(අංජුල මහික වීරරත්න)

වර්ෂ 2022 ක්‍රියාත්මක කරන අංගසම්පූර්ණ වැඩපිළිවෙළ ඇතුළත් එක්සත් ජාතික පක්ෂ ඉදිරි දර්ශනයට එජාප කෘත්‍යාධිකාරී මණ්ඩලය ඒකමතික අනුමැතිය ලබා දුන්නේය.

එක්සත් ජාතික පක්ෂ නායක සහ හිටපු  අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් පිටකෝට්ටේ සිරිකොත එක්සත් ජාතික පක්ෂ මූලස්ථානයේ දී කෘත්‍යාධිකාරී  මණ්ඩල රැස්වීම පැවැත්විණි.

අංගසම්පූර්ණ දර්ශනයක් යටතේ පක්ෂයේත් සිරිකොත මූලස්ථානයේත් විශාල පරිවර්තනයක් ඉදිරියේදී සිදුවන බව පක්ෂ මහලේකම් පාලිත රංගේ බණ්ඩාර මහතා කීය.

පක්ෂ කෘත්‍යාධිකාරී මණ්ඩලය අනුමත කළ ඉදිරි දැක්ම පදනම් කරගනිමින් මේ වසරේ ඉදිරි දේශපාලන කටයුතු සංවිධාන කරන බවද රංගේ බණ්ඩාර මහතා සඳහන් කළේය.

එජාප ප්‍රතිසංවිධාන කටයුතු සම්බන්ධයෙන් හිටපු අමාත්‍යවරුන් වන රවී කරුණානායක සහ නවීන් දිසානායක මහත්වරුන්  පක්ෂ කෘත්‍යාධිකාරී මණ්ඩලයේ දී වෙනත් ස්ථාවරයක්  ප්‍රකාශ කළේය.

එක්සත් ජාතික පක්ෂය රටට රටට හඳුන්වා දීමට ක්‍රියා කරන අලුත් මුහුණු පිළිබඳව හිටපු ඇමැතිවරුන් දෙදෙනාගේ එකඟතාවය පළ නොකෙරුණු  බව කෘත්‍යාධිකාරී මණ්ඩල සභිකයෙක් පැවසීය.