එසැණ පුවත්

හෙරොයින් ජාවාරම්කරුවෙක් අත්අඩංගුවට

හෙරොයින් ග්‍රෑම් 5 ක් සහ රුපියල් ලක්ෂ 20 ක් රැගෙන කැබ් රථයකින් යමින් සිටි පුද්ගලයෙකු අද (08) ඌරගහ ප්‍රදේශයේදී අත්අඩංගුවට ගත්බව කොස්ගොඩ පොලිසිය පැවසීය.

08 September 2020

‘නිව් ඩයමන්ඩ්‘ නැව ඇති මුහුදු ප්‍රදේශයේ තෙල් පැල්ලම්

ශ්‍රී ලංකාවට නැගෙනහිර මුහුදේදී ගිනි ගැනීමකට ලක් වූ ‘එම්.ටී නිව් ඩයමන්ඩ්’ බොරතෙල් ප්‍රවාහන නෞකාව වටා කිලෝමීටරයක මුහුදු ප්‍රදේශයේ කළු පැහැ තෙල් පැල්ලම් දක්නට ලැබෙන බව නාවික හමුදා මාධ්‍ය ප්‍රකාශක කපිතාන් ඉන්දික ද සිල්වා මහතා ලංකාදීපයට පැවසීය.

08 September 2020

20 ට එරෙහිව මාදුළුවාවේ සෝභිත හිමි පිළිරුව අබියස විරෝධතාවක්

‘19 න් ඉදිරියට‘ ජනතා ව්‍යාපාරය සංවිධානය කළ සත්‍යග්‍රහයක් විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් බත්තරමුල්ල අපේ ගම පරිශ්‍රය ඉදිරිපිට පිහිටි මාදුළුවාවේ සෝභිත හිමිගේ පිළිරුව අබියසදී අද (08) පස්වරුවේ පැවැත්විණ.

08 September 2020

20 පරදවන්න සජිත් පෙරමුණ ගනී

රට කොඩිවිනයක් බවට පත්ව ඇති විසිවන ව්‍යවස්ථා සංශෝධනය පරාජය කිරීමට තමන් නායකත්වය ලබාදෙන බව සමගි ජන බලවේගයේ නායක විපක්ෂ නායක සජිත් ප්‍රේමදාස මහතා කොළඹදී අද(8) පැවසීය.

08 September 2020

හෙරොයින් මත්කුඩු සමඟ පුද්ගලයෙක් අත්අඩංගුවට

නීති විරෝධී හෙරොයින් මත්ද්‍රව්‍ය ජාවාරමේ යෙදෙන බවට සැකකෙරෙන පුද්ගලයෙක් හෙරොයින් මත්කුඩු ග්‍රෑම් 02 යි මිලිග්‍රෑම් 787 ක්ද සමඟ විසින් අද (08) බදුල්ල පස්සර මාර්ගයේදී අත්අඩංගුවට ගත් බව බදුල්ල පොලිසිය පැවසීය.

08 September 2020

විදේශ සේවා නියුක්ති කාර්යංශයේ කැමති සේවකයින්ට අඩ වැටුප් සමඟ නිවාඩු

ශ්‍රී ලංකා විදේශ සේවා නියුක්ති කාර්යංශයේ කැමති කාර්ය මණ්ඩලයේ සාමාජිකයන්ට අඩ වැටුප් ගෙවා නිවාඩු ලබා දීමට එහි කළමණාකාරිත්වය තීරණය කර ඇත.

08 September 2020

අපේ ජනබල පක්ෂයෙන් ශ්‍රේෂ්ඨාධිකරණයට පෙත්සමක්

අපේ ජනබල පක්ෂයේ ජාතික ලැයිස්තු මන්ත්‍රී ධූරයට එම පක්ෂයේ සභාපතිවරයා පත් කරන නියෝගයක් මැතිවරණ කොමිසමට නිකුත් කරන්නැයි ඉල්ලා අපේ ජනබල පක්ෂය ශ්‍රේෂ්ඨාධිකරණය හමුවේ අද (8) මූලික අයිතිවාසිකම් පෙත්සමක් ගොනු කළේය.

