එසැණ පුවත්

රන්ජන් බලන්න රනිල් ඇතුළු කණ්ඩායමක් හිරගෙදරට

රිමාන්ඩ් බාරයේ පසුවන පාර්ලිමේන්තු මන්ත්‍රී රන්ජන් රාමනායක මහතාගේ සුවදුක් බැලීමට එජාප නායක, හිටපු අගමැති රනිල් වික්‍රමසිංහ, ඉරාන් වික්‍රමරත්න, රුවන් විජයවර්ධන හා අර්ජුන රණතුංග යන පාර්ලිමේන්තු මන්ත්‍රීවරුන් කණ්‍ඩායම ඊයේ (13) දහවල් නව මැගසින් බන්ධනාගාරයට ගිය බව බන්ධනාගාර ආරංචි මාර්ගවලින් පැවසේ.

14 February 2020

වෝහාරික විගණන විවාදයට ප්‍රශ්නයක්

මහ බැංකු බැඳුම්කර සිද්ධියට අදාළ වෝහාරික විගණන වාර්තාව (Forensic Audit Report) සම්බන්ධයෙන් මැතිසබයේදී සම්පූර්ණ විධිමත් විවාදයක් පැවැත්වීම ගැටලුකාරී වී ඇතැයි පාර්ලිමේන්තු ආරංචි මාර්ගවලින් පැවැසේ.

14 February 2020

දියතලාව කඳවුරේ සිටි සිසුහු 33දෙනා පිටත්ව යති

දියතලාව යුද හමුදා කඳවුරේ රඳවා සිටි වූහාන් සිට පැමිණි සිසුන් 33 දෙනා අද(14) උදෑසන කඳවුරෙන් කොළඹ යුද හමුදා මුලස්ථානය වෙත යාමට පිටත්වු බව යුධ හමුදා මාධ්‍ය ප්‍රකාශක බ්‍රිගේඩියර් චමින්ද වික්‍රමසිංහ මහතා පැවසීය.

14 February 2020

ආසාත්මිකතාවක් හේතුවෙන් සිසුහු 15ක් රෝහලේ

හදිසියේම ඇතිවූ අසාත්මිකතාවක් හේතුවෙන් කන්දකැටිය කන්දකැපූඋල්පත විද්‍යාලයේ ශිෂ්‍යාවන් දොළොස් දෙනෙකු ඇතුළු සිසුන් 15දෙනෙකු අද (14) උදෑසන කන්දකැටිය රෝහලට ඇතුළත් කර ඇත.

14 February 2020

’’රාජ්‍ය නිලධාරීන් හෑල්ලුවට ලක් කරන්න එපා’’

රාජ්‍ය නිලධාරීන් සමග කටයුතු කිරීමේදී ඔවුන්ගේ ආත්ම ගරුත්වය හා වෘත්තීය ගරුත්වය ආරක්‍ෂවන ආකාරයට කටයුතු කරන ලෙස ජනාධිපති ගෝඨාභය රාජපක්‍ෂ හා අග්‍රාමාත්‍ය මහින්ද රාජපක්‍ෂ යන මහත්වරුන් පෙරේදා (12) පැවැති කැබිනට් රැස්වීමේදී අමාත්‍යවරුන්ට අවවාද කර ඇත.

14 February 2020

සජිත් සියලු එජාප මන්ත්‍රීන් සංවිධායකයන් අද කොළඹට කැඳවයි

විශේෂ හමුවක් සඳහා එක්සත් ජාතික පෙරමුණේ සියලුම පාර්ලිමේන්තු මන්ත්‍රීවරුන් සහ ආසන සංවිධායකවරුන් විපක්ෂ නායක සජිත් ප්‍රේමදාස මහතා විසින් අද (14) කොළඹට කැඳවනු ලැබ ඇත.

14 February 2020

’’ඡන්දයට එජාප සංවිධාන වහාම සූදානම් කරන්න’’

මහ මැතිවරණය ඉලක්ක කර ගනිමින් බල මණ්ඩල, අනුබද්ධිත සංවිධාන ඇතුළු පක්ෂ යාන්ත්‍රණය වහාම සූදානම් කරන ලෙස එක්සත් ජාතික පක්ෂ නායක රනිල් වික්‍රමසිංහ මහතා එජාප සංවිධායකවරුන්ට සහ මහජන නියෝජිතයන්ට පෙරේදා (12) උපදෙස් දුන්නේය.

