එසැණ පුවත්

සතිඅන්තයට සීමා වූ කන්කසන්තුරයට යන දුම්රිය අනිද්දා සිට දිගටම

කොරෝනා වසංගතය හේතුවෙන් දැනට සතිඅන්තයේ පමණක් ධාවනය වන ගල්කිස්ස සිට කන්කසන්තුරය දක්වා ධාවනය කරන නගරාන්තර සීඝ්‍රගාමී දුම්රිය අනිද්දා (12) සිට දිනපතා ධාවනයට එක්කිරීමට දුම්රිය දෙපාර්තමේන්තුව තීරණය කර තිබේ.

10 September 2020

ව්‍යවස්ථා සංශෝධනයට පෙර දේශපාලන පක්ෂ-සිවිල් සංවිධානවල අදහස් ගතයුතුයි

නව ව්‍යවස්ථා සංශෝධනය සම්බන්ධයෙන් ජනතා විරෝධතාවයක් එල්ල වී ඇති අවස්ථාවක එය ගෙනඒමට හදිසිවන්නේ ඇයිදැයි තමන් රජයෙන් විමසා සිටින බව සාධාරණ සමාජයක් සඳහා වූ ජාතික ව්‍යාපාරයේ සභාපති හිටපු කථානායක කරු ජයසූරිය මහතා කොළඹදී අද(10) පැවසීය.

10 September 2020

‘සිංහරාජ මායිමේ තේ සිටුවීම වහා නැවැත්විය යුතුයි’

හිමිකමක් ගැන පස්සේ බලන්න පුළුවන් සිංහරාජ ලෝක උරුම වනාන්තර මායිම එළි පෙහෙළි කිරිමත්, මායිමේ තේ සිටුවිමත් වතුකාර සමාගම් වහාම නැවැත්විය යුතු යැයි ජල සම්පාදන අමාත්‍ය වාසුදේව නානායක්කාර මහතා අද (10) පැවසීය.

10 September 2020

හෙරොයින් ජාවාරම්කරුවෙක්ට මරණ දඩුවම

හෙරොයින් ග්‍රෑම් 29ක් ළඟ තබාගෙන ජාවාරම් කිරීමේ චෝදනාවන්ට වරදකරුවු මට්ටක්කුලිය ප්‍රදේශයේ පදිංචි හෙරොයින් ජාවාරම්කරුවකුට කොළඹ මහාධිකරණ විනිසුරු ගිහාන් කුලතුංග මහතා මරණීය දණ්ඩනය නියම කළේය.

10 September 2020

වයෝවෘද්ධ සිරකරුවන්ට වෛද්‍ය පහසුකම් ලබාදෙන්නැයි උපදෙස්

වැලිකඩ බන්ධනාගාරයේ ’ජී’ වාට්ටුවේ රඳවා සිටින ආබාධිත හා රෝගී තත්වයෙන් යුතු වයස අවුරුදු 70-90ත් අතර වූ වයෝවෘද්ධ සිරකරුවන්ට අවශ්‍ය වෛද්‍ය පහසුකම් ලබාදෙන ලෙස බන්ධනාගාර ප්‍රතිසංස්කරණ රාජ්‍ය ඇමැතිනී සුදර්ශනී ප්‍රනාන්දුපුල්ලේ මහත්මිය එහි රෝහල් බලධාරීන්ට උපදෙස් දී ඇත.

10 September 2020

බුදුරුව සහිත සාරියකින් සැරසී සිටි කාන්තාවක් පොලිස් බාරයට

බුදුරුව සහිත සාරියකින් සැරසී නාරාහේන්පිට ප්‍රදේශයේ පෞද්ගලික රෝහලකට පැමිණි සිටි කාන්තාවක් අත්අඩංගුවට ගත් බව නාරාහේන්පිට පොලිසිය කියයි.

10 September 2020

මාතර බන්ධනාගාරයේ සැරයන්වරියකට එරෙහිව පරීක්ෂණයක්

ප්‍රධාන පෙළේ මත්ද්‍රව්‍ය ජාවාරම්කරුවකුට සිය යතුරු පැදිය ලබාදුන් බව කියන සිද්ධියක් සම්බන්ධයෙන් මාතර බන්ධනාගාරයේ සැරයන්වරියකට එරෙහිව පරීක්ෂණයක් ආරම්භ කර ඇතැයි බන්ධනාගාර දෙපාර්තමේන්තුව පවසයි.

10 September 2020

’දෙමටගොඩ චමින්ද’ගේ ගෝලයෙක් අත්අඩංගුවට

සංවිධානාත්මක අපරාධකරුවෙකු මෙන් ම පාතාල නායකයෙකු වන ’දෙමටගොඩ චමින්ද’ගේ සමීපතම ගෝලයෙකු රුපියල් ලක්ෂයකට ආසන්න වටිනා හෙරොයින් මත්කුඩු සමග අද (10) කොළඹ අලුත්කඩේ ප්‍රදේශයේ දී අත්අඩංගුවට ගත් බව කිරිබත්ගොඩ පොලිසිය කියයි.

10 September 2020

ජ්‍යෙෂ්ඨ මාධ්‍යවේදී සැකී ජබ්බාර්ගේ සිරුර සොයාගනී

‘ද අයිලන්ඩ්’ පුවත්පතේ ජ්‍යෙෂ්ඨ මාධ්‍යවේදියකු හා නියෝජ්‍ය ප්‍රවෘත්තී කර්තෘවරයකු වශයෙන් සේවය කළ සැකී ජබාර් (60) මහතා සිය නිවසේ අභිරහස් ලෙස මියගොස් සිටියදී ඊයේ (9) රාත්‍රියේ සිරුර සොයා ගෙන ඇත.

10 September 2020

ජනාධිපති දුන් ලීසිං සහනය ප්‍රෝඩාවක් වෙලාලු

ජනපති ලබාදුන් සය මාසික ලීසිං සහනය ප්‍රෝඩාවක් වී ඇති බවත් ජනපති නියමය නොතකන ලීසිං සමාගම තමන්ට ලීසිං වාරික ගෙවන ලෙසට බල කරන බවත් සමස්ත ලංකා අන්තර් පළාත් පාසල් ළමුන් ප්‍රවාහන සේවා සංගමයේ සභාපති රුවන් ප්‍රසාද් මහතා අද (10) පැවසීය.

10 September 2020

වැඩතහනම් වූ තැපැල් සේවකයා ලක්ෂ 3 ක මත්ද්‍රව්‍ය සමඟ අත්අඩංගුවට

වැඩ තහනමට ලක් වූ තැපැල් සේවකයෙකු රුපියල් ලක්ෂ තුනකට ආසන්න වටිනා හොරෙයින් මත්කුඩු, මත්පෙති හා අයිස් මත්ද්‍රව්‍ය සමග බත්තරමුල්ල බටපොත ප්‍රදේශයේ ලැගුම්හලක් තුළදී අද 10 අත්අඩංගුවට ගත් බව තලංගම පොලිසිය කියයි .

10 September 2020

නලීන් බණ්ඩාර සැක සහිත මරණ ගැන පාර්ලිමේන්තුවේදී කියයි

පාර්ලිමේන්තුව ආසන්නයේ පිහිටි ජපන් මිත්‍රත්ව පාලම අසළ කපා කොටා දැමූ මළ සිරුරක් අද හමුවීමත්, එවැනි බොහෝ සිදුවීම් මීට පෙරද වාර්තා වී ඇති බවත් සමගි ජන බලවේ‍ගයේ පාර්ලිමේන්තු මන්ත්‍රී නලින් බණ්ඩාර මහතා අද(10) පාර්ලිමේන්තුවේදී කීවේය.

10 September 2020

ගව ඝාතනය තහනම් කිරීමේ නීතිය ගෙනඒම මසකින් කල්යයි

ගවයින් ඝාතනය නතර කිරිමේ නීතිය ගෙන ඒම මසකින් කල් දැමීමට තීරණය කර ඇතැයි සම කැබිනට් ප්‍රකාශක අමාත්‍ය කෙහෙළිය රඹුක්වැල්ල මහතා පැවසීය.

10 September 2020

ණයට හෙරොයින් ගෙන මහාපරිමාණයෙන් අලෙවි කළ දෙදෙනෙක් අල්ලති

ණයට හෙරොයින් ගෙන මහපරිමාණ මත්ද්‍රව්‍ය ජාවාරම් ජාලය නියැලුණු ප්‍රධාන සැකකරුවෙකු සහ ඔහුගේ සහයක අද (10) රාවතාවත්තේ දී අත්අඩංගුවට ගත් බව මොරටුව පොලිසිය පවසයි.

10 September 2020

මහජන දිනය සඳුදා

රජයේ ආයතනවල මහජන දිනය සඳුදාට යොදාගැනීමට අමාත්‍ය මණ්ඩල අනුමැතිය හිමිවූ බව සම කැබිනට් ප්‍රකාශක ඇමති උදය ගම්මන්පිල මහතා පැවසීය.

10 September 2020

ජල නලයක් පිපිරීමෙන් අම්බලන්ගොඩට ජල සැපයුම නවතී

අම්බලන්ගොඩ නගරය සමීපයේ ඇති ප්‍රධාන මාර්ගයක් වන පීරිස් වෙද මාවතේ ජල නළයක් අද (10 ) අලුයම් කාලයේ පිපිරීයාමෙන් එම මාවත වසා දැමීමට අදාළ බලධාරීහු පියවර ගත්හ.

10 September 2020

ලක්ෂ 15 ක හෙරොයින් සමඟ පුද්ගලයකු අත්අඩංගුවට

සුඛෝපභෝගී මෝටර් රථයකින් හෙරොයින් මත්කුඩු ප්‍රවාහනය කරමින් සිටි පුද්ගලයකු කුලියාපිටිය-පන්නල ප්‍රධාන මාර්ගයේ ඇලබඩගමදී අත්අඩංගුවට ගත් බව පන්නල පොලිසිය පවසයි.

10 September 2020

සිසුවා මරුමුවට පත් කරමින් ත්‍රිරෝද රථ රියැදුරු පලා යයි

රන්න-හුගම මාර්ගයේ බටඅත වංගුවේදී යතුරු පැදියක ත්‍රි රෝද රථයක් ගැටීමෙන් වූ අනතුරින් යතුරුපැදියේ ගමන් ගත් 12 හැවිරිදි පාසල් සිසුවකු අද(10) මියගොස් ඇතැයි හුගම පොලිසිය කියයි.

10 September 2020

’වෙලේ සුදා’ගේ සමීපතමයකු ඇතුළු තිදෙනෙකු දැලේ

බන්ධනාගාර ගතව සිටින, සංවිධානාත්මක පාතාල කල්ලි නායකයකු වු ’වෙලේ සුදා’ සමග සමීප සම්බන්ධතා පැවැත්වු සැකකරුවකු හා ඔහුගේ නිවසේ සිටි තවත් පුද්ගලයින් දෙදෙනෙකු ඉමදුව ඇල්ලලගොඩ ප්‍රදේශයේ දි අත්අඩංගුවට ගත්බැව් ඉමදුව පොලිසිය පවසයි.

10 September 2020

බුස්සේ රැඳවියෝ 39ක් ආහාර වර්ජනයක

බූස්ස බන්ධනාගාරයේ විශේෂ අංශයේ රඳවා සිටින රැඳවියන් 45දෙනාගෙන් 39දෙනෙකු කරුණු කිහිපයක් මුල්කර ගනිමින් අද (10) උදෑසන සිට ආහාර වර්ජනයක් ආරම්භ කර ඇතැයි බන්ධනාගාර ආරංචි මාර්ග සඳහන් කරයි.

10 September 2020

හැටන්-කොළඹ මාර්ගයේ වාහන ගමනාගමනයට බාධා

මධ්‍යම කඳුකරයේ බටහිර බෑවුම් ප්‍රදේශයට පවතින අධික වැසි හා සුළං තත්වය හේතුවෙන් හැටන්-කොළඹ ප්‍රධාන මාර්ගයේ වටවල හා ගිනිගත්හේන අතර කොටසට ගසක් කඩා වැටීමෙන් එම මාර්ගයේ රථ වාහන ධාවනයට අද(10) බාධා එල්ල විය.

10 September 2020

විශ්‍රාමික පොලිස් පරීක්ෂකවරයෙකුගේ දියණියක් හොරොයින් සමඟ අත්අඩංගුවට

වසර හයක සිට හෙරොයින් ජාවාරමට සම්බන්ධ කාන්තාවක් හෙරොයින් මිලිග්‍රෑම් 170 ක් සමඟ අද (09) අත්අඩංගුවට ගත් බව කොට්ටාව පොලිසිය පවසයි.

09 September 2020

වනාන්තර වලට සිදුවන හානි ගැන දැනුම් දෙන්න දුරකථන අංකයක්

වනජීවි හා වන සංරක්ෂණය සම්බන්ධයෙන් ඇති පැමිණිලි ලබාදීම සඳහා වනජීවි හා වන සංරක්ෂණ අමාත්‍යාංශය විසින් 1992 දුරකථන ඇමතුම් අංකය හඳුන්වා දී තිබේ.

09 September 2020

බෙන්තොට නිරෝධායන මධ්‍යස්ථානයේ කාන්තාවකට කොරෝනා

යුද හමුදාව විසින් බෙන්තොට සංචාරක හෝටලයක පවත්වාගෙන යනු ලබන නිරෝධායන මධ්‍යස්ථානයක නිරෝධායනයට යොමුකර සිටි කාන්තාවකට කොරෝනා වයිරසය ආසාදනය වී ඇති බවට තහවුරුවී ඇතැයි ගාල්ල දිස්ත්‍රික් සෞඛ්‍ය සේවා අධ්‍යක්ෂ කාර්යාලය පවසයි.

09 September 2020

රටවල් තුනකට අලුතින් තානාපතිවරු

ප්‍රංශය , ඇෆ්ඝනිස්ථානය සහ ජපානය යන රටවල් සඳහා නව ශ්‍රී ලංකා තානාපතිවරුන් තිදෙනෙකු රජය විසින් පත් කරනු ලැබ ඇත.

09 September 2020

බස් ප්‍රමුඛතා මංතීරු නීතිය නැවතත්

බස් ප්‍රමුඛතා මංතීරු නීතිය සැප්තැම්බර් මස 14 වැනි දින සිට නැවතත් ක්‍රියාත්මක කිරීමට පොලිසිය සැලසුම් කර තිබේ.

09 September 2020

හෂීස් මත්ද්‍රව්‍ය සමඟ දෙදෙනෙක් අත්අඩංගුවට

පාසල් ළමුන් සහ උපකාරක පන්ති වලට සහභාගීවන සිසුන් ඉලක්කකර ගනිමින් පොලොන්නරුව,කදුරුවෙල ප්‍රදේශයේ පවත්වාගෙන ගිය මත්ද්‍රව්‍ය ජාවාරම් කරන ස්ථානයක් වටලා හෂීස් මත්ද්‍රව්‍ය ග්‍රෑම් 2000 ක් සමඟ සැකකරුවන් දෙදෙනෙකු අද (09) අත්අඩංගුවට ගත්බව පොලොන්නරුව පොලිසිය පැවසීය.

09 September 2020

ලක්ෂ 50 ක හෙරොයින් සමඟ තිදෙනෙක් අත්අඩංගුවට

රුපියල් ලක්ෂ 50 කට අධික වටිනා හෙරොයින් මත්කුඩු තොගයක් සමඟ ආරක්ෂක සේවයේ නිරත පුද්ගලයින් දෙදෙනෙකු හා කාන්තාවක් පාදුක්ක ප්‍රදේශයේදී අද (09) අත්අඩංගුවට ගත්බව පොලිසිය පැවසීය.

09 September 2020