08 September 2020

‘නිව් ඩයමන්‘ නෞකාවේ කාර්ය මණ්ඩලයේ 20 ක් නිරෝධායනයට

ගිනි ගැනීමට ලක්ව ඇති නිව් ඩයමන් ඉන්ධන නෞකාවේ කාර්ය මණ්ඩල සාමාජිකයින් 20 දෙනෙකු නිරෝයාන කටයුතු සදහා යොමුකළ බව නාවික හමුදාව කියයි.

08 September 2020

කේරල ගංජා කිලෝ 68 ක් අල්ලයි

පුත්තලම පුලිදිවාසල් ප්‍රදේශයේ දී කේරල ගංජා කිලෝ 68ක් , සුඛෝපභෝගී වාහන දෙකක් සමග සැකකරුවන් දෙදෙනෙකු අද (8) සවස අත්අඩංගුවට ගත් බව පුත්තලම මූලස්ථාන පොලිසිය කියයි.

08 September 2020

රටවල් 10 ක රාජ්‍යතාන්ත්‍රිකයෝ විදේශ අමාත්‍යාංශයට කැදවති

විදේශ රටවල් 10ක සිටින ශ්‍රී ලංකා තානාපතිවරුන්, මහ කොමසාරිස්වරුන් ඇතුළු රාජ්‍යතාන්ත්‍රිකයින් කිහිප දෙනෙකු නැවත විදේශ අමාත්‍යාංශයට කැඳවා ඇතැයි රජයේ තානාපති ආරංචි මාර්ග සඳහන් කර සිටී.

08 September 2020

මරණ දණ්ඩනය නියම වූවෙක් පාර්ලිමේන්තුවේ දිවුරුම් දීම කළු පැල්ලමක්

මරණ දණ්ඩනය නියම වූ ප්‍රේමලාල් ජයසේකර මහතා පාර්ලිමේන්තු මන්ත්‍රීවරයකු ලෙස දිවුරුම් දීමෙන් පාර්ලිමේන්තු ඉතිහාසයට මකා දැමිය නොහැකි කළු පැල්ලමක් එක්වූ බව විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල මහතා කොළඹ දී අද (8) පැවසීය.

08 September 2020

බාල වයස්කාර දැරියන් තිදෙනකුට අතවර කළ අයෙක් අත්අඩංගුවට

බාල වයස්කාර දැරියන් තිදෙනාට බරපතළ ලිංගික අතවර කළ බව කියන යුද හමුදා සාමාජිකයෙකු යයි කියාගන්නා පුද්ගලයෙක් අද ( 8 ) අත්අඩංගුවට ගත් බව වැලිපැන්න පොලිසිය කියයි .

08 September 2020

රජවක රක්ෂිතයේ වල්ලපට්ට කැපූ තිදෙනාට දඩ

බලන්ගොඩ රජවක රජයේ රක්ෂිතයට ඇතුළු වී වල්ලාපට්ට කැපීමේ ජාවාරමක නිරත වු තිදෙනෙකුට රුපියල් 135,000 ක දඩ මුදලක් ගෙවන ලෙස බලන්ගොඩ ප්‍රධාන මහෙස්ත්‍රාත් ජයරුවන් දිසානායක මහතා අද (08) නියෝග කළේය.

08 September 2020

පුරාවිද්‍යා රක්ෂිතයක නා ගස් කැපූ 5දෙනා රිමාන්ඩ්

පුරාවිද්‍යා රක්ෂිතයකට ඇතුළු වී නා ගස් කපා ට්‍රැක්ටරයකින් ප්‍රවාහනය කිරීමේ චෝදනා යටතේ බක්කිඇල්ල පොලීසිය මගින් අත්අඩංගුවට ගෙන අධිකරණයට ඉදිරිපත් කළ විත්තිකරුවන් 5දෙනෙකු සැප්තැම්බර් 17 දින දක්වා රිමාන්ඩ් භාරයේ තබන ලෙස අම්පාර ප්‍රධාන මහේස්ත්‍රාත් අසංකා හෙට්ටිවත්ත මහත්මිය නියෝග කළාය.

08 September 2020

ප්‍රේමලාල් දිවුරුම් දෙනවිට රත්නපුරේ රතිඤ්ඤා දල්වති

මරණීය දණ්ඩනය නියමවී බන්‍ධනාගාරගතව සිටින ප්‍රේමලාල් ජයසේකර මහතා අභියාචනාධිකරණයේ අතුරු නියෝගයක් අනුව පාර්ලිමේන්තුවට පැමිණ රත්නපුර දිස්ත්‍රික් පාර්ලිමේන්තු මන්ත්‍රීවරයෙකු ලෙස දිවුරුම් දුන් අවස්ථාවේ රත්නපුර, කුරුවිට, නිවිතිගල ආදි ප්‍රදේශවල ඔහුගේ ආධාරකරුවෝ රතිඤ්ඥා දල්වා ඒ සතුට සැමරූහ.

08 September 2020

පොහොර හිඟය ඔක්තෝබර් මුලදී අවසන්

දැනට වෙළඳපොළේ පවතින පොහොර හිඟය ඔක්තෝබර් මාසයේ මුල් සතිය පමණ වනවිට අවසන් වනු ඇතැයිද ජාතික පොහොර ලේකම් කාර්යාලයේ අධ්‍යක්ෂ මහේෂ් ගම්මන්පිල මහතා අද(08) ලංකාදීපයට පැවසීය.

08 September 2020

‘උපරිම දඬුවම නියම වූ අයකු දිවුරුම් දීම ගැටලුවක්’

නීතිය සම්පාදනය කරන පාර්ලිමේන්තුව වැනි උත්තරීතර තැනකට නීතියේ උපරිම දඬුවම වන මරණ දඬුවමට නියම වූ අයකු පැමිණ දිවුරුම් දීම පිළිබඳ ගැටලුවක් ඇතිවන බව ජනතා විමුක්ති පෙරමුණේ නායක අනුර කුමාර දිසානායක මහතා අද (8) පාර්ලිමේන්තුවේදී පැවසීය.

08 September 2020

ලක්ෂ 30 ක කේරල ගංජා පුත්තලමෙන් අත්අඩංගුවට

පුත්තලම කඩයාමොට්ට ප්‍රදේශයේ දි නාවික හමුදා බුද්ධි තොරතුරකින් රුපියල් ලක්ෂ 30 කට අධික වටිනාකමකින් යුත් කේරල ගංජා කිලෝ 12 ක් පුත්තලම මුලස්ථාන පොලිසියේ දුෂණ මර්ධන අංශයේ නිළධාරින් විසින් අත්අඩංගුවට ගනු ලැබීය.

08 September 2020

ඉන්දු චීන දේශසීමාවේ වෙඩි තැබීමක්

ඉන්දු-චීන දේශසීමාවේ වෙඩි තැබීමක් සිදුව ඇතැයි ඉන්දීය මාධ්‍ය වාර්තා කරයි. වෙඩි තැබීම සිදුව ඇත්තේ දේශසීමාවේ පිහිටි නැගෙනහිර ලඩාක් ප්‍රදේශයේ යැයි ද වාර්තා වේ.

08 September 2020

ප්‍රේමලාල් ජයසේකරගේ දිවුරුමට විරෝධය පා මන්ත්‍රීවරු නැගිට යති

මරණ දඬුවම නියම වී බන්ධනාගාරගතව සිටින ප්‍රේමලාල් ජයසේකර මහතා පාර්ලිමේන්තු මන්ත්‍රීවරයකු ලෙස දිවුරුම් දීමට විරෝධය පා සමගි ජනබලවේගයේ මන්ත්‍රීවරු පාර්ලිමේන්තු සභා ගැබෙන් ඉවත්ව ‍ගියහ.

08 September 2020

බේකරි නිෂ්පාදකයින්ගේ සංගමයෙන් අනතුරු ඇඟවීමක්

බිත්තර මිල තවදුරටත් අඩු නොකළහොත් බේකරි නිෂ්පාදනවල මිල වැඩි කිරීමට සිදුවන බව බේකරි නිෂ්පාදකයන්ගේ සංගමයේ සභාපති එන් කේ ජයවර්ධන මහතා ලංකාදීපයට අද(08) පැවැසීය.

08 September 2020

19 වැනි සංශෝධනයේ පටු අරමුණු

මෛත්‍රීපාල සිරිසේන ශ්‍රී ලංකාවේ ජනපතිවරයා ලෙස තෝරාගෙන යන්තම් මාස 4 ක ඇවෑමෙන් එළැඹි 2015 අප්‍රේල් මස 28 වන දින, 19 වන ව්‍යවස්ථා සංශෝධනය පාර්ලිමේන්තු මන්ත්‍රීවරු 215 දෙනෙකුගේ ඡන්දයෙන් සම්මත කර ගැනිණ. එම අවස්ථාවේ, එක් අයෙක් ඊට විරුද්ධව ඡන්දය ප්‍රකාශ කළ අතර, තවත් අයෙක් ඡන්දය ප්‍රකාශ කිරීමෙන් වැළකී සිටියේය. ඡන්දය විමසන අවස්ථාවේ හත් දෙනෙක් සභා ගර්භයේ නොසිටියහ.

08 September 2020

19-ප්ලස් හඳුන්වාදීමට යයි

දහනම වන ව්‍යවස්ථා සංශෝධනය ඇති සාධනීය ලක්ෂණ තවදුරටත් ඉදිරියට ගෙන යමින් 19 ප්ලස් හඳුන්වාදීමට ඉදිරියේදි කටයුතු කරන බව පාර්ලිමේන්තු මන්ත්‍රී මනූෂ නානායක්කාර මහතා කොළඹදී අද(08) පැවසීය.

08 September 2020

ප්‍රේමලාල් ජයසේකර පාර්ලිමේන්තුවේ දිවුරුම් දෙයි

පසුගිය මහ මැතිවරණයේ දී රත්නපුර දිස්ත්‍රික්කය නියෝජනය කරන මන්ත්‍රීවරයකු ලෙස තේරී පත් වූ ප්‍රේමලාල් ජයසේකර මහතා කතානායක මහින්ද යාපා අබේවර්ධන මහතා ඉදිරියේ පාර්ලිමේන්තුවේදී අද (8) දිවුරුම් දුන්නේ ය.

08 September 2020

ප්ලාස්ටික් පයිප්ප පාරුවකින් ලංකාවට එන්න හැදු ලාංකිකයෙක් ඉන්දිය පොලිස් බාරයට

ප්ලාස්ටික් පයිප්ප වලින් සැකසූ පාරුවක් මගින් මන්නාරම් බොක්ක හරහා නීතිවිරෝධී ලෙස ශ්‍රී ලංකාවට පළා ඒමට උත්සාහ කළ ශ්‍රී ලාංකිකයෙකු ඇතුළු තිදෙනෙකු ඉන්දීයාවේ තමිල්නාඩුවේ එර්වාඩි වෙරළ ප්‍රදේශයේ දී එරට පොලිසිය විසින් අත්අඩංගුවට ගෙන ඇතැයි චෙන්නායි තානාපති ආරංචි මාර්ග වලින් පැවසේ.

08 September 2020

ලක්ෂයක් වටිනා වල්ලපට්ට සමඟ තිදෙනෙකු දැලේ

තුම්මෝදර ජලාශ රක්ෂිතයේ වල්ලපට්ටා ජාවාරමක නිරත වූ තිදෙනෙකු ලක්ෂයකට වඩා වටිනාකමින් යුතු වල්ලපට්ට කිලෝ එකක් සමඟ අද(08) අත්අඩංගුවට ගත් බව හංවැල්ල පොලිසිය පවසයි.

08 September 2020

‘පොඩිලැසී’ අධිකරණයට ඉදිරිපත් කරන්නැයි නියෝග

බූස්ස බන්ධනාගාරයේ රඳවා සිටින ‘පොඩි ලැසි’ නමැත්තාගෙන් ප්‍රකාශයක් ලබාගැනීමටත්, 25 වන දින ඔහු අධිකරණයට ඉදිරිපත් කරන ලෙසත් ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා අද (08) නියෝග කළේය.

08 September 2020

මැරූ මුවන් සමඟ ගල්ගමුව ප්‍රා. සභාවේ සේවකයකු දැලේ

මැරූ මුවන් තිදෙනෙකුගේ සිරුරු, පතරොම් තුවක්කුවක්, ජීව පතරොමක්, හිස් පතුරොම් කොපු තුනක්, පිහියක්, පොරවක්,⁣ මුව මස් සමග ගල්ගමුව ප්‍රාදේශීය සභාවේ සේවකයෙකු අද (08) අලුයම හල්මිල්ලවත්ත ප්‍රදේශයේ දී අත්අඩංගුවට ගත් බව මීගලෑව වනජීවි කාර්යාලය පවසයි.

08 September 2020