එසැණ පුවත්

තවත් 37කගේ පක්ෂ සාමාජිකත්වය අහෝසියි

පළාත් පාලන ආයතනවලට තේරී පත්වු එක්සත් ජාතික පක්ෂයේ නියෝජිතයින් 37 දෙනෙකුගේ පක්ෂ සාමාජිකත්වය අහෝසි කිරීමට එම පක්ෂය පියවර ගෙන තිබේ.

31 July 2020

සුවය ලැබූ ආසාදිතයෝ 58ක් පිටව යති

ශ්‍රී ලංකාවේ, කොරෝනා ආසාදනය වීම හේතුවෙන් ප්‍රතිකාර ලබමින් සිටි 58 දෙනෙකු අද(31) සුවය ලබා පිටව ගොස් ඇතැයි වසංගත රෝග විද්‍යා අංශය සඳහන් කරයි.

31 July 2020

දියතලාවේ නිරෝධායනය අවසන් කළ 44ක් පිටව යති

විදෙස් රටවල සිට පැමිණ දියතලාව නිරෝධායන මධ්‍යස්ථානයේ නිරෝධායනය ක්‍රියාවලිය අවසන් කළ ශ්‍රී ලාංකිකයින් 44 දෙනෙකු අද (31) සිය ගම්බිම් බලා පිටත් වූ බව දියතලාව යුද හමුදාව කියයි.

31 July 2020

පාතාලය - කුඩු ජාවාරම් මර්දන පෙළගැස්ම අගයමු

මහා පරිමාණයෙන් මත්ද්‍රව්‍ය විකිණීමේ, බෙදා හැරීමේ සහ ඇසුරුම් කිරීමේ ජාවාරමක යෙදුණු විශේෂිත මත්ද්‍රව්‍ය ජාලයක් හඳුනා ගැනීමට නුගේගොඩ කොට්ඨාස දූෂණ මර්දන ඒකකයේ නිලධාරීන්ට හැකි වූ බව පොලිස් මාධ්‍ය ප්‍රකාශක නියෝජ්‍ය පොලිස්පති ජාලිය සේනාරත්න මහතා පැවසූ බව සඳහන් පුවතක් අප පුවත්පත ඉකුත් දා වාර්තා කළේය.

31 July 2020

ඇවන්ට්ගාඩ් සභාපතිට - පාලිත ප්‍රනාන්දුට එරෙහි අල්ලස් නඩුව අත්හිටුවීමට නියෝග

ඇවන්ට්ගාඩ් සමාගමේ සභාපති නිශ්ශංක යාපා සේනාධිපති සහ විශ්‍රාමික යුද හමුදා මේජර් ජෙනරාල් පාලිත ප්‍රනාන්දු යන මහත්වරුන්ට එරෙහිව අල්ලස් කොමිසම විසින් කොළඹ මහාධිකරණය හමුවේ ගොනුකළ නඩුව විභාග කිරීම අත්හිටුවමින් අභියාචනාධිකරණය අද (31) අතුරු නියෝගයක් නිකුත් කරනු ලැබීය.

31 July 2020

ඉන්දියාවෙන් ගෙනා ලක්ෂ 70ක බීඩී කොළ වෙරළේ දමා ගිහින්

ඉන්දියාවේ සිට නීතිවිරෝධී අන්දමින් මුහුදු මගින් ප්‍රවාහනය කළ, රුපියල් ලක්ෂ 70ක් පමණ වටිනා බීඩි කොළ තොගයක් කල්පිටිය පල්ලිවාසල්තුරේ රෙඩ්බානා ගම්මානය අසළ වෙරළ තීරයේ පාලු පෙදෙසක,තිබීය දී කල්පිටිය පොලිසිය අද(31) උදෑසන අත්අඩංගුවට ගෙන ඇත.

31 July 2020

ලක්ෂ තුනක මත්කුඩු සමඟ එකම පවුලේ 3 ක් ඇතුළු 5 ක් අත්අඩංගුවට

පානදුර ඇතුළු ප්‍රදේශය ගණනාවකට මහා පරිමාණයෙන් මත්කුඩු බෙදා හැරීමේ ජාලයකට සම්බන්ධ වූ එකම පවුලේ තිදෙනෙක් ඇතුළු පස් දෙනෙක් රුපියල් ලක්ෂ 3 ක් වටිනා මත්කුඩු සමග අත්අඩංගුවට ගත් බව පානදුර කොට්ඨාස දූෂණ මර්ධන අංශය කියයි .

