(සුනිල් ආනන්ද පැරීසියේ සිට)
 
       

වර්ගවාදය,ආගම්වාදය,ජාතිවාදයට අනුබල දෙන වෛරය හා ක්‍රෝධය ඇති වෙන  අයුරින්  අන්තර් ජාලයට සම්බන්ධ සමාජ ජාලා වල නීති විරෝධි ලෙස පළවන ප‍්‍රකාශන වලට එරෙහිව නව නීතී  මාලාවක් ගෙන ඒමට ප‍්‍රංශ රජය ක‍්‍රියා කරමින් සිටී.  

 ඒ අනුව අන්තර් ජාලය භාවිතා කරමින් මුහුනු පොත, ටුවිටර් ගිණුම්, යු ටියුබ් , ඉන්ස්ට‍්‍රැග්‍රෑම්,  රෙඩිට් හා වෙනත් සමාජ ජාලා ආදිය අයත් සමාජ ජාලකරණයන් හී වෛරය හා ක්‍රෝධය ඇතිවන අයුරින් පළ කරන අදහස් වලින් සමන්විත වදන්, කාටුන්, චිත‍්‍ර හා වෙනත් දැ හඳුනා ගැනීමෙන් පසු පැය 24ක් ඇතුළත එම ගිණුම් වලින් ඉවත් කිරීමට හා එම ගිනුම් අයත් අන්තර් ජාල පහසුකම් සපයන සමාගම් හා අදාල ගිණුම් හිමියන් හඳුනා ගෙන ඔවුන්ට එරෙහිව නීතිය ක‍්‍රියාත්මක කොට විශාල දඩ මුදලක් සහිතව දැඩි දඬුවම් ලබා දීමටත් අවශ්‍යය නව නීති මාලාවක්  ගෙන ඒමට ප්‍රංශ රජය සුදානම් වේ.

මේ වෙනුවෙන් ප්‍රංශ පාර්ලිමේන්තුව සුදානමින් බව  ප‍්‍රංශ අගමැති එඩුවා පිලිප් මහතා ප‍්‍රංශයේ රූපවාහිණි සාකච්චාවකට සහභාගි වෙමින් සඳහනක් කළේය.. 
       

ඒ අනුව ඉදිරි කාලය තුලදී ප‍්‍රංශය තුළ වර්ගවාදයට උඩ ගෙඩි දෙමින් වෛරය හා ක්‍රෝධය පිළිබිඹු වන දැ පළ කරන පුද්ගලයන් අත් අඬංගුවට ගෙන දැඩි දඬුවම් ක‍්‍රියාත්මක කිරීමට ඇවැසි පරිසරය ගොඩ නැගෙමින් පවතී. 

ඒ සඳහා සමාජජාලා විශේෂඥයන්ගේ උපදෙස් පරිදි විශේෂ පරීක්ෂණ කාර්යාංශයක් අභ්‍යයන්තර ආරක්ෂක අමාත්‍යාංශයට අනුබද්ධ පොලිස් දෙපාර්තමේන්තුවේ ස්ථාපිත කොට පැය 24 පුරාවට ඒ ගැන විමසිල්ලෙන් සිටීමට කටයුතු සිදු කරන බවත් හඳුනා ගත් එවැනි පුද්ගලයන් වැටලීමට විශේෂ පොලිස් බලකායක් පිහිටුවීමට කටයුතු කරන අතර එවැනි පුද්ලයන් ගැන මහජන පැමිණිලි ලබා ගැනීමට විශේෂ පොලිස් දුරකථන අංකයක් හඳුන්වා දීමටද තීරණය කර ඇතැයි ප්‍රංශ  අගමැතිවරයා සඳහන් කළේය.

මේ අනුව ඉදිරි දින කිහිපය තුළ  එයට අදාල නීති කෙටුම්පත් පාර්ළිමේන්තුවට ඉදිරිපත් කිරීමට බලාපොරොත්තු වන බවද ඔහු පැවසීය.