එසැණ පුවත්

ගම්මන්පිලට ජූලි 11 ජනාධිපති කොමිසම හමුවේ පෙනී සිටින්නැයි සිතාසි

රිෂාඩ් බදියුදීන් මහතාට එරෙහිව ජනාධිපති කොමිසමට ගොනු කළ පැමිණිල්ලට අදාළව සාක්කි ලබා දීම සඳහා පිවිතුරු හෙළ උරුමයේ නායක සහ කොළඹ දිස්ත‍්‍රික් පාර්ලිමේන්තු මන්ත‍්‍රී උදය ගම්මන්පිල මහතාට ජූලි 11 වැනිදා එම කොමිසම හමුවේ පෙනී සිටින්නැයි දන්වමින් අද ( 27) සිතාසි නිකුත් කරනු ලැබ ඇත.

27 June 2019

සාෆි ගැන චෝදනා සනාථ වී නෑ

කුරුණෑගල ශික්ෂණ රෝහලේ වෛද්‍ය සාෆි ශිහබ්දීන් මහතා ත්‍රස්තවාදී සංවිධානයකට සම්බන්ධ බවක් හෝ අයතා වත්කම් ඉපැයූ බවක් හෝ මව්වරුන්ගේ පැලෝපීය නාල මිරිකූ බවක් හෝ මෙතෙක් සිදු කළ පරීක්ෂණවලින් අනාවරණය නොවූ බව අපරාධ පරීක්ෂණ දෙපාර්තමේන්තුව අද (27) කුරුණෑගල මහේස්ත්‍රාත් අධිකරණයට දැනුම් දුන්නේය.

27 June 2019

‘මරණ දඬුවමට පෙර නීතිය කාර්යක්ෂම කරන්න’

මරණ දඬුවම ගෙන ඒමට පෙර, ඕනෑම නඩුවක් වසර තුනකින් පමණ අසා නිම කළ හැකි කාර්යක්ෂම නීති පද්ධතියක් රට තුළ ඇති කළ යුතු යැයි මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

27 June 2019

‘මරණ දඬුවම ශිෂ්ඨ සම්පන්න රටකට ගැළපෙන්නේ නෑ’

මරණ දඬුවම ක්‍රියාත්මක කිරීමට ආණ්ඩුවක් ලෙස විරෝධය දක්වන බව මුදල් අමාත්‍ය මංගල සමරවීර මහතා පැවැසීය.

27 June 2019

රාජ්‍ය තොරතුරු කේන්ද්‍රයේ සේවාව ශ්‍රව්‍යාබාධිත - කථනාබාධිත ප්‍රජාවටත්

ශ්‍රව්‍යාබාධිත සහ කථනාබාධිත ප්‍රජාවටද සේවාව ලබා ගැනීමට හැකි ආකාරයෙන් රාජ්‍ය තොරතුරු කේන්ද්‍රයේ (1919) සේවාවන් පුළුල් කර ඇතැයි ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය සදහන් කරයි.

27 June 2019

මරණ දඬුවම ප්‍රශ්නවලට විසඳුම නෙමෙයි

ඝාතන ව්‍යවසනකාරී බවත් කිසිම විටෙක ප්‍රශ්නවලට විසඳුමක් නොවන බවත් ජනාධිපති මෛත්‍රීපාල සිරිසේන මහතා මරණ දඬුවම ක්‍රියාත්මක කිරීමට ගෙන ඇති තීරණය සම්බන්ධයෙන් අදහස් දක්වමින් ලෝ ප්‍රකට ව්‍යාපාරික සර් රිචඩ් බ්‍රැන්සන් මහතා ට්විටර් පණිවුඩයක් නිකුත් කර ඇත.

27 June 2019

ලක්ෂ 50 ක අයිස් මත්ද්‍රව්‍ය සමඟ ඉන්දියානුවෙක් අත්අඩංගුවට

රුපියල් ලක්ෂ 50 ක් පමණ වටිනා අයිස් නැමැති මත්ද්‍රව්‍ය තොගයක් කටුනායක ගුවන් තොටුපළෙන් පිට කිරීමට තැත් කළ ඉන්දීය ජාතිකයකු අද (27) ගුවන් තොටුපළ පැමිණීමේ පර්යන්තයේ දී අත්අඩංගුවට ගෙන ඇති බව වැඩබලන රේගු මාධ්‍ය ප්‍රකාශක, රේගු අධිකාරී ලාල් වීරකෝන් මහතා පැවසීය.

27 June 2019

මහින්දානන්දට එරෙහිව අල්ලස් කොමිසම නඩු පවරයි

සතොස ආයතනයට ගෙන්වු කැරම් බෝඩ් සහ දාම් බෝඩ් පසුගිය ජනාධිපතිවරණ සමයේදී දේශපාලන අරමුණු හේතූවෙන් කී‍්‍රඩා සංගම් වලට බෙදා දී රජයට රුපියල් කොටි 05කට අධික පාඩුවක් සිදු කළ බවට හිටපු ක‍්‍රීඩා අමාත්‍ය මහින්දානන්ද අළුත්ගමගේ මහතාට එරෙහිව අල්ලස් කොමිසම දෙවැනි ස්ථිර ත‍්‍රිපුද්ගල මහාධිකරණයේදී අද (27) නඩු පැවරුවේය.

27 June 2019

අනුර සේනානායකට එරෙහි අධිචෝදනා ඔක්තොබර් 23 සිට විභාගයට

රගර් කී‍්‍රඩක මොහොමඩ් තාජුඞීන් ඝාතනයේ තොරතුරු සැඟවීම සම්බන්ධයෙන් හිටපු නියෝජ්‍ය පොලිස්පති අනුර සේනානායක මහතාට එරෙහි අධිචෝදනා විවෘත අධිකරණයේ දී ඔහුට බාරදුන් කොළඹ මහාධිකරණ විනිසුරු විකුම් කළුආරච්චි මහතා ලබන ඔක්තොබර් 23 වැනිදා සිට නඩුව විභාග කිරීමට අද (27) නියම කළේය.

27 June 2019

මරණ දඬුවම ගැන එක්සත් රාජධානියෙන් අනතුරු ඇඟවීමක්

මරණ දඬුවම ක්‍රියාත්මක කළහොත් ත්‍රස්තවාදය මර්දනය කිරීම ඇතුළු නීතියේ බලාත්මක කිරීමේ කටයුතු සම්බන්ධයෙන් ශ්‍රී ලංකාව සමඟ සහයෝගයෙන් කටයුතු කිරීම දුෂ්කර වනු ඇතැයි ද ප්‍රතිපත්ති සහ ආරක්ෂාව ඇතුළු ඒ හා සම්බන්ධ අනෙකුත් ක්ෂේත්‍රවලට ලබා දී ඇති තාක්ෂණික සහාය සම්බන්ධයෙන් නැවත වරක් විමසා බැලීමට සිදුවනු ඇතැයි ද එක්සත් රාජධානියේ විදේශ කටයුතු කාර්යාලය නිවේදනයක් නිකුත් කරමින් කියා සිටී.

27 June 2019

දුම්රිය සේවය අත්‍යවශ්‍ය සේවාවක් කිරීමේ ගැසට්ටුව නිකුත් වෙයි

දුම්රිය සේවය අත්‍යවශ්‍ය සේවාවක් කරීමට අදාල අති විශේෂ ගැසට් පත්‍රය නිකුත් කර තිබේ.

27 June 2019

ලක්ෂ 4ක කේරළ ගංජා සමඟ දෙදෙනෙක් අත්අඩංගුවට

රුපියල් ලක්ෂ හතරක් වටිනා කේරළ ගංජා තොගයක් යතුරුපැදියකින් ප්‍රවාහනය කරමින් සිටි පුද්ගලයන් දෙදෙනෙකු නිලම්මහර ප්‍රදේශයේදී අද(27) අත්අඩංගුවට ගත් බව බොරලැස්ගමුව පොලිසිය කියයි.

27 June 2019

දාගැබක් ඩොසර් කර වගා කිරීමට එරෙහිව පැමිණිල්ලක්

මඩකලපුව එරාවුර් පත්තු චෙන්කල්අඩි ප්‍රාදේශීය ලේකම් කොට්ඨාසයේ මාවඩිවෙම්බු ප්‍රදේශයේ පිහිටා තිබූ අනුරාධපුර යුගයේ විශාලතම දාගැබ ඩොසර් කර මිරිස් ඇතුළු එළවළු වගාකර විනාශ කිරිමට අදාළ බලධාරීන්ට එරෙහිව දිඹුලාගල බුද්ධ ශ්‍රාවක සංඝ සභාව එරාවුර් පොලිසියට පැමිණිල්ලක් ඉදිරිපත් කර තිබේ.

27 June 2019

ගෝඨාට එරෙහිව ඇමෙරිකානු අධිකරණයක තවත් නඩුවක්

ආරක්ෂක අමාත්‍යංශයේ හිටපු ලේකම්වරයකු වන ගෝඨාභය රාජපක්ෂ මහතාට එරෙහිව ඇමෙරිකානු අධිකරණයක තවත් නඩුවක් ගොනු කර ඇතැයි ඒ.පී පුවත් සේවය වාර්තා කර ඇත.

