එසැණ පුවත්

පෑලියගොඩ කොරෝනා පොකුරේ නව ආසාධිතයින් 257ක්

අද (07) දිනයේදී පෑලියගොඩ කොරෝනා පොකුරේ නව ආශ්‍රිතයින් 257කට කෝවිඩ් ආසාදනය වී ඇති බව හඳුනාගෙන තිබේ. මේ අනුව දිවුලපිටිය සහ පෑලියගොඩ කොරෝනා පොකුරුවල සමස්ත ආසාධිතයින් ගණන 9749කි.

07 November 2020

තැපැල් කාර්යාල 2ක් ඖෂධ බෙදීම ප්‍රතික්ෂේප කරයි

ඖෂධ බෙදාදීමේ වැඩපිළිවෙළ සෞඛ්‍යාරක්ෂිත නැතැයි පවසමින් බොරැල්ල හා හැව්ලොක් පෙදෙස ප්‍රධාන තැපැල් කාර්යාල දෙක අද (07) ඖෂධ බෙදීමේ කටයුතුවලින් ඉවත්ව සිටි බව තැපැල් දෙපාර්තමේන්තු ආරංචි මාර්ග සඳහන් කරයි.

07 November 2020

ධවල මන්දිරයේ ප‍්‍රධානියාටත් කොරෝනා

ඇමරිකාවේ ධවල මන්දිර ප‍්‍රධානී මාර්ක් මෙඩෝස් මහතාට කොරෝනා වයිරසය ආසාදනය වී ඇතැයි එරට මාධ්‍ය වාර්තා කරයි.

07 November 2020

කරන්දෙණිය දිසා රෝහලෙන් කොරෝනා රෝගීන්ට ප්‍රතිකාර කිරීම අද සිට

කරන්දෙණිය දිසා රෝහල අද (7) සිට කොවිඩ්-19 රෝගීන්ට ප්‍රතිකාර කරන රෝහලක් බවට පත්කර ඇත.

07 November 2020

සහරාන්ගේ බිරිඳටත් කොරෝනා

පාස්කු බෝම්බ ප්‍රහාරයේ මරාගෙන මැරුණු බෝම්බකරු වන සහරාන් හසින්ගේ බිරිඳටද කොරෝනා රෝගය ආසාදනය වීම නිසා අද (07) පොළොන්නරුව වැලිකන්ද කොවිඩ් 19 විශේෂිත ප්‍රතිකාර මධ්‍යස්ථානය වෙත දැඩි ආරක්ෂාව යටතේ රැගෙන ආ බව රෝහල් ප්‍රකාශකයෙකු සඳහන් කළේය.

07 November 2020

ජෝ බයිඩන් ඡන්ද සමූහ 270 ආසන්නයටම

ජෝශප් ආර්. බයිඩන් ජූනියර් හෙවත් ජෝ බයිඩන් මේ වනවිට ජනාධිපති ධුරයට සමීප වෙමින් සිටින්නේ පෙන්සිල්වේනියා සහ ජෝර්ජියා යන ජනපද දෙකේදීම ට්‍රම්ප් පසු කර යමිනි. ධවල මන්දිරය කරා ගමන් ගන්නා ගමනේදී ඡන්ද සමූහ එසේත් නැතිනම් ඡන්ද සමූහ 270ක බලය තහවුරු කරගත යුතු අතර හිටපු උප ජනාධිපති ජෝ බයිඩන් මේ වනවිට ඒ ආසන්නයටම පැමිණ ඇත.

07 November 2020

විෂබීජහරණයට පැමිණි නගර සභා සේවකයෝ මුදල් භාණ්ඩ සොරාගෙන යති

කොවිඩ් 19 වයිරසය අසාධනය වූ අසාධිතයෙකු හමුවීම නිසා වසා දමා තිබූ හැටන් නගර මධ්‍යයේ පිහිටි මත්ස්‍ය වෙළඳපලේ විෂබීජ හරණයට ලක් කිරීමට ඊයේ (06) පැමිණි හැටන්, දික්ඔය නගර සභාවේ සේවකයින් එම වෙළඳසැලේ තිබු මූදල් සහ භාණ්ඩ රැසක් සොරාගෙන ගොස් ඇති බව එම මත්ස්‍ය වෙළෙඳපලේ කලමණාකාරවරයා පැවසීය.

