එසැණ පුවත්

පොළඟෙකු ලවා කවා බිරිඳ මරන්න හදලා

නයි පනික්කියෙකු ලවා පොළඟකු දෂ්ට කිරීමට සලස්වා සිය බිරිඳ මරා දැමීමට සැලසුම්කර දෙවරක් බිරිඳගේ ඇඟට පොළගා දැමීමට සැලැස්වූ සැමියෙකු අත්අඩංගුවට ගැනීමට ගම්පහ පොලිසිය පරීක්ෂණ අරඹා ඇත.

30 June 2019

අළුගෝසු තනතුරට දෙදෙනෙක්

පුරප්පාඩුවේ තිබූ අළුගෝසු තනතුරු දෙක සඳහා දෙදෙනෙකු මේ වනවිට කැඳවාගෙන ඇතැයි බන්ධනාගාර මූලස්ථාන ආරංචි මාර්ග පවසයි.

30 June 2019

උතුරු නැගෙනහිරට ඒකාබද්ධ ස්වයං පාලනයක් ඉල්ලයි

උතුරු නැගෙනහිර පළාත් ඒකාබද්ධ කරමින් ස්වයං පාලන ව්‍යූහයකින් යුත් දේශපාලන විසදුමක් ගෙන ලබාදීම ඇතුළු ඉල්ලීම් 11කට බලකරන යෝජනාවක් රජයට ඉදිරිපත් කිරීමට ඉලංගයි තමිල් අරසු කච්චි පක්ෂයේ ජාතික සම්මේලනයේදී අද(30)තීරණය විය.

30 June 2019

ගුරුවරු වෘත්තිය සමිති වර්ජනයකට සැරසෙති

ගුරු විදුහල්පති වැටුප් විෂමතා ඉවත් කිරීම ඇතුළු ඉල්ලීම් හතරකට බලකරමින් සියලුම ගුරු වෘත්තිය සමිති ජූලි 18 සහ 19 දෙදින ලෙඩ නිවාඩු දමමින් වෘත්තීය ක්‍රියාමාර්ගයකට අවතීර්ණ වන බව රජයේ ගුරුවරුන්ගේ සංගමයේ ලේකම් ෂෙහාන් දිසානායක මහතා පැවසීය.

30 June 2019

‘කන්නෙලිය රක්ෂිතයේ හබන් කුකුළු ජාවාරමක්‘

කන්නෙලිය රක්ෂිත වනාන්තරයේ මහා පරිමාණ හබන් කුකුළන් ජාවාරමක් සිදුකෙරෙන බව කන්නෙලිය සුරැකීමේ ජාතික ව්‍යාපාරය පවසයි.

30 June 2019

දෙවිනුවර ශ්‍රීලනිප අපේක්ෂකයෝ දේශපාලනයෙන් තාවකාලිකව ඉවත්වෙති

ජනාධිපති මෛත්‍රීපාල සිරිසේන මහතා ලබාදුන් ග්‍රාමීය නියෝජිත තනතුරෙන් කිසිවක් කළ නොහැකි නිසා ශ්‍රී ලංකා නිදහස් පක්ෂයේ ක්‍රියාකාරී දේශපාලන කටයුතුවලින් තාවකාලිකව ඉවත්වීමට තීරණය කළ බව එම පක්ෂයේ දෙවිනුවර ආසනයේ පළාත් පාලන අපේක්ෂක අපේක්ෂිකාවෝ අද(30)දික්වැල්ලේ දී පැවසූහ.

30 June 2019

ඇල්පිටිය ප්‍රා.සබේ ඡන්ද විමසීමේ නඩු තීන්දුව දෙන්නැයි අගවිනිසුරුට පෙත්සමක්

දිනෙන් දින ප්‍රමාද වන ඇල්පිටිය ප්‍රාදේශිය සභාවේ ඡන්ද විමසීමේ නඩු තීන්දුව කඩිනමින් ප්‍රකාශයට පත් කරන ලෙස ඉල්ලා අගවිනිසුරු වෙත යොමු කිරීම සඳහා ජනතා පෙත්සමක් අත්සන් කිරීම අද (30) ඇල්පිටිය නගරයේ දී සිදුකෙරිණි.

30 June 2019

සවුදියේදී මියගියොත් පවුලේ අයට වන්දි

සවුදි අරාබියේ සේවය කරන ශ්‍රී ලාංකිකයකු මරණයට පත්වුවහොත්, ඔවුන්ගේ පවුලේ යැපෙන්නන්ට කඩිනමින් වන්දි ලබා ගැනීමට එරට නීති ආයතනයක් සමඟ නව ගිවිසුමකට අත්සන් තැබූ බව විදේශ කටයුතු අමාත්‍යාංශය පවසයි.

30 June 2019

කියුබාවේ ආපදාවලට ලක්වූවන්ට ආධාර දෙන්න මාරපනගෙන් යෝජනාවක්

සුළි සුළං ආපදා තත්ත්වයෙන් හානිවූ කියුබාවට ඇමෙරිකා ඩොලර් 50,000 ආධාරයක් ලබාදීමට විදේශ කටයුතු අමාත්‍ය තිලක් මාරපන මහතා කළ යෝජනාවට අමාත්‍ය මණ්ඩල අනුමැතිය හිමිව ඇතැයි එම අමාත්‍යාංශ ආරංචි මාර්ග පවසයි.

30 June 2019

ලංවිමයට ඉන්ධන දීම හෙට සිට නවතන්න යයි

ලංකා ඛනිජතෙල් සංස්ථාව මගින් ලංකා විදුලිබල මණ්ඩලයට සහ විදුලිබල අමාත්‍යංශය යටතේ පවතින පෞද්ගලික විදුලි බලාගාරවලට ලබා දෙන ඩීසල් හා භූමිතෙල් හෙට ( 01) සිට නතර කිරීමට පියවර ගන්නා බව ලංකා ඛනිජතෙල් නීතීගත සංස්ථා ජාතික සේවක සංගමයේ සභාපති සමිත අසිතංජ මහතා පැවසීය.

30 June 2019

මුහුදු යන ධීවර යාත්‍රා රක්ෂණය කිරීම අනිවාර්යයි

ධීවර රැකියාව සඳහා මුහුදු යන ධීවර යාත‍්‍රා සියල්ල නිසි ලෙස රක්ෂණ ආවරණය කර තිබීම අනිවාර්ය කරන බව ධීවර හා ජලජ සම්පත් සංවර්ධන රාජ්‍ය අමාත්‍ය දිලිප් වෙදආරච්චි මහතා පැවසීය.

30 June 2019

‘මරණ දඬුවම, එජාපයේ ප්‍රතිපත්තිවලට මුළුමනින්ම විරුද්ධයි’

මරණ දඬුවම ක්‍රියාත්මක කිරීමේ තීරණය එක්සත් ජාතික පක්ෂයේ ප්‍රතිපත්තිවලට සම්පූර්ණයෙන් විරුද්ධ බව අග්‍රාමාත්‍ය රනිල් වික්‍රමසිංහ මහතා මොනරාගලදී අද(30) පැවැසීය.

30 June 2019

‘නීතිමය තත්වය තුළ සැප්තැම්බරයේ පළාත් සභා මැතිවරණය බෑ‘

දැනට පවතින නීතිමය තත්වය යටතේ මේ වසරේ සැප්තැම්බර් මාසයේදී පළාත් සභා මැතිවරණය පැවැත්වීමට කිසිදු ඉඩක් නැතැයි අග‍්‍රාමාත්‍ය රනිල් වික‍්‍රමසිංහ මහතා ප‍්‍රකාශ කරයි.

30 June 2019

ලෝකාන්තය බලන්න ආ 10 දෙනෙකුට බඹරු අනිති

පස්සර පිටමාරුව ප්‍රදේශයේ පිහිටි පුංචි ලෝකාන්තය නැරඹීමට ගිය 10 දෙනෙකුගෙන් යුත් තරුණයින් පිරිසකට අද (30) දහවල් බඹර ඇන ඇති අතර බරපතල තත්වයේ පසුවූ ඉන් 5 දෙනෙකු මැටිගහතැන්න දිසා රෝහලට ඇතුළත් කර ඇතැයි මඩොල්සිම පොලිසිය පවසයි.

30 June 2019

නාරම්මල ප්‍රා. සබේ උප සභාපති අත්අඩංගුවට

නාරම්මල පොලිසියේ කොස්තාපල්වරයකුට පහරදුන් බව කියන නාරම්මල ප්‍රාදේශීය සභාවේ උප සභාපති මංජුල පොල්ගම්පළ මහතා (ශ්‍රී ලංකා පොදු ජන පෙරමුණ) අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

30 June 2019

පාස්කු ප්‍රහාරයට සම්බන්ධ සැකකරුවෙක් ත්‍රස්ත විමර්ශන ඒකකයට බාරදෙයි

පාස්කු ඉරිදා ප්‍රහාරය සම්බන්ධයෙන් ගාල්ල පොලිසිය විසින් අත්අඩංගුවට ගෙන දින 90ක් රැඳවුම් නියෝග ලබාගෙන සිටි සැකකරු සම්බන්ධ විමර්ශන කටයුතු අවසන් වීමෙන් පසු වැඩිදුර විමර්ශන සඳහා ඔහු ත්‍රස්ත විමර්ශන ඒකකයට බාරදී තිබේ.

30 June 2019

මුහුදු රළට හසුවීමෙන් පසු ප්‍රතිකාර ලබමින් සිටි දෙදරු මවත් මිය යයි

කිරින්ද මුහුදු වෙරළ තිරයේදි ඉකුත් 22 දින සැඩ රළ පහරට හසු වී අසාධ්‍ය තත්ත්වයෙන් කොළඹ පෞද්ගලික රෝහලක දැඩි සත්කාර ඒකකයේ ප්‍රතිකාර ලබමින් සිටි හැටන් සාත්තු නිවාස පාරේ පදිංචිව සිටි හසිනි විජේසුරිය මහත්මිය ජීවිතක්ෂයට පත් වූ බව හසිනි විජේසුරිය මහත්මියගේ ඥාතීහු පවසති.

30 June 2019

ඉලංගෙයි තමිල් අරුසුකච්චි පක්ෂයේ නායකත්වය යළිත් මාවෙයි සේනාධීරාජාට

දෙමළ ජාතක සන්ධානයේ ප්‍රධානම මෙන්ම විශාලතම පක්ෂය වන ඉලංගෙයි තමිල් අරුසුකච්චි පක්ෂයේ 16 වැනි මහ සභාවේදී පක්ෂ නායකයා වශයෙන් යළිත් වරක් පාර්ලිමේන්තු මන්ත්‍රී මාවෙයි සේනාධිරාජා මහතාම පත්විය.

30 June 2019

මන්ත්‍රී පුතා පහරදී කොස්තාපල් රෝහලේ

පාර්ලිමේන්තු මන්ත්‍රීවරයෙකුගේ පුතෙකු පහරදී මන්ත්‍රීවරයාගේ ආරක්ෂාවට අනුයුක්ත කර සිටි පොලිස් කොස්තාපල්වරයෙකු තුවාල ලබා හලාවත දිස්ත්‍රික් මහ රෝහලට ඇතුළත් කර ඇති බව හලාවත පොලිසිය කියයි.

30 June 2019

රිය අනතුරින් 3 ක් මරුට: 5ක් රෝහලේ

තලාව, මොරගොඩ, සුනාමි හන්දිය අසලදී ලොරියක් හා වෑන් රථයක් එකිනෙක ගැටීමෙන් වෑන් රථයේ ගමන්ගත් එකම පවුලේ කාන්තාවන් තිදෙනෙකු මිය ගොස් පිරිමි පුද්ගලයන් පස් දෙනෙකු තුවාල ලබා ඇතැයි තලාව පොලිසිය කියයි.

30 June 2019

වෙල්ගම බදුල්ලෙන් ඉවතට

ශ්‍රී ලංකා පොදු ජන පෙරමුණේ බදුල්ල දිස්ත්‍රික් සංවිධායක ධුරයෙන් පාර්ලිමේන්තු මන්ත්‍රී කුමාර වෙල්ගම මහතා වෙනුවට එකී සංවිධායක ධුරය සඳහා බදුල්ල දිස්ත්‍රික් පාර්ලිමේන්තු මන්ත්‍රි තේනුක විදානගමගේ මහතා අද (29) පත්කරගෙන තිබේ.

