IMG-LOGO

’’තෙල් ප්‍රශ්නය ඉල්ලාගෙන කෑමක්’’

(සුජිත් හේවාජුලිගේ)

තෙල්  අර්බුදය තනිකරම ඉල්ලගෙන කෑමක් බව අපේ ජන බල පක්ෂයේ  පාර්ලිමේන්තු මන්ත්‍රී අතුරලියේ රතන හිමියෝ පැවසූහ.

ජාතික සභාවක් කඩිනම්න් පත්කර රටේ ප්‍රශ්න සඳහා පුළුල් එකඟතාවක් ඇතිකර ගැනීමට  පාලකයන්  මැදිහත්විය යුතු බව සඳහන් කළ උන්වහන්සේ   එසේ  කටයුතු නොකළහොත්  ජනතාව සමග  මැරෙන්න හෝ  පාරට බැසීමට සිදුවන බවද  සඳහන් කළහ.

රතන හිමියන් මෙසේ පැවසුවේ රාජගිරිය සඳහම් සෙවණ ආයතනයේදී අද (1) උදේ පැවැති ප්‍රවෘත්ති සාකච්ඡාවකදීය.

තෙල් ප්‍රශ්නය ඉදිරි සතියේදී  විසඳෙනු ඇතැයි විශ්වාස කළ නොහැකි බවත් ඒ සම්බන්ධයෙන් ආණ්ඩුවද මෙතෙක්  කිසිදු  ප්‍රකාශයක් කර නොමැති බවත් උන්වහන්සේ පැවසූහ.

ආණ්ඩුව මේ අර්බුදය කල් තියා  දැනගෙන මාස තුනකට වැඩි යැයි පැවසූ රතන හිමියෝ එසේ දැනගෙන සිටියදී  මාස තුනකට සැලසුම  නොහැදුවේ ඇයි දැයි ප්‍රහේලිකාවක් බවත් ප්‍රකාශ කළහ.

තෙල් පරිහරණය සම්බන්ධයෙන් පාලකයන්ට නිලධාරීන්ට කිසිම අදහසක් නැති බවත් මේ දුකට ජාතියක් හැටියට ජනතාව  මුහුණ දිය යුතු නැති බවත්  උන්වහන්සේ පැවසූහ.

මේ අර්බුදය පාලකයන්  නිර්මාණය කළ එකක් බව පැවසූ රතන හිමියෝ  අර්බුදය  නිර්මාණය කළ  මේ පිරිසට  ජනාධිපතිකම් සහ  ඇමැතිකම් කිරීමට කිසිදු අයිතියක් නැති බවද ප්‍රකාශ කළහ.

නොහැකියාව පිළිගෙන  මේ අය ගෙදර  යා යුතු බවද උන්වහන්සේ පැවසූහ.

මිනිස්සුන්ට මේ පීඩාව තවදුරටත් දරාගත නොහැකි බව පැවසූ රතන හිමියෝ පාලකයන් රටට වැදගත් විදුලි  ජනන සැලැස්ම අද වෙනතුරු සකස් කර  නැතැයිද චෝදනා කළහ.

මානුෂීය පදනමින්  ඕනෑම රටකින් තෙල් ලබා ගැනීමේ හැකියාව පවතින බවත් සමහරුන්ට තමන්ගේ දරුවන් සමග ඇමරිකාවේ  ගිහින් ජීවත් ජීවත්වීමට නොහැකි වනු ඇතැයි  බයට තමන්ගේ පුද්ගලික අභිමතයට මුළු රටක්  අර්බුදයට හෙළා   ඇති බවත් ප්‍රකාශ කළහ.

මේ රටේ තේ වෙනුවෙන් ඉන්ධන ලබා දීමට ඉරානය කැමැත්ත පළ කළ බවත් තමා  ඒ සම්බන්ධයෙන්  ජනාධිපතිවරයාට පැවසුවත් සාර්ථක ප්‍රතිචාරයක් නොලැබුණු බවත් උන්වහන්සේ පැවසූහ.

මීට අමතරව රුසියාවෙන් ඉන්ධන මිලදී ගැනීමට තිබූ අවස්ථාවද  රජය  අතහැර දැමූ බව රතන හිමියෝ පෙන්වා දුන්හ.

පුද්ගලයෙක් දෙන්නෙක් කුටු කුටු ගා මේ රට නටවන බවත් මේ පිස්සුව අවසන් විය යුතු බවත්  උන්වහන්සේ පැවසූහ.

මෙය  මුළු මහත් ජාතියේ  කරුමයක් නොවන බවත් කරුමක්කාරයන්  පිරිසක් විසින් කරුමය ජනතාවගේ හිස මත පටවනු ලැබූ  බවත්  රතන හිමියෝ  සඳහන් කළහ.

මේ පාපෙන් ගැලවිය හැක්කේ   කරුමක්කාරයන් පිරිස එළවා දැමූ හොත් පමණක් බවද  උන්වහන්සේ පැවසූහ.

පාරට හිර ගෙවල්වලට   ඇද දැමුවත්  සටන අත් නොහරින බවද  එවැනි ප්‍රථිඵල භුක්ති විඳීමට බිය පිරිසක් නොවන බවද  අතුරලියේ රතන හිමියෝ කීහ.



අදහස් (2)

’’තෙල් ප්‍රශ්නය ඉල්ලාගෙන කෑමක්’’

sachith Saturday, 02 July 2022 11:43 AM

එතකොට පෝර ප්‍රශ්නේ...?

:       17       29

Thu nodakin Sunday, 03 July 2022 08:42 AM

පාරට බැස්සොත් නම් මැරෙන්න තමයි වෙන්නේ...!

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 179 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 691 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1087 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site