07 November 2020

කටුගස්තොට ආර්ථිකයේ කටයුතු අද සාමාන්‍ය පරිදි

කටුගස්තොට මැණික්කුඹුර ආර්ථික මධ්‍යස්ථානය වෙත අද (07) එළවළු තොග විශාල වශයෙන් ලැබුණු බවත්, ව්‍යාපාරික කටයුතු සුපුරුදු පරිදි සිදු වූ බවත්, ව්‍යාපාරිකයින් විශාල ප්‍රමාණයක් එළවළු මිළ දී ගැනීම සඳහා පැමිණි බවත් වෙළඳ සංගමය කියයි.

07 November 2020

බෝතලයත් මාරක ආයුධයක් වෙයි

අම්බලන්ගොඩ තිලකපුර පොල්කෑල්ල මාර්ගයේ යතුරු පැදියකින් ගමන්ගත් එකම පවුලේ සහෝදරයින් දෙදෙනාට යතුරු පැදියකින් පැමිණි දෙදෙනෙකු එල්ල කරන ලද බෝතල් ප්‍රහාරයකින් මල්ලී මියගොස් අයියා තුවාල ලබා ඇතැයි අම්බලන්ගොඩ පොලිසිය පවසයි.

07 November 2020

30 වැනි කොරෝනා මරණය වාර්තා වේ

කොරෝනා වයිරසය ආසාදනය වීම හේතුවෙන් තවත් පුද්ගලයකු මිය ගොස් ඇතැයි අද (06) සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කරන ලදී. මෙය මෙරට 30 වැනි කොවිඩ් මරණය ලෙස වාර්තා වේ.

06 November 2020

අද දිනයට කොරෝනා අසාදිතයන් 400 ක්

මිනුවන්ගොඩ සහ පෑලියගොඩ කොරෝනා පොකුරට අද (06) පස්වරු 10.10 වනවිට එක් වූ ආසාදිතයන් 187 දෙනා සමගින් අද දිනයේදී වාර්තා වූ සමස්ත ආසාදිතයන් සංඛ්‍යාව 400 ක් දක්වා ඉහළ ගියේය.

06 November 2020

ශ්‍රී ලංකාවේ කොවිඩ් වයිරසය 3 වැනි මට්ටමට ළඟා වෙලා

ශ්‍රී ලංකාවේ කොවිඞ් වසංගත තත්ත්වය මේ වන විට එහි තුන්වන මට්ටමට ළඟා වී ඇතැයි සෞඛ්‍ය ප්‍රවර්ධන කාර්යාංශයේ අධ්‍යක්‍ෂ, විශේෂඥ වෛද්‍ය පාලිත කරුණාප්‍රේම මහතා පැවසීය.

06 November 2020

ඇමති ආරක්ෂක අංශයේ පොලිස් පරීක්ෂකවරයකුට කොරෝනා

හබරාදුව නිල පියස නිරෝධායන මධ්‍යස්ථානයේ නිරෝධායනය වෙමින් සිටි ඇමති ආරක්ෂක අංශයේ පොලිස් පරීක්ෂකවරයෙකුට සහ ඔහුගේ පුතුන් දෙදෙනාට කොරෝනා ආසාදනය වී ඇතැයි ගාල්ල දිස්ත්‍රික් සෞඛ්‍ය සේවා අධ්‍යක්ෂ කාර්යාලය පවසයි.

06 November 2020

තුන්වැනි කොවිඩ් රැල්ල ජනවාරියේදී

ලෝකයේ තුන්වැනි කොවිඩ් රැල්ල ලබන වසරේ මුල ඇතිවිය හැකි බවට කොවිඩ් -19 පිළිබඳව පර්යේෂණ සිදුකරන විද්‍යාඥයින් අනතුරු අඟවා ඇතැයි සෞඛ්‍ය අමාත්‍යාංශයේ මාධ්‍ය ප්‍රකාශක වෛද්‍ය ජයරුවන් බණ්ඩාර මහතා පැවසීය.