14 February 2020

මාන්කුලම් රෝහලේ කැණීම් තාවකාලිකව නවතයි

මුලතිව්, මාන්කුලම රෝහලේ නව වාට්ටු සංකීර්ණය ඉදිකිරීමේදී එම භූමියේ තිබී සොයාගත් අස්ථි කොටස් සම්බන්ධයෙන් කිලිනොච්චිය අධිකරණ වෛද්‍යවරයාගේ වාර්තාව ලැබෙනතෙක් කැණීම් නවතා ඇති බව මාන්කුලම පොලිසිය පවසයි.

14 February 2020

කුවේටයේ සිටි ගෘහ සේවිකාවෝ 46 ක් ආපසු එවති

කුවේටයේ ගෘහ සේවය සදහා ගොස් සිටියදී , එරට නිවෙස් හිමියන් වෙතින් විවිධ හිරිහැර, කරදරවලට ලක් වූ ශ්‍රී ලාංකික ගෘහ සේවිකාවන් 46 දෙනෙකු අද (14) උදෑසන කටුනායක ගුවන් තොටුපළ වෙත එවා තිබුණි.

14 February 2020

උදයංග වීරතුංග අපරාධ පරීක්ෂණ දෙපාර්තමේන්තුවට

බණ්ඩාරනායක ජාත්‍යන්තර ගුවන් තොටුපළේ දී අද (14) අලුයම අත්අඩංගුවට ගත් රුසියාවේ හිටපු තානාපති උදයංග වීරතුංග මහතා සම්බන්ධයෙන් ගත යුතු ඉදිරි නීතිමය ක්‍රියාමාර්ග පිළිබඳ නීතිපතිවරයාගේ උපදෙස් ලැබෙන තෙක් ඔහු අපරාධ පරීක්ෂණ දෙපාර්තමේන්තුවේ මූල්‍ය විමර්ශන අංශය භාරයේ රඳවාගෙන ප්‍රශ්න කරන බව ඉහළ පොලිස් නිලධාරියෙක් පැවසීය.

14 February 2020

උදයංග වීරතුංග කටුනායකදී අත්අඩංගුවට

මිග් යනා ගනුදෙනුව සම්බන්ධයෙන් කොළඹ කොටුව මහේස්ත්‍රාත් අධිකරණයේ නියෝග පිට, ජාත්‍යන්තර පොලිසියේ රතු වරෙන්තු ලැබ සිටි, රුසියාවේ හිටපු ශ්‍රී ලංකා තානාපති උදයංග වීරතුංග මහතා අද(14) අලුයම කටුනායක ගුවන් තොටුපළේ දී අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් අත්අඩංගුවට ගෙන තිබේ.

14 February 2020

වයිරසයෙන් 1367ක් මිය යති - 60,000ක් ආසාදිතයි

කොරෝනා වයිරසයෙන් මිය ගිය පුද්ගලයින් සංඛ්‍යාව 1367 දක්වා ඉහළ ගොස් ඇත.

14 February 2020

පුවත්පත් ස්වයං නියාමනයට සහාය දෙන්න

ශ්‍රී ලංකා ආණ්‍ඩුක්‍රම ව්‍යවස්ථාවෙන් සහතික කර ඇති භාෂණයේ, අදහස් පළ කිරීමේ සහ ප්‍රකාශනයේ නිදහස යටතේ මාධ්‍ය නිදහස ආරක්ෂා කරන බවට ජනාධිපතිවරයා දී ඇති පොරොන්දුව අගය කරන අතරම නිදහස් ලෝකයේ ප්‍රජාතන්ත්‍රවාදී ආණ්ඩු ස්වයං නියාමන මූලධර්මය යටතේ කටයුතු කිරීමට පුවත්පත්වලට අවසර දී ඇති බව පෙන්වාදීමට කැමැත්තෙමු යැයි පුවත්පත් ප්‍රකාශකයන්ගේ ජගත් සංවිධානය (WAN – IFRA) ජනාධිපති ගෝඨාභය රාජපක්ෂ මහතා වෙත ලිපියක් යොමු කරමින් සඳහන් කරයි.

14 February 2020

රජයේ ණය ගැනීමේ සීමාව කෝටි 35,300 කින් ඉහළ දමයි

ඉකුත් වසරේ නිරවුල් නොකරන ලද බිල්පත් පියවීමට අවශ්‍ය ප්‍රතිපාදන සලසා ගැනීම සඳහා රජයේ ණය ගැනීමේ සීමාව රුපියල් කෝටි 35.300 කින් ඉහළ දැමීමට රජය තීරණය කර ඇත.

13 February 2020

සංස්කෘතික අරමුදල් පනතට පටහැණිව ලක්ෂ 1147ක් හොහලා

මධ්‍යම සංස්කෘතික අරමුදල යටතේ පාලනය වන ස්ථාන කිහිපයකින් 1980 අංක 57 දරණ මධ්‍යම සංස්කෘතික අරමුදල පනතට පටහැණිව යමින් පසුගිය 2016 ජනවාරි මාසයේ සිට 2019 ජූලි මස 30 වැනි දා දක්වා නීති විරෝධී ලෙස රුපියල් ලක්ෂ 1147ක් අයකරගෙන ඇතැයි විගණකාධිපති දෙපාර්තමේන්තුව නිකුත් කළ වාර්තාවකින් හෙළි වෙයි.

13 February 2020

කෝටි 287 කට ගෙනා වාහන 78 සොයා ජවිපෙ මන්ත්‍රී සී.අයි.ඩීයට යයි

(මුදිතා දයානන්ද) රුපියල් ලක්ෂ 28,700 ක් වැය කර පසුගිය රජය කාලයේ ගෙන්වන ලද වාහන 78 තිබෙන්නේ කොහේද කා සතුවද යන්න සම්බන්ධයෙන් පරීක්ෂණයක් කරන ලෙස ජනතා විමුක්ති පෙරමුණේ කලුතර දිස්ත්‍රික් පාර්ලිමේන්තු මන්ත්‍රී වෛද්‍ය නලින්ද ජයතිස්ස මහතා අද (13) අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබේ.

13 February 2020

‘‘මීගමු කලපුව හැරීමෙන් කලපුව විනාශ වෙනවා‘‘

මීගමු කලපුව සංවර්ධනය යැයි කියා ධීවර අමාත්‍යංශ්‍ය දියත් කරන ව්‍යාපෘතිය හේතුවෙන් කලපුව විනාශ වෙමින් පවතින බව ධීවරයෝ පවසති.

13 February 2020

‘‘තනතුරේ වගකීම් ඉටු නොකරන ඇමතිවරුනුත් ඉවත් කළ යුතුයි‘‘

ඇමතිධූර ලබාගන්නා අය වසර දෙක හමාරක් තුළ අමාත්‍යධූරයේ වගකීම් නිසි ලෙස ඉටු නොකළහොත් ඔවුන් මාරු කළ යුතු යැයි කැබිනට් ප්‍රකාශක, තොරතුරු හා සන්නිවේදන තාක්‍ෂණ, උසස් අධ්‍යාපන, තාක්‍ෂණ හා නවෝත්පාදන අමාත්‍ය, ආචාර්ය බන්දුල ගුණවර්ධන මහතා පැවසීය.

13 February 2020

එන්ජිම නොමැතිව හිස්තෙල් ටැංකි 8 ක් ඉබේ ධාවනය වෙයි

කොළොන්නාව තෙල් ගබඩා සංකීර්ණයේ නවතා තිබූ එන්ජිම නොමැති හිස්තෙල් ටැංකි අටක් සංකීර්ණයේ සිට දෙමටගොඩ දෙසට ඉසට ඉබේ ධාවනය වී මහාමාර්ගයේ ධාවනය වූ පාසල් ළමුන් ප්‍රවාහනය කරන වෑන් රථයක ගැටී තිබේ.

13 February 2020

ඊ.පී.එෆ් මාසික මුදල් බැර වූ සැණින් කෙටි පණිවිඩයක්

සේවක අර්ථසාධක අරමුදලේ සාමාජිකයින්ගේ ගිණුම් වෙත මාසික දායක මුදල් බැර වූ සැණින් එම සාමාජිකයින් විසින් නම් කරන ලද ජංගම දුරකතන අංකයකට කෙටි පණිවිඩයක් මඟින් දැනුම් දීමේ සේවාවක් ආරම්භ කිරීමට රජය පියවර ගෙන ඇතැයි සම කැබිනට් ප‍්‍රකාශකළ වැවිලි කර්මාන්ත හා අපනයන කෘෂිකර්ම අමාත්‍ය, රමේෂ් පතිරණ මහතා පැවසීය.

13 February 2020

‘ඉඩෝරය කොතරම් දරුණු වූවත් විදුලිය කප්පාදුවක් නැහැ‘

ඉඩෝරය කෙතරම් දරුණු වුවත් විදුලිය කප්පාදු කර ජන ජීවිතය අඩාල කරන්නේ නැතැයි එක්සත් ජනතා නිදහස් සන්ධානයේ මහලේකම් විදුලි බල හා බලශක්ති අමාත්‍ය මහින්ද අමරවීර මහතා අද (13) පැවසීය.