29 June 2019

ටිපර් - ත්‍රිරෝද රථ අනතුරින් අයෙක් මරුට

දඹුල්ල කුරුණැගල ප්‍රධාන මාර්ගයේ ගලේවෙල තල්කිරියාගම ප්‍රදේශයේදී අද (29) මාර්ගයේ ධාවනය වෙමින් තිබූ ටිපර් රථයක් හා ත්‍රිරෝද රථයක් මුහුණට මුහුණලා ගැටීමෙන් සිදුවූ රිය අනතුරකින් ත්‍රිරෝද රථයේ එක් අයෙකු මියගොස් තවත් අයෙකු තුවාල ලබා ඇතැයි ගලේවෙල පොලිසිය පවසයි.

29 June 2019

වැසිකිළියක් වීඩියෝගත කළ අයෙක් අත්අඩංගුවට

තම ජංගම දුරකතනය මගින් ගාල්ලේ පිහිටි සුපිරි රෙදිපිළි වෙළඳසැලක කාර්යය මණ්ඩලය භාවිතා කරනු ලබන වැසිකිළිය වීඩියෝ ගත කළ බව කියන ගුවන් හමුදා නිලධාරියෙකු අද (29) සවස සැකපිට අත්අඩංගුවට ගත් බව ගාල්ල පොලිසිය කියයි.

29 June 2019

කල්පිටියෙන් බීඩී කොළ තොගයක් හමුවේ

ඉන්දියාවේ සිට නීතිවිරෝධී අන්දමින් මෙරටට ප්‍රවාහනය කර කල්පිටිය ආණවාසල තුඩුව වෙරළ තීරයේ කැලෑවේ සඟවා තිබූ බීඩි කොළ කිලෝ 1150 ක් කල්පිටිය පොලිසිය අද (29) අත්අඩංගුවට ගෙන ඇත.

29 June 2019

අනුන්ගේ කාඩ් එකට බඩුගත් අය අත්අඩංගුවට

වෙනත් පුද්ගලයෙකු සතු බැංකු පෙර ගෙවුම් පතක් සොරකම් කර රුපියල් 125084ක මුදලක් වැය කර වෙළඳසල්වලින් භාණ්ඩ ලබාගත් හිඟුරක්ගොඩ ගුවන් හමුදා කඳවුරේ සේවය කරන ගුවන් භටයෙකු සැකපිට අත්අඩංගුවට ගත් බව හිගුරක්ගොඩ පොලිසිය කියයි.

29 June 2019

නීතිවිරෝධීව ස්වර්ණාභරණ ගෙන ආ සිංගප්පූරු යුවළක් අත්අඩංගුවට

රුපියල් දෙකෝටි හැට ලක්ෂයක් (2,60,00,000)ක් වටිනා ස්වර්ණාභරණ තොගයක් නීතිවිරෝධී ලෙස ශ්‍රී ලංකාවට ගෙන ආ සිංගප්පූරු ජාතික යුවළක් ඊයේ (28) දින රාත්‍රී කටුනායක බණ්ඩාරනායක ජාත්‍යන්තර ගුවන් තොටුපළේ පැමිණීමේ පර්යන්තයේදී රේගු නිලධාරීන් පිරිසක් විසින් අත්අඩංගුවට ගෙන ඇති බව වැඩබලන රේගු මාධ්‍ය ප්‍රකාශක, රේගු අධිකාරී ලාල් වීරකෝන් මහතා පැවසීය.

29 June 2019

ශ්‍රී ලංකා කණ්ඩායමට දැවැන්ත පරාජයක්

ශ්‍රී ලංකාව සහ දකුණු අප්‍රිකාව අතර එංගලන්තයේ චෙස්ටර් ලී ස්ට්‍රීට් නුවරදී අද (28 වැනිදා) පැවැති ලෝක කුසලාන තරගයේදී ශ්‍රී ලංකා කණ්ඩායම කඩුලු 9 ක දැවැන්ත පරාජයකට මුහුණ දුන්නේය.

28 June 2019

සමෘද්ධි ව්‍යාපාරය කියන්නෙ අසාර්ථක ව්‍යාපාරයක්

තර්කානුකූලව ගත් විට සමෘද්ධි ව්‍යාපාරය කියන්නෙ අසාර්ථක ව්‍යපාරයක් බවත් තමන්ට බලය තියෙනවානම් සමෘද්ධි ව්‍යාපාරය අහෝසි කරන බවත් සබරගමු පළාත් ආණ්ඩුකාර ධම්ම දිසානායක මහතා අද (28) බලංගොඩදී පැවැසීය.

28 June 2019