27 June 2019

කොටි වළ දැමූ රන් සොයන්න ආ 14 ක් අත්අඩංගුවට

යුද සමයේදී කොටි සංවිධානය විසින් මුලතිව් පුදුකුඩිඉරිප්පු ප්‍රදේශයේ වළදැමූ රත්තරන් ගොඩ ගැනීම සඳහා සුඛෝපබෝගී කාර් රථවලින් පැමිණි සැකකරුවන් 14 දෙනෙකු අධිබලැති ස්කෑන් යන්ත්‍රයක් ඇතුලු තවත් උපකරණ රැසක් සමගින් අද (27) අත්අඩංගුවට ගත් බවට පුදුකුඩිඉරිප්පු පොලීසිය පවසයි.

27 June 2019

පස් කණ්ඩියක් කඩා වැටී දෙදෙනෙක් මරුට

ගොඩනැගිල්ලක් ඉදිකිරීම සඳහා අත්තිවාරමක් කපමින් සිටි පිරිසක් මතට අද(27) පස් කණ්ඩියක් කඩා වැටී පුද්ගලයින් දෙදෙනෙකු මියගොස් තවත් දෙදෙනෙකු තුවාල ලබා රෝහල් ගත් කර ඇතැයි පොලිස් මාධ්‍ය ප්‍රකාශක කාර්යාලය කියයි.

27 June 2019

බසය ‍පෙරැළී 28ක් රෝහලේ

පැලම්පිටියේ සිට යටියන්තොට බලා ධාවනය කළ අවිස්සාවේල්ල ලංගම ඩිපෝවට අයත් බස් රථයක් ජයවින්දාගම, අටේ කණුව ප්‍රදේශයේ දී අද ( 27) අනතුරට ලක්වීමෙන් පුද්ගලයින් 28 දෙනකු රෝහල්ගත කර ඇතැයි පොලීසිය කියයි.

27 June 2019

එල්ලුම් ගහ ක්‍රියාත්මක කිරීමේ තීරණය සමඟ වැලිකඩ සිරකරුවෝ තැතිගනිති

ජනාධිපතිවරයා විසින් මරණ දඬුවම ක්‍රියාත්මක කිරීමේ තීරණය ප්‍රකාශයට පත් කළ පුවත අද (26) පැතිර යාමත් සමඟ වැලිකඩ බන්ධනාගාරයේ චැපල් අංශයේ සී 3 වැට්ටුවේ රඳවා සිටි මරණ දඬුවම නියම වූ සිරකරුවන් දැඩි තැති ගැන්මකට ලක්වී සිටි බව එම බන්ධනාගාර අංරංචි මාර්ග අනාවරණය කළේය.

26 June 2019

‘බුදුපුත් සුරක්ෂා රක්ෂණාවරණ‘ ප‍්‍රදානය අගමැතිගේ ප‍්‍රධානත්වයෙන්

භික්ෂූන් වහන්සේ රක්ෂණය කිරීමේ ‘බුදුපුත් සුරක්ෂා සෞඛ්‍ය රක්ෂණාවරණ‘ හිමිකම්පත් ප‍්‍රදානය කිරීමේ ජාතික වැඩසටහන අග‍්‍රාමාත්‍ය රනිල් වික‍්‍රමසිංහ මහතාගේ ප‍්‍රධානත්වයෙන් කොළඹ අරලියගහ මන්දිරයේදී අද (26) සිදුකෙරිණ.

26 June 2019

විදේශ මුදල් තොගයක් සමඟ පුද්ගලයෙකු කටුනායකදී අත්අඩංගුවට

රුපියල් එක් කෝටි හතලිස් නව ලක්ෂ දහසය දහස් අටසිය දොළහක් 1,49,16,812 ක් වටිනා විදේශ මුදල් තොගයක් නීතිවිරෝධී ලෙස ඩුබායි වෙත රැගෙන යෑමට තැත් කළ ශ්‍රී ලාංකික ගුවන් මගියෙකු අද (25) රාත්‍රී කටුනායක ගුවන් තොටුපළ පිටත්වීමේ පර්යන්තයේ දී රේගු නිලධාරීන් විසින් අත් අඩංගුවට ගෙන ඇති බව වැඩබලන රේගු මාධ්‍ය ප්‍රකාශක රේගු අධිකාරී ලාල් වීරකෝන් මහතා පැවසීය.

26 June 2019

ජීව උණ්ඩ ළඟ තබාගත් මුසම්මිල්ගේ ඥාතියාට ඇප

ජීව උණ්ඩ 1,000 කට ආසන්න ප‍්‍රමාණයක් සන්තකයේ තබාගෙන සිටි බව කියන කොල්ලුපිටිය පොලීසියේ පොලිස් කොස්තාපල්වරයකු සහ බස්නාහිර පළාත් ආණ්ඩුකාර ඒ ජේ එම් මුසම්මිල් මහතාගේ ඥාතියකු බව කියන පුද්ගලයකු එක් අයකුට රුපියල් ලක්ෂය බැගින් වූ ශරීර ඇප දෙකක් මත මුදා හැරීමට කොළඹ අතිරේක මහේස්ත‍්‍රාත් තනූජා ජයතුංග මහත්මිය අද (26) නියෝග කළාය.

26 June 2019

ඉන්දීය ධීවරයන් 4 ක් අත්අඩංගුවට

යාපනය ඩෙල්ෆ් දුපත ආසන්නයේ නීති විරෝධී ලෙස ධීවර කටයුතු වල නිරත වූ ඉන්දීය ධීවරයන් සිව් දෙනෙකු අද (26) පස්වරුවේ අත්අඩංගුවට ගත් බව නාවික හමුදාව කියයි.

26 June 2019

රටට නව ව්‍යවස්ථාවක් අවශ්‍යයි

19 වැනි ව්‍යවස්ථා සංශෝධනයෙන් රටෙහි අරාජිකත්වයක් හටගෙන ඇතැයි ද එයට එකම විසඳුම රටට ගැලපෙන නව ආණ්ඩුක්‍රම ව්‍යවස්ථාවක් සම්පාදනය කිරීම පමණකැයි ද මානව හිමිකම් සහ සංවර්ධනය පිළිබඳ නීතීවේදී සංවිධානයේ විධායක අධ්‍යක්ෂ ජ්‍යෙෂ්ඨ නීතිඥ කල්‍යානන්ද තිරාණගම මහතා ‘ලංකාදීප’ යට පැවසීය.

26 June 2019

වසර 9 ක වැටලීම්වලින් හෙරොයින් කිලෝ 2980 ක් අත්අඩංගුවට

2010 වසරේ සිට මේ දක්වා වසර 9 ක කාලය තුළ දිවයින පුරා කළ වැටලීම්වලින් හොරොයින් කිලෝ 2980 ට අධික ප‍්‍රමාණයක් අත්අඩංගුවට ගෙන ඇති බව පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර මහතා පැවසීය.

26 June 2019

රත්නපුරින් ඇල්ලූ තරුණයන් තිදෙනා මුදාහරියි

වෙසක් පොහොය දිනයට පසුදින රත්නපුර නගරය ඡායාරූප ගතකළේ යැයි කියමින් ත්‍රස්තවාදය වැලැක්විමේ පනත යටතේ අත්අඩංගුවට ගෙන රිමාන්ඩ් කර සිටි තරුණයන් තිදෙනා නඩුවෙන් මුදා හැරීමට රත්නපුර ප්‍රධාන මහේස්ත්‍රාත් ජනිතා රෝෂිනී පෙරේරා මහත්මිය අද නියෝග කළාය.

26 June 2019

දකුණු අප්‍රිකානු ජනාධිපති ශ්‍රී ලංකාවේ සංචාරයක

දකුණු අප‍්‍රිකා ජනාධිපති සිරිල් රැම්ෆෝසා මහතා අද (26) දින කෙටි සංචාරයකට ශ්‍රී ලංකාවට පැමිණීමට නියමිතව ඇත.

26 June 2019

ගෝඨාට එරෙහි අධිචෝදනා සංශෝධනයට එකඟතාවක්

හිටපු ආරක්ෂක ලේකම් ගෝඨාභය රාජපක්ෂ මහතාට එරෙහිව ත‍්‍රිපුද්ගල ස්ථිර මහාධිකරණය හමුවේ ගොනු කර ඇති අධිචෝදනා පත‍්‍රය සංශෝධනය කිරීමට නීතිපතිවරයා අද (26) ශ්‍රේෂ්ඨාධිකරණය හමුවේ එකඟතාවය පළ කළේය.

26 June 2019

නීතිවිරෝධී සන්නිවේදන මධ්‍යස්ථාන දෙකක් වටලා 3 ක් අත්අඩංගුවට

අති නවීන ජංගම දුරකතන හා සන්නිවේදන උපකරණ යොදාගෙන මුල්ලේරියාවේ හා කොරතොට ප‍්‍රදේශවල නීතිවිරෝධී ලෙස පවත්වාගෙන ගිය සන්නිවේදන මධ්‍යස්ථාන දෙකක් වටලා පිලිපීන ජාතික කාන්තාවක් සහ ලාංකිකයින් දෙදෙනෙකු අද (25) පෙරවරුවේ අත්අඩංගුවට ගත් බව විශේෂ කාර්ය බලකාය කියයි.

26 June 2019