(මනෝප්රිය ගුණසේකර)
ලංකා ඛණිජ තෙල් නීතිගත සංස්ථා පරිශ්රය තුළට අයුතුව ඇතුළු වී කළහකාරී ලෙස හැසිරීමේ සිද්ධියක් අවස්ථාවේදී සිදුවු වෙඩි තැබීමේ සිද්ධියක් සම්බන්ධයෙන් මාස හතරක කාලයක් සැකපිට රිමාන්ඩ් බාරයට පත්කර සිටි අමාත්ය අර්ජුන රණතුංග මහතාගේ ආරක්ෂක නිලධාරියා ලෙස සේවය කළ ඇමැති ආරක්ෂක කොට්ඨාසයට අනුයුක්තව සේවය කළ පොලිස් සැරයන්වරයා ඇප මත මුදාහැරීමට කොළඹ මහාධිකරණ විනිසුරු ආදිත්ය පටබැඳි මහතා අද (26) නියම කළේය.
රුපියල් 25,000/-ක මුදල් ඇප හා රුපියල් ලක්ෂ 10 ක් වටිනා ශරීර ඇපයක් මත සැකකාර පොලිස් සැරයන්වරයා මුදාහැරීමට නියම කළ විනිසුරුවරයා ඇප තැබීමෙන් පසුව අධිකරණයේ අවසරයකින් තොරව විදේශ ගතවීම තහනම් කළේය.
තමාට ඇප නියම කිරීම මහෙස්ත්රාත් අධිකරණයෙන් ප්රතික්ෂේප කර ඇති හෙයින් තමාට ඇප නියම කරන්නැයි ඉල්ලමින් ඉදිරිපත් කළ ඇය ඇයැදුමක් සළකා බලමින් ඔහුට ඇප නියම කළ විනිසුරුවරයා ඇප තැබීමෙන් පසුව පරීක්ෂණ වලට බාධාවන් සිදුකරනු ලැබුවහොත් හෝ සාක්කිකරුවන්ට බලපෑම් කළහොත් ඇප අවලංගු කර නඩු විභාගය අවසන් වනතුරු රිමාන්ඩ් බාරයට පත් කරන බවද දැනුම් දුන්නේය.
ඉදිරිපත් වූ කරුණු සැළකිල්ලට ගනිමින් මෙලෙස ඇප නියම කරන ලද්දේ මෙම සිද්ධියට අදාළව රිමාන්ඩ් බාරයට පත් කර සිටි අමාත්ය අර්ජුන රණතුංග මහතාගේ ආරක්ෂක නිලධාරියා ලෙස සේවය කළ ඇමැති ආරක්ෂක කොට්ඨාසයට අනුයුක්ත පොලිස් සැරයන් අරුණ ශ්රී නන්දන සිල්වා මහතාය.
පොලිස් සැරයන් අරුණ ශ්රී නන්දන සිල්වා මහතාට ඇප නියම කරන්නැයි ඉල්ලමින් කරුණු ඉදිරිපත් කළ නීතීඥයින් පසුගිය 2018 ඔක්තෝබර් 22 වැනිදා කිසියම් පිරිසක් ලංකා ඛණීජ තෙල් නිතිගත සංස්ථා පරිශ්රය තුළට අයුතු ඇතුළු වී කළහකාරී ලෙස හැසිරීමේ සිද්ධියක් අවස්ථාවේදී තම සේවදායකයා වෙඩි තබා ඇත්තේ තම සේවදායකයාගේම හා ඔහුගේ ප්රභූවරයාගේ ජීවීත ආරක්ෂාව වෙනුවෙන් යැයිද ඒ තත්වය යටතේ මෙම සිද්ධියට අදාළව මාස හතරක කාලයක් රිමාන්ඩ් බාරයේ පසුවන තම සේවාදායකයාට ඇප නියම කරන්නැයි ඉල්ලා සිටියහ.
ඉදිරිපත් වු කරුණු පිළිගත් විනිසුරුවරයා ඔහු අදාළ කොන්දේසි සහිත ඇප මත මුදාහැරීමට නියම කළේය.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
ඇමැති අර්ජුනගේ ආරක්ෂක නිලධරයාට ඇප