(ඉන්දිකා  රාමනායක)

අපරාධ පරික්ෂණ දෙපාර්තමේන්තුවේ   රඳවා සිටින    හරක් කටා සම්බන්යෙන් හා ඔහු බැලීමට පැමිණෙන    අමුත්තන්  සම්බන්ධනේ   සොයා බැලීමේ නිරතව සිටි අපරාධ පරික්ෂණ දෙපාර්තමේන්තුව  බුද්ධි අංශයේ නිලධාරීන් 8 දෙනකු  සිද්ධිය වීමට පෙර ඉවත් කර ඇති බව  අපරාධ පරීක්ෂණ දෙපාර්තමේන්තු ආරංචි මාර්ග පවසයි.

හරක් කටා   විශේෂ කාර්ය බලකායේ  උප පොලිස් පරික්ෂකවරයකු ගේ ගිනි  අවිය උදