එසැණ පුවත්

කන්නියා දාගැබේ වැඩ දිසාපති අණින් නවතී

ත්‍රිකුණාමලය, කන්නියා උණුවතුර ළිං පිහිටි පුරාවිද්‍යා භූමියේ ඇති පෞරාණික දාගැබ් සංරක්ෂණ කටයුතු දෙමළ ජාතික සන්ධානයේ පාර්ලිමේන්තු මන්ත්‍රීවරුන් දෙදෙනකු ඇතුළු පිරිසක් කඩාවැදීමෙන් ඇතිවූ නොසන්සුන්කාරී සිද්ධියෙන් පසුව පුරාවිද්‍යා නිලධාරීන් විසින් තාවකාලිකව නතර කරනු ලැබ ඇත.

19 July 2019

හිස්බුල්ලා සරසවියට සෞදි තහනම් සංවිධානයකින් කෝටි 1757 ක්

මඩකළපුව පුනානි ප්‍රදේශයේ ඉදිකරගෙන යන නැගෙනහිර හිටපු ආණ්ඩුකාර එම්.එල්.ඒ.එම්. හිස්බුල්ලා මහතාට අයත් යැයි කියන “බැටික්ලෝ කැම්පස් පුද්ගලික සමාගම” නමැති විශ්වවිද්‍යාලය සඳහා සෞදි අරාබියේ තහනම් සංවිධානයකින් රුපියල් කෝටි 1,757කට (ඇමරිකානු ඩොලර් මිලියන 100කට) අධික මුදලක් මෙරට රාජ්‍ය බැංකුවකට එවා ඇතැයි කියන සිද්ධියට අදාළව පරීක්ෂණයක් ආරම්භ කළ බව මූල්‍ය අපරාධ විමර්ශන කොට්ඨාසය කොළඹ ප්‍රධාන මහේස්ත්‍රාත් ලංකා ජයරත්න මෙනෙවියට (18) ඊයේ දැනුම් දුන්නේය.

19 July 2019

මහනුවර කොට්ඨාස 5කට නාය යාමේ අනතුරු ඇඟවීම්

මධ්‍යම කඳුකරයට ඊයේ 18 උදෑසන සිටම ඇදහැළෙන ධාරාණිපාත වර්ෂාව හේතුවෙන් මහනුවර දිස්ත්‍රික්කයේද ප්‍රාදේශීය ලේකම් කොට්ඨාස පහකට ජාතික ගොඩනැගිලි පර්යේෂණ ආයතනය මගින් නායයාමේ අනතුරු ඇඟවීම් නිකුත් කර තිබේ.

19 July 2019

ගිනිගත්හේන වෙළඳසැල් 10ක් නායයයි - අයෙක් අතුරුදන්

මධ්‍යම කඳුකරයේ බටහිර බෑවුම් ප්‍රදේශවලට තවදුරටත් ඇදහැළෙන අධික වර්ෂාවත් සමග ගිනිගත්හේන නගරයේ වෙළඳසැල් 10 ක් මහවැලි ගඟ දෙසට නාය ගොස් එක් වෙළඳසැල් සේවකයෙකු අතුරුදන් වී ඇති බව ගිනිගත්හේන පොලිසිය පවසයි.

19 July 2019

නාවික හමුදාව මත්ද්‍රව්‍ය සමඟ ඇල්ලූ යාත්‍රා ත්‍රස්ථ සංවිධානයකටත් හවුල්

ශ්‍රී ලංකා නාවික හමුදාව ඉකුත් 10 සහ 11 යන දිනවලදී මත්ද්‍රව්‍ය සමඟ අත්අඩංගුවට ගත් ධීවර යාත්‍රා හා කලාපයේ ත්‍රස්ත සංවිධානයක් අතර සබඳතා පවතින බවට තොරතුරු ලැබී ඇතැයි රාජ්‍ය තාන්ත්‍රික ආරංචි මාර්ග සඳහන් කරයි.

18 July 2019

අලුත්ගම දුම්රිය ස්ථානයේ නවතා තිබූ දුම්රියක් මතට ගසක් කඩා වැටෙයි

අලුත්ගම නගරය හරහා අද (18) රාත්‍රියේ හමාගිය දැඩි සුළඟින් අළුත්ගම දුම්රිය ස්ථානයේ කොළඹ දෙසට ධාවනය වීම සඳහා නවතා තිබූ දුම්රියක් මතට ගසක් කඩා වැටීමෙන් අළුත්ගම දුම්රිය ස්ථානය පසුකර ගාල්ල දෙසට ධාවනය වූ මුහුදුබඩ දුම්රිය මාර්ගයේ දුම්රිය කිහිපයක් ප්‍රමාදවී ධාවනය කිරීමට සිදු වූ බව අළුත්ගම දුම්රිය ස්ථානයේ ප්‍රකාශකයෙක් පැවසීය.

18 July 2019

ලංකාවේ තේ දළුවලින් හදන තේ කෝප්පයක් ලන්ඩනයේ ඩොලර් 200ක්

ශ්‍රී ලංකාවේ කඳුකරයෙන් නෙළාගත් තේ දළුවලින් හදන තේ කෝප්පයක් ඩොලර් 200ක මිලකට (ආසන්න වශයෙන් රුපියල් 36,000කට) අලෙවි කරන ලන්ඩන් අවන්හලකට බ්‍රිතාන්‍ය මාධ්‍ය මගින් විශාල ප්‍රසිද්ධියක් ලබාදී ඇත.

18 July 2019

පාන් යළිත් පෙර මිලටම

රුපියල් 5 කින් ඉහළ දැමූ පාන් රාත්තලක් අද (18) මධ්‍යම රාත‍්‍රීයේ සිට ක‍්‍රියාත්මක වන පරිදි නැවතත් පැරණි මිල ගණන් යටතේම අලෙවි කිරීමට තීරණය කළ බව බේකරි හිමියන්ගේ සංගමය පවසයි.

18 July 2019

හෙරොයින් ජාවාරම්කරුවෙකුට මරණ දඬුවම

කොළඹ මහවත්ත ප‍්‍රදේශයේ හෙරොයින් බේදා හරිනු ලැබූ වයස අවුරුදු 25 ක කුඩු ජාවාරම්කරුවෙක්ට කොළඹ මහාධිකරණ විනිසුරු ශෂී මහෙන්ද්‍රන් මහතා අද (18) මරණ දඬුවම නියම කළේය.

18 July 2019

අනිද්දා අලුයම වනතුරු ධීවර කටයුතුවල යෙදීමෙන් වළකින්න

පවතින තද වැසි සහ සුළං සහිත කාලගුණ තත්ත්වය සමඟ මුහුදු ප‍්‍රදේශ විටින් විට ඉතා රළු විය හැකි බැවින් අනිද්දා (20) අලුයම 5.30 වනතුරු අවදානම් ප‍්‍රදේශයන්හි ධීවර කටයුතුවල යෙදීමෙන් වළකින ලෙස ආපදා කළමනාකරණ මධ්‍යස්ථානය දැනුම්දීමක් කර තිබේ.

18 July 2019

දළදා පෙරහර නැරඹීමට පැමිණෙන සියලු බැතිමතුන් විශේෂ පරීක්ෂාවකට

වාර්ෂික ඇසළ මංගල්‍යය පැවැත්වෙන දිනයන් හි දී පවතින ආරක්ෂක තත්ත්වය මත කිසිඳු අයෙක් මහමළුව තුළ රඳවා නොගන්නා බවත් පෙරහර නැරඹීම සඳහා මෙවර දළදා මාලිගාව ඉදිරිපිට මහ මළුව වෙන් නොකරන බවත් දියවඩන නිලමේ ප්‍රදීප් නිලංග දෑල මහතා පැවසීය.

18 July 2019

නියෝජ්‍ය පොලිස්පති පුරප්පාඩු 09ක් පුරවයි

ජ්‍යෙෂ්ඨ පොලිස් අධිකාරීවරුන් නව දෙනකු නියෝජ්‍ය පොලිස්පතිවරුන් ලෙස උසස් කිරීමට ජාතික පොලිස් කොමිෂන් සභාව අද (18) තීරණය කළේය.

18 July 2019

විමලසුරේන්ද්‍ර ජලාශයත් වාන් දමයි

නෝටන්බ්‍රිජ් විමලසුරේන්ද්‍ර ජලාශය අද (18) පස්වරුවේ සිට වාන් දැමීමට පටන්ගෙන ඇත.

18 July 2019

පෞද්ගලික ඉදිකිරිම් ආයතන තුනක අධ්‍යක්ෂකවරියකගේ බැංකු ගිණුම් වල වාර්තාවක් දෙන්නැයි නියෝග

පෞද්ගලික ඉදිකිරිම් ආයතන තුනක අධ්‍යක්ෂකවරියක වූ කිදෙර් මොහොමඞ් සහබ්දීන්ගේ අයීෂා යන අයගේ පෞද්ගලික බැංකු ගිණුම්කට බැරවූ රුපියල් පන්කෝටි පනස් ලක්ෂයකට අධික මුදලකට අදාළව මෙරට රාජ්‍ය සහ පෞද්ගලික බැංකු හා මූල්‍යායතන හතක ගිණුම් සම්බන්ධයෙන් සවිස්තර වාර්තා මූල්‍ය අපරාධ විමර්ශන කොට්ඨාසය වෙත ලබා දෙන ලෙස කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය එම බැංකු සහ මූල්‍යායතන මූලස්ථාන කළමණාකරුවන් වෙත අද (18) නියෝග කළාය.

18 July 2019

රංගජීව - එමිල් රංජන් ඇප මත මුදා හැරේ

වැලිකඩ බන්ධනාගාරයේ රඳවා සිටි රැඳවියන් 27 දෙනෙක් සමූහ ඝාතන කළ බවට අධි චෝදනා පත‍්‍ර පොලිස් මත්ද්‍රව්‍ය නාශක කාර්යංශයේ පොලිස් පරීක්‍ෂකවරයකුට හා එවකට මැගසින් බන්ධනාගාරයේ බන්ධනාගාර අධිකාරීවරයාට බාරදුන් විශේෂ ත‍්‍රිපුද්ගල මහාධිකරණ විනිසුරු මඩුල්ල රුපියල් ලක්‍ෂ 50 බැගින් වටිනා ඇප බැදුම්කර මත ඔවුන් මුදා හැරීමට අද (18) නියම කළේය.

18 July 2019

සාමාජිකයන් 15ක් සහිත නැවක් සුළං පහරින් රූමස්සල ගල් පරයක සිරවේ

අද සවස හමාගිය දැඩි සුළඟින් ගාල්ල පිටත වාරයේ නැංගුරම්ලා තිබූ ‘ශ්‍රී ලංකා ග්ලෝරි’ නම් නැවක් නැංගුරම කඩාගෙන, ගසාගෙන ගොස් රූමස්සල සාම චෛත්‍ය අසළ ගල් පරයක වැදි සිර වී තිබේ.

18 July 2019

කළු - කැලණි ගංඟාවල ජල මට්ටම ඉහළට

පවතින දැඩි වර්ෂාපතනය සමඟ කළු සහ කැලණි ගංගාවල ජල මට්ටම ඉහළ යමින් පවතින බව වාරිමාර්ග දෙපාර්තමේන්තුව පවසයි.

18 July 2019

මීරිගම ප්‍රා.සබේ වාර්තාව සම්මත කිරීමට එකම දිනයේ ඡන්ද විමසීම් 6 ක්

මීරිගම ප‍්‍රාදේශීය සභාව පිහිටුවා ගත වූ වසර 31 ක ඉතිහාසය තුළ ප‍්‍රථම වරට සභා වාර්තා සම්මත කිරීමට හා විවිධ අයිතමයන් සඳහා මුදල් ගෙවීම පිළිබඳව ඡන්ද විමසීම් හයක් එකම දිනයේ පැවැත්වීම සුවිශේෂි අවස්ථාවක් ලෙස සභා ඉතිහාසයට එක්විය.

18 July 2019

හේමසිරිට - පූජිතට ඇප දීමට එරෙහිව නීතිපතිගෙන් ප‍්‍රතිශෝධන ඇයදුම්පතක්

පාස්කු ප‍්‍රහාරය වළක්වා ගැනීමට හෝ එම ප‍්‍රහාරයේ බලපෑම අඩුකර ගැනීමට ක‍්‍රියා නොකිරීම සම්බන්ධයෙන් සැකපිට අත්අඩංගුවට ගෙන රිමාන්ඞ් බාරයට පත් කරනු ලැබ සිටි හේමසිරි ප‍්‍රනාන්දු සහ පූජිත් ජයසුන්දර යන මහත්වරුන්ට ඇප නියම කරමින් කොළඹ ප‍්‍රධාන මහෙස්ත‍්‍රාත් ලංකා ජයරත්න මෙනවිය ලබාදුන් නියෝගයට එරෙහිව නීතීපතිවරයා අද (18) කොළඹ මහාධිකරණයට ප‍්‍රතිශෝධන ඇයදුම්පතක් ඉදිරිපත් කළේය.

18 July 2019

චිත්‍රපට සංස්ථාවට එරෙහිව අතුරු නියෝගයක්

හතර වැනි මණ්ඩලයේ චිත‍්‍රපට බෙදාහැරීමේ කටයුතු ජාතික චිත‍්‍රපට සංස්ථාවට පවරාගැනීම වළක්වලමින් පළාත් බද සිවිල් අභියාචනාධිකරණය අද (18) අතුරු නියෝගයක් නිකුත් කළේය.

18 July 2019

මන්නාරමේ අක්කර 40ක ඉඩම ගැන සාක්කිකරුවන්ගේ වාර්තා කැඳවයි

කර්මාන්ත හා වාණීජ්‍ය කටයුතු අමාත්‍ය රිෂාඞ් බදුර්දීන් මහතාගේ සොහොයුරා වූ උතුරු මැද පළාත් පළාත් සභා මන්තී‍්‍ර රිෆ්ඛාන් බදියුදීන් මහතා විසින් රුපියල් ලක්ෂ 240ක් වටිනා මන්නාරම තෙලෙයිමන්නාරමේ පිහිටි අක්කර 40ක ඉඩමක් ව්‍යාජ ඔප්පු සකසා අත්පත් කර ගත්තැයි කියන සිද්ධියකට අදාළ සාක්ෂිකරුවන්ගේ සම්පිණ්ඩන වාර්තාවක් ලබන අගෝස්තු 22 වැනිදා අධිකරණය වෙත ඉදිරිපත් කරන ලෙස කොළඹ ප‍්‍රධාන මහේස්ත‍්‍රාත් ලංකා ජයරත්න මෙනෙවිය අපරාධ පරීක්ෂණ දෙපාර්තමේන්තුව වෙත අද (18) නියෝග කළා

18 July 2019

සිසුවියන් දෙදෙනෙකු කොත්මලේ ඔයේ ගසාගෙන ගොස් අතුරුදන්

පාසල් සිසුවියන් දෙදෙනෙකු සැඬ පහරට හසු වී අද(18) කොත්මලේ ඔයේ ගසාගෙන ගොස් ඇති බව ආගරපතන පොලිසිය කියයි.

18 July 2019

රත්නපුර නාය යාමේ අවදානමක්

ඇතිවූ තද වැසි හේතුවෙන් රත්නපුර දිස්ත‍්‍රික්කයෙහි නායයෑමේ අවදානමක් මතුව ඇතැයි ජාතික ගොඩනැගිලි පර්යේෂණ සංවිධානය පවසයි.

