(නිමල කොඩිතුවක්කු)

පසුගිය වසරේදී විදුලි බල මණ්ඩලය රුපියල් කෝටි 85,000ක් පාඩු ලැබූ බව විදුලිබල මණ්ඩලයේ සභාපති විජිත හේරත් මහතා කොළඹදී අද (30) පැවසීය.

මේ වසරේදී පාඩුව රුපියල් කෝටි 90,000ක් බවට පුරෝකථනය කළත් රුපියල් කෝටි 63,000 ක සීමාවකට එම පාඩුව අවම කරගැනීමට හැකියාව තිබෙන බවත් සභාපතිවරයා  සඳහන් කළේය.

කොළඹ පිහිටි ලංකා විදුලිබල මණ්ඩලයේ මූලස්ථානයේ පැවති මාධ්‍ය හමුවකට එක්වෙමින් ඔහු මේ බව පැවසීය.

ඉන්ධන සහනය හිමිවීම සහ කර්මාන්ත ශාලාවල පරිභෝජනය අඩුවීම හේතුවෙන් තාප විදුලිය නිෂ්පාදනයට යන වියදම අවම වීමෙන් මෙම පාඩුව අවම කිරීමට හැකිවූ බවද ඔහු සඳහන් කළේය.