31 July 2020

ශානි අබේසේකර අත්අඩංගුවට

පීඩාකාරී ගිනි අවි සම්බන්ධ සිද්ධියක් පිළිබඳව සාක්ෂි වසන් කිරීමේ සිදුවීමකට අදාළව අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ, පොලිස් අධිකාරී ශානි අබේසේකර මහතා කොළඹ අපරාධ කොට්ඨාසය අත්අඩංගුවට ගෙන ඇත.

31 July 2020

වයිරසය සමාජගතවීම වැළැක්වීමට අවශ්‍ය පියවර ගෙන තිබෙනවා

කොරෝනා පොකුරු වලින් රෝගීන් හමුවීමේ යම් සම්භාවිතාවක් තිබුණද එසේ හමුවන රෝගීන් හරහා රෝගය සමාජගතවීම වැළැක්වීමට අවශ්‍ය පියවර සෞඛ්‍ය අමාත්‍යාංශය හා අනෙකුත් අංශ එක්ව ගෙන ඇති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා පැවසීය.

30 July 2020

තවත් කොරෝනා ආසාදිතයින් 4 ක්

තවත් කොරෝනා ආසාදිතයින් සිව් දෙනෙක් වාර්තා වීමත් සමඟ මෙරට සමස්ථ කොරෝනා ආසාදිතයින් ගණන 2814 ක් දක්වා ඉහළ ගොස් ඇත.

30 July 2020

මැතිවරණ දූෂණ වැඩි ප්‍රදේශ නිරීක්ෂණයට ජාතික මට්ටමේ නිරීක්ෂකයන්

මහ මැතිවරණයේ නිරීක්ෂණ කටයුතුවල දී පූර්ව මැතිවරණ සමයේ මෙන්ම මීට පෙර මැතිවරණවල දී ප්‍රචණ්ඩත්වය හා මැතිවරණ දූෂණ වැඩි යැයි හඳුනාගත් ප්‍රදේශ කිහිපයක් නිරීක්ෂණය කිරීම සඳහා ජාතික මට්ටමින් නිරීක්ෂකයන් යෙදවීමට පැෆරල් සංවිධානය පියවර ගෙන ඇත.

30 July 2020

2019 දී ලංවිමට කොටි 85,000 ක පාඩුවක්

පසුගිය වසරේදී විදුලි බල මණ්ඩලය රුපියල් කෝටි 85,000ක් පාඩු ලැබූ බව විදුලිබල මණ්ඩලයේ සභාපති විජිත හේරත් මහතා කොළඹදී අද (30) පැවසීය.

30 July 2020

ලක්ෂ 37ක අයිස් මත්ද්‍රව්‍ය අල්ලයි

මෝටර් රථයකින් ප්‍රවාහනය කරමින් සිටි රුපියල් 3,750,000 අධික වටිනා අයිස් මත්ද්‍රව්‍ය සමඟ පුද්ගලයන් දෙදෙනෙක් පෑලියගොඩ පට්ටිය හංදිය ප්‍රදේශයේදී අත්අඩංගුවට ගත් බව පෑලියගොඩ කොට්ඨාස විමර්ශන අංශය කියයි.

30 July 2020

සංචාරක සහන පැකේජයට මැතිවරණ කොමිසමෙන් සීමා

කොවිඩ් 19 වසංගතයෙන් පීඩාවට පත් සංචාරක සංවර්ධන අධිකාරියේ ලියාපදිංචි සංචාරක මාර්ගෝපදේශකයන්ට සහ සංචාරක රියදුරන්ට දීමනාවක් ලබා දීමේ රජයේ වැඩපිළිවෙලට මැතිවරණ කොමිසම සීමා පනවා ඇතැයි සංචාරක හා ගුවන් සේවා අමාත්‍ය ප්‍රසන්න රණතුංග මහතා අද (30) පැවසීය.

30 July 2020

ශානි අබේසේකරගේ පෙත්සම ඉල්ලා අස්කරගනී

ජනාධිපතිවරණයෙන් පසුව කිසිදු සාධාරණ හේතුවක් නොමැතිව තමන්ට ලබාදුන් ස්ථාන මාරුව අවලංගු කරන නියෝගයක් නිකුත් කරන ලෙස ඉල්ලා අපරාධ පරීක්ෂණ දෙපාර්තමේන්තුවේ හිටපු අධ්‍යක්ෂ , ජ්‍යෙෂ්ඨ පොලිස් අධිකාරි ශානි අබේසේකර මහතා ගොනු කළ මූලික අයිතිවාසිකම් පෙත්සම පෙත්සම්කාර පාර්ශවය විසින්ම අද (30) ශ්‍රේෂ්ඨාධිකරණය හමුවේ ඉල්ලා අස් කර ගන්නා ලදී .

30 July 2020

හෝර්ටන්තැන්නට බීමතින් ඇතුළු වී දඩකති

හෝර්ටන්තැන්න ජාතික වනෝද්‍යානයට බීමතින් ඇතුළු වී සතුන්ට පීඩාකාරී ලෙස හැසිරීමේ චෝදනාවට වරද පිළිගත් පුද්ගලයන් දෙදෙනෙකුට රුපියල් 80,000 ක දඩ මුදලක් ගෙවන ලෙස නුවරඑළිය මහේස්ත්‍රාත් පමෝද ජයසේකර මහතා අද (30) නියෝග කළේය.

30 July 2020

ඡන්ද පත්‍රිකා ලක්ෂ හතරහමාරක් ආපසු තැපැල් කාර්යාලවලට

ඡන්ද දායකයන්ගේ ලිපින සොයාගැනීමට නොහැකි වූ නිල ඡන්ද දැන්වීම් පත්‍රිකා 458,927ක් අදාළ තැපැල් කාර්යාල වෙත ආපසු බාරදී ඇතැයිද, සිය අනන්‍යතාවය හෙළිකර ඒවා ලබාගත හැකි යැයිද තැපැල් දෙපාර්තමේන්තුව පවසයි.

30 July 2020

මත්ද්‍රව්‍ය ⁣ගෙනයාමට පුහුණු කළ උකුස්සෙක් පොලිස් බාරයට ගනී

සංවිධානාත්මක අපරාධකරුවෙකු වන “අංගොඩ ලොක්කා” නමැති පාතාලකරු විසින් මත්ද්‍රව්‍ය ප්‍රවාහනය සදහා පුහුණුකර යොදා ගත් බවට සැක කරන ”උකුස්සෙකු” මීගොඩ නාවලමුල්ල කනත්ත පාර ප්‍රදේශයේ “අංගොඩ ලොක්කා” නමැති පාතාලකරුගේ සමීපතමයකුට අයත් සත්ව ගොවිපලක සිර කර සිටියදී පොලිස් බාරයට ගත් බව අතුරුගිරිය පොලිසිය පවසයි.

30 July 2020

නිට්ටඹුවේ ගබ්සා මධ්‍යස්ථානයක් වටලයි

කොළඹ මහනුවර මහා මාර්ගයට ආසන්නව නිට්ටඹුව නගරයේ වෛද්‍ය මධ්‍යස්ථානයක මුවාවෙන් පවත්වාගෙන ගිය ගබ්සා මධ්‍යස්ථානයක් වටලා වෛද්‍යවරයෙකු ලෙස පෙනී සිටිමින් එහි ගබ්සා සිදුකළ පුද්ගලයා ඔහුගේ ආරක්ෂකයා සමඟ ගබ්සාවක් සිදු කර ගැනීමට පැමිණ සිටි 19 හැවිරිදි අවිවාහක තරුණියක හා ඇගේ පෙම්වතා අද (30) දහවල් සැකපිට අත්අඩංගුවට ගත් බව නිට්ටඹුව පොලිසිය කියයි.

30 July 2020

රිමාන්ඩ් බාරයේ සිටි මීගමුව බන්ධනාගාර ජේලර්වරයෙක් කරාපිටිය රෝහලට

මීගමුව බන්ධනාගාරය තුළදී කළ දූෂණ ක්‍රියා සම්බන්ධයෙන් චෝදනා එල්ල වී අත්අඩංගුවට ගෙන, රක්ෂිත බන්ධනාගාර ගත කළ එම බන්ධනාගාරයේ හිටපු ප්‍රධාන ජේලර්වරුන් තිදෙනාගෙන් එක් අයෙකු බූස්ස බන්ධනාගාරයේ සිරකුටියේ රඳවා සිටියදී හදිසියේ අසනීප වී ගාල්ල කරාපිටිය රෝහලට ඇතුළත් කර ඇත.