06 November 2020

කොරෝනා සහන ණය කාලය මාස 9 ක්

‘කොවිඩ්-19’ වසංගතය හේතුවෙන් පීඩාවට පත් ව්‍යාපාර යළි නඟා සිටුවීම සඳහා ලබාදුන් 4% ණය යෝජනා ක්‍රමයේ සහන කාලය මාස 9ක් දක්වා දීර්ඝ කිරීමට ශ්‍රී ලංකා මහ බැංකුව පියවර ගෙන ඇත.

06 November 2020

ජ’පුර රෝහලට රෝගියෙක් පීසීආර් යන්ත්‍රයක් පිරිනමයි

ශ්‍රී ජයවර්ධනපුර මහ රෝහලේ නේවාසිකව ප්‍රතිකාර ලැබූ රෝගියෙකු එම රෝහලට පීසීආර් යන්ත්‍රයක් පරිත්‍යාග කර ඇතැයි එහි අධ්‍යක්ෂ විශේෂඥ වෛද්‍ය රත්නසිරි ඒ හේවගේ මහතා ලංකාදීපයට පැවැසීය.

06 November 2020

හෝමාගම රෝහලේ දැඩි සත්කාර ඒකකය-ශල්‍යාගාරය වසා දමයි

ශල්‍යකර්මයකට ලක් කළ රෝගියකුට කොරෝනා වයිරසය ආසාදනය වීම නිසා හෝමාගම මූලික රෝහලේ ශල්‍යාගාරය සහ දැඩි සත්කාර ඒකකය අද(06) සිට තාවකාලිකව වසා දැමීමට පියවර ගත් බව එහි අධ්‍යක්ෂ විශේෂඥ වෛද්‍ය ජනිත් හෙට්ටිආරච්චි මහතා පැවසීය.

06 November 2020

මිනුවන්ගොඩ-පෑලියගොඩ කොරෝනා පොකුරට තවත් 213 ක්

මිනුවන්ගොඩ සහ පෑලියගොඩ කොරෝනා පොකුරට අද(06) මේවන විට ආසාදිතයන් 213දෙනෙකු එකතු වී ඇත

06 November 2020

‘ජයග්‍රාහකයා තහවුරු කරන්න විගණනයක්’

ඇමෙරිකාවේ ජනාධිපතිවරණයේ ජයග්‍රහකයා නිවේදනය කිරීමට පෙර ඡන්ද විමසීමෙන් ජය ලැබුවේ කවුදැයි තහවුරු කිරීම සඳහා විගණනයක් කරන බව ජෝර්ජියා ප්‍රාන්තයේ මැතිවරණ නිලධාරීහු අද (6) නිවේදනය කළහ.

06 November 2020

ජාතික ළමා රෝහලේ වෛද්‍යවරයකුට කොරෝනා

කොවිඞ් 19 රෝගය වැළැඳුණු වෛද්‍යවරයකු ඇතුළුව රෝගී දරුවන් හා ඔවුන්ගේ භාරකරුවන් 33 දෙනෙකු ඉකුත් මාසයක කාලය තුළ රිජ්වේ ආර්යා ළමා රෝහලෙන් හමුවූ බව එහි අධ්‍යක්ෂ විශේෂඥ වෛද්‍ය ජී. විජේසූරිය මහතා ලංකාදීපයට පැවැසීය.

06 November 2020

කොරෝනා අස්සේ කෝටි 2 ක අයිස් අල්ලයි

රුපියල් කෝටි දෙකක් පමණ වටිනාකමින් යුත් අයිස් නැමති මත්කුඩු කිලෝ දෙකක් සමග මත්කුඩු ජාවාරම්කරුවෙකු අද (06) පස්වරුවේ දි අත්අඩංගුවට ගත් බව ගාල්ල පොලිසියේ කොට්ඨාස අපරාධ විමර්ශන අංශය පවසයි.

06 November 2020

ඇමති අභිමතයට වැට බඳී

මින් ඉදිරියේදි සියලුම රාජ්‍ය ආයතනය වල සුළු සේවකයන් පත්කිරීම අදාළ අමාත්‍යංශය බාර ඇමතිවරයාගේ අභිමතය අනුව කළ නොහැකි ලෙස චක්‍ර ලේඛයක් නිකුත් කර තිබේ.

06 November 2020

563 ක් සුවය ලබා පිටව යති

කොරෝනා වයිරසය ආසාදනය වීමෙන් රෝහල්වල ප්‍රතිකාර ලබමින් සිටි 563දෙනෙකු අද(06) සුවය ලබා පිටව ගොස් ඇතැයි වසංගත රෝග විද්‍යා අංශය කියයි.

06 November 2020

සමගි ජනබලවේගයේ මන්ත්‍රීවරුන්ගෙන් අල්ලස් කොමිසමට පැමිණිල්ලක්

දේශපාලන පළිගැනීම් පිළිබඳව සොයා බැලීම සඳහා  පත්කරන ලද ජනාධිපති පරීක්ෂණ කොමිෂන් සභාව රටේ නීතිය අභිබවා යාමට කටයුතු කොට ඇති බවත් එම කොමිසන් සභාව රජයේ මුදල් අව භාවිතා කරනු ලබන බවත් පවසමින් සමගි ජනබලවේගයේ මන්ත්‍රීවරුන් විසින් අද(6)අල්ලස් හා දූෂණ විමර්ශන කොමිෂන් සභාව වෙත පැමිණිල්ලක් ඉදිරිපත් කරනු ලැබීය.

06 November 2020

බදුගම අගුලු අරී

මින් පෙර හුදෙකලා ප්‍රදේශයක් ලෙස නම්කරන ලද මතුගම ප්‍රාදේශීය ලේකම් කොට්ඨාසයට අයත් බදුගම නව ජනපදය අද (06) සිට හුදෙකලා තත්ත්වයෙන් මුදාහරින බව කෝවිඩ්-19 වැළැක්වීමේ ජාතික ක්‍රියාන්විත මධ්‍යස්ථානය පවසයි.

06 November 2020

‘රුධිර පාරවිලයන ඒකකයේ රුධිර සංචිත අඩුවෙලා’

කොවිඞ් 19 දෙවෙනි රැල්ල ආරම්භ වන අවස්ථාවේ ජාතික රුධිර පාරවිලයන ඒකකය  සතුව රුධිර සංචිත 13,000ක් පමණ පැවැති  බවත් මේ වන විට එම සංචිත ප්‍රමාණය 5,500ක් පමණ දක්වා අඩුවී ඇතැයි ජාතික රුධිර පාරවිලයන ඒකකයේ අධ්‍යක්‍ෂ,වෛද්‍ය ලක්‍ෂමන් එදිරිසිංහ මහතා අද (6) පොලොන්නරුවේදී පැවැසීය.

06 November 2020

කුරුණෑගල ප්‍රධාන බස් නැවතුමේ අසභ්‍ය වීඩියෝවක් පෙන්වයි

කුරුණෑගල නගරයේ ක්‍රියාත්මක නිරෝධායන ඇඳිරි නීතිය හේතුවෙන් වසා දමා තිබෙන ප්‍රධාන බස් නැවතුම්පොළේ සවිකර තිබෙන රූපවාහිනී තිරයක අසභ්‍ය දර් ශන ඇතුළත් වීඩියෝවක් ප්‍රදර්ශනය කිරීම සම්බන්ධයෙන් ඊට වගකිවයුත්තන් අත්අඩංගුවට ගෙන පරීක්ෂණයක් පවත්වන ලෙස කුරුණෑගල නගරාධිපති තුෂාර සංජීව විතාරණ මහතා කුරුණෑගල පොලීසියට දැනුම් දී ඇත.

06 November 2020

බස්නාහිර පළාතේ මාළු අළෙවිය ධීවර සංස්ථාවෙන්

නිරෝධායන ඇඳිරිනීතිය බලපැවැත්වෙන බස්නාහිර පළාත තුළ බෙදාහැරීම සඳහා මාළු කිලෝ ලක්‍ෂ එකහමාරක් පමණ ධීවර වරායන් තුනකින් මිලදීගෙන ජංගම රථ මගින් බෙදාහරින බව ලංකා ධීවර සංස්ථාව පවසයි.

06 November 2020