිරිමින් අඩුවෙලා:ගම්බද තරුණියන් තනි වෙලා

කාන්තාවන්ට සාපේක්‍ෂව පිරිමි ජනගහනය පැහැදිළි අඩුවක් දක්නට ඇතැයි ශ‍්‍රී ලංකා වයඹ විශ්වවිද්‍යාලයේ ජ්‍යෙෂ්ඨ මහාචාර්ය අමින්ද මෙත්සිල පෙරේරා මහතා පවසයි.

22 July 2025

කහවත්ත ඝාතනයේ වෙඩික්කරු අල්ලයි

පොලිස් නිලධාරීන් යැයි පවසා නිවසක සිටි සහෝදරයන් දෙදෙනකුට අත් විලංගු දමා ජීප් රථයකින් පැහැරගෙන ගොස් එක අයකු දණගස්වා වෙඩි තබා අනෙක් අයට තුවාල සිදුකර ජීප් රථයෙන් පලා යාමේ සිද්ධියේ වෙඩික්කරු අත්අඩංගුවට ගත් බව බස්නාහිර පළාත උතුර අපරාධ කොට්ඨාසය කියයි

22 July 2025

කෝටි හතරක අධික දේපොළ තහනම් කරයි

මත්ද්‍රව්‍ය ජාවාරම්කාරියක සහ ඇගේ හිතවතුන් මත් ජාවාරමෙන් ඉපැයූ මුදල්වලින් මිලදී ගත් බවට සැකකරන රුපියල් හාර කෝටියකට අධික වටිනාකමින් දේපළ මුදල් විශුද්ධ කරන පනත අනුව තහනමට ලක් කළ බව පොලිස් මාධ්‍ය ප්‍රකාශක කාර්යාලය කියයි.

22 July 2025

සීදූවේ වෙඩි තැබීමක්

සීදූව රාජපක්ෂ මාවත ප්‍රදේශයේදී අද (21) රාත්‍රී යතුරුපැදියකින් පැමිනි නාදුනන පුද්ගලයන් දෙදෙනකු විසින් කළ වෙඩි තැබීමකින් විශ්‍රාමික යුද හමුදා සෙබළකු තුවාල ලබා රාගම රෝහලට ඇතුළත් කර ඇති බව පොලිස් මාධ්‍ය ප්‍රකාශක සහකාර පොලිස් අධිකාරී උදය කුමාර වුට්ලර් මහතා පැවැසිය.

21 July 2025

බංග්ලාදේශ ගුවන් නියමුවන් පුහුණු යානයක් පාසලකට කඩා වැටෙයි

බංග්ලාදේශ ගුවන් හමුදාවට අයත් ගුවන් නියමුවන් පුහුණු කිරීමට යොදා ගන්නා ජෙට් යානයක් ඩකා අගනුවර පිහිටි පාසලකට කඩා වැටීමෙන් 19 ක් මියගොස් තවත් 164 දෙනකු තුවාල ලබා ඇතැයි බංග්ලාදේශ බලධාරීහු අද (21) ප්‍රකාශ කළහ.

21 July 2025

සදේ පස් ගල් බලන්න ලංකාවටත් වරම්

මිනිසා පළමු වරට සඳ තරණය කළ අවස්ථාවේදී සඳෙන් රැගෙන ආ පස් සහ පාෂාණ සාම්පල ජාතික කෞතුකාගාර පරිශ්‍රයේ ජාතික ස්වභාවික විද්‍යා කෞතුකාගාරයේ ප්‍රදර්ශනය කිරීම අද (21) සිට ආරම්භ කෙරුණු බව එහි අධ්‍යක්ෂ ජෙනරාල් සනෝඡා කස්තුරිආරච්චි මහත්මිය පැවසුවාය.

21 July 2025

අස්ගිරි අනු නා හිමි ගිහි පැවදි දෙපිරිසම දහමින් පෝෂණය කළා

සුවහසක් ගිහි පැවිදි දෙපාර්ශ්වයම සම්බුදු දහමින් පෝෂණය කරන්නට ආනමඩුවේ ධම්මදස්සී අස්ගිරි අනුනාහිමියන් කටයුතු කළ බව විපක්ෂ නායක සජිත් ප්‍රේමදාස මහතා ශෝක පණිවිඩයක් නිකුත් කරමින් පවසයි.

21 July 2025

පාසල් පන්තිකාමරයෙන් මතු වූ නයි පැටවු

කුරුණෑගල බෝගමුව මධ්‍ය මහා විද්‍යාලයේ ප්‍රාථමික අංශයේ එළිමහන් පන්ති කාමරය තුළ නයි පැටව් 30 ක් සමග හැපින්නන් තිදෙනකු සහ නයි බිත්තර 55 ක් ඉවත් කිරීමට විද්‍යාලයේ විදුහල්පතිවරයා ඇතුළු පිරිසක් කටයුතු කළහ.

21 July 2025