18 July 2019

‘හම්බන්තොට නව රෝහලේ කටයුතු තවමත් ආරම්භ කර නැහැ’

ජූලි 1 වැනි දින ජනාධිපති මෛත්‍රීපාල සිරිසේන මහතා විසින් විවෘත කරන ලද හම්බන්තොට නව දිස්ත්‍රික් මූලික රෝහලේ අඩුපාඩු රැසක් ඇති බවත්, මේ වනතුරුත් හව ආරම්භ කිරීමට නොහැකි වී ඇති බවත්, මහජන මුදල් වැයකරමින් සෞඛ්‍ය හා පෝෂණ කටයුතු ආමාත්‍ය රාජිත සේනාරත්න මහතා ජනතාව රවටමින් සිටින බවත් රජයේ වෛද්‍ය නිලධාරීන්ගේ සංගමයේ හම්බන්තොට දිස්ත්‍රික් සංවිධායක වෛද්‍ය උපුල් ගලප්පත්ති මහතා අද (18) හම්බන්තොට දිස්‍ත්‍රික් මහ රෝහලේ පැවති ප්‍රවෘත්ති සාකච්ඡාවේදී පැවසීය.

18 July 2019

පොලිස් කොමිසමේ ලේකම් අත්අඩංගුවට

ජයවර්ධනපුර රෝහලේ ප්‍රතිකාර ලබමින් සිටි ජාතික පොලිස් කොමිසමේ ලේකම් සමන් දිසානායක මහතා මීට සුළු මොහොතකට පෙර විශේෂ රහස් පොලිස් කණ්ඩායමක් විසින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පවසයි.

18 July 2019

ශ්‍රීලනිප-පොහොට්ටු සාකච්ඡා ඉක්මණින් අවසන් කළ යුතුයි

ශ්‍රී ලංකා නිදහස් පක්ෂය හා පොදු ජන පෙරමුණ අතර මේ වනවිට පැවැත්වෙන සාකච්ඡා ළඟ ළඟ පවත්වා ඉක්මණින් අවසන් කළ යුතුව ඇතැයි එක්සත් ජනතා නිදහස් සන්ධානයේ මහ ලේකම් පාර්ලිමේන්තු මන්ත‍්‍රී මහින්ද අමරවීර මහතා පැවැසීය.

18 July 2019

ආණ්ඩු පක්ෂ පසුපෙළ මන්ත්‍රීවරු මරණ දඬුවම ගැන අගමැතිගෙන් විමසති

මරණදඬුවම ක්‍රියාත්මක කළහොත් ජී.එස්.පි ප්ලස් තීරුබදු සහනය, යුරෝපා මත්ස්‍ය අපනයනය, සංචාරක ක්ෂේත්‍රයේ වර්ධනය සහ ත්‍රස්තවාදය පිටුදැකීමට ලැබෙන ජාත්‍යන්තර සහයෝගය යන කරුණු සම්බන්ධයෙන් ඇතිව තිබෙන තත්ත්වය කුමක්දැයි ආණ්ඩු පක්ෂ පසුපෙළ මන්ත්‍රීවරු අග්‍රාමාත්‍ය රනිල් වික්‍රමසිංහ මහතාගෙන් දීර්ඝ වශයෙන් කරුණු විමසීය.

18 July 2019

‘තාක්ෂණය නැතිව රටක දියුණුවක් නැහැ‘

‘තාක්ෂණය උවමනා නැහැ, අපිට ගමේ වවාගෙන කාලා ඇති‘ යනුවෙන් කවුරුන් හෝ කියනවානම් එය රට කන අදහසක් මිස වෙන එකක් නොවේ යැයි අග්‍රාමාත්‍ය රනිල් වික්‍රමසිංහ මහතා කොළඹදී අද පැවසීය.

18 July 2019