13 February 2020

අධ්‍යාපන සුදුසුකම් අනුව අපේක්ෂකයන් තෝරන්න පොහොට්ටුවේ අවධානය

ඉදිරි මහා මැතිවරණය සඳහා නාම යෝජනා ලබාදීමේදී අපේක්‍ෂක අපේක්‍ෂිකාවන්ගේ ජනප‍්‍රියත්වය හා ප‍්‍රසිද්ධිය පමණක් සැළකිල්ලට නොගෙන ඔවුන්ගේ අධ්‍යාපන සුදුසුකම් ඇතුළු වෙනත් සුදුසුකම් පිළිබඳව සළකා බලා නාමයෝජනා ලබාදීම කෙරෙහි ශ්‍රී ලංකා පොදුජන පෙරමුණේ අවධානය යොමුව ඇතැයි එම පක්‍ෂයේ අභ්‍යන්තර ආරංචි මාර්ග සදහන් කරයි.

13 February 2020

පිලපිටිය ගැන වරෙන්තු ගන්න සූදානමක් නැති බව සීසීඩීය දන්වයි

හිටපු රාජ්‍ය අමාත්‍ය රන්ජන් රාමනායක මහතා සමඟ දුරකතන සංවාදයක නියැලුනු බව කියන ඇඹිලිපිටිය මහාධිකරණ විනිසුරු ගිහාන් පිලපිටිය මහතා සම්බන්ධයෙන් වරෙන්තුවක් ලබාගැනීමට සූදානමක් නැතැයි කොළඹ අපරාධ කොට්ඨාසය අද(13) නුගේගොඩ මහේස්ත්‍රාත් යූ.කේ. පැල්පොල මහතා වෙත දැනුම්දුන්නේය.

13 February 2020

නිදහස් වීසා කාලය තවත් මාස තුනකින් දිර්ඝ වෙයි

පාස්කු ප්‍රහාරයෙන් පසුව රටවල් 48 කට ලබා දී තිබූ නිදහස් වීසා කාලය තවත් මාස 03 ක් දක්වා දීර්ඝ කිරීමට රජය තීන්දු කර ඇතැයි කාර්මික අපනයන, ආයෝජන ප්‍රවර්ධන සංචාරක ගුවන් සේවා ඇමති ප්‍රසන්න රණතුංග මහතා අද ( 13 ) පැවසීය.

13 February 2020

ජනපති-අගමැති වන සංරක්ෂණ නිලධාරිනිය වෙනුවෙන් පෙනී සිටිති

පරිසරයේ ආරක්ෂාව වෙනුවෙන් පෙනී සිටි ගම්පහ දිසා වන සංරක්ෂණ නිලධාරිනිය වෙනුවෙන් ජනාධිපතිතුමා, අගමැතිතුමා සහ රජය පෙනී සිටින බව කැබිනට් ප‍්‍රකාශක, තොරතුරු හා සන්නිවේදන තාක්‍ෂණ, උසස් අධ්‍යාපන, තාක්‍ෂණ හා නවෝත්පාදන අමාත්‍ය, ආචාර්ය බන්දුල ගුණවර්ධන මහතා පැවසීය.

13 February 2020

පොදු සමා කාලයේදී සේවය හැරගිය හමුදාවේ 8,005 ක් බාරවෙති

72 නිදහස් සමරුව නිමිත්තෙන් හමුදා සේවය හැරගිය ආරක්ෂක අංශ සාමාජිකයන් වෙනුවෙන් ප‍්‍රකාශයට පත් කර තිබු සතියක පොදු සමාකාලය තුළ ති‍්‍රවිධ හමුදා සේවය හැරගොස් සිටි නිලධාරීන් 13 දෙනෙකු සමඟ සෙසු නිළයෙන් 8,005 දෙනකු මෙම පොදු සමා කාලය තුළ බාර වු බව හමුදාව පවසයි.

13 February 2020

අංගොඩ ලොක්කාගේ ගෝලයන් දෙදෙනකු අත්අඩංගුවට

කේරල ගංජා කිලෝ 1 ½ ක් සමඟ අංගොඩ ලොක්කා නැමැත්තාගේ ගෝලයන් දෙදෙනකු මුල්ලේරියාව පොලිසිය විසින් අද (13) පෙරවරුවේ අත්අඩංගුවට ගෙන ඇති බව පොලිසිය කියයි.

13 February 2020

‘රජයේ සියලු නිවාස ව්‍යාපෘති සඳහා දේශීය උළු පමණයි‘

රජය විසින් ක්‍රියාත්මක කර තිබෙන සියලු නිවාස ව්‍යාපෘති සඳහා දේශීය උළු පමණක් යොදාගැනීමට නියමිත බව නිවාස සංවර්ධන අධිකාරිය පවසයි.

13 February 2020