30 July 2020

සුවය ලැබුවෝ 16 ක් ගෙදර යති

කොරෝනා වයිරසය ආසාදනය වී සුවය ලැබූ පුද්ගලයින් 16 දෙනෙකු පුර්ණ සුවය ලබා පිටව ගිය බව වසංගත රෝග විද්‍යා අංශයේ නවතම වාර්තා වලින් දැක්වේ.

30 July 2020

වන්නියේ අවතැන් වූ ඡන්ද දායකයින් 6275කට ඡන්ද මධ්‍යස්ථාන 12 ක්

මෙවර 2020 මහමැතිවරණයේ දී ඡන්දය ලබා දීමට සුදුසුකම් ලබා සිටින ඡන්ද දායකයින් අතර අවතැන් වූ ඡන්ද දායකයින් 6275 දෙදෙනකු සිටින බවත් ඔවුන් වෙනුවෙන් ඡන්ද මධ්‍යස්ථාන 12 ක් ස්ථාපිත කර ඇති බවට වන්නි දිස්ත්‍රීක් තේරීම්භාර නිලධාරී සමන් බන්ධුලසේන මහතා පවසා සිටියේය.

30 July 2020

‘අභියෝගයක් නැති නිසා මැතිවරණය කම්මැලියි’

මෙවර මහ මැතිවරණයට කිසිදු අභියෝගයක් නොමැති බවත්, අභියෝග නොමැති නිසා මැතිවරණය කම්මැල් සහගත බවත් අග්‍රාමාත්‍ය මහින්ද රාජපක්ෂ මහතා අද(30) පැවසීය.

30 July 2020

ඊටීඅයි සමාගමේ අධ්‍යක්ෂකවරු සිව්දෙනෙක් සීඅයිඩියට

ඊටීඅයි සමාගමේ අධ්‍යක්ෂකවරු සිව් දෙනෙකු ප්‍රකාශයක් ලබාදීමට අද (30) අපරාධ පරීක්ෂණ දෙපාර්තමේන්තුවට පැමිණ ඇත.

30 July 2020

වික්ටෝරියා ප්‍රාන්තයේ තත්ත්වය නරක අතට

නව කොරෝනා වයිරස වසංගතය පැතිර යෑමට පටන් ගැනීමෙන් පසු ඔස්ට්‍රේලියාවෙන් වාර්තා වූ නරකම දිනය ලෙස අද (30) දිනය සටහන් විය.

30 July 2020

ආසාදිතයකු හමුවීමෙන් ලංකාපුර ප්‍රා.ලේ කාර්යාලය වහයි

පොලොන්නරුව දිස්ත‍්‍රික්කයට අයත් ලංකාපුර ප‍්‍රාදේශීය ලේකම් කාර්යාලයේ සේවයේ නියුතු කාර්යාල කාර්ය සහායකවරයකු කොරෝනා ආසාදිත බවට තහවුරු විමෙන් පසුව අද (30) දිනයේ සිට එම ප්‍රාදේශීය ලේකම් කාර්යාලය සෞඛ්‍ය හේතූන් මත තාවකාලිකව වසා දැමීමට පියවර ගත් බව පොලොන්නරුව ප‍්‍රදේශීය සෞඛ්‍ය සේවා අධ්‍යක්‍ෂ වෛද්‍ය ඩබ්ලිව්.කේ.ඩබ්ලිව්.එස්.කුමාරවංශ මහතා පවසයි.

30 July 2020

යාපනයේ අත්හැර දමා තිබූ ගොඩනැගිල්ලකින් ගංජා කිලෝ3ක් සොයාගනී

යාපනය අයින්දු සංදි ප්‍රදේශයේ අත්හැර දමා තිබු ගොඩනැගිල්ලක් තුළ සඟවා තිබු ගංජා කිලෝ ග්‍රෑම් 33 ක් සමග සැකකරුවෙකු පොලීසිය අත්අඩංගුවට ගෙන තිබේ.

30 July 2020

කොරෝනා වයිරසයෙන් ඇමෙරිකාවේ මිය ගිය ගණන 150,000 ඉක්මවයි

කොරෝනා වයිරසය හේතුවෙන් ඇමෙරිකා එක්සත් ජනපදයෙන් වාර්තා වන මරණ සංඛ්‍යාව අද (29) 150,000 පසු කර ගියේය.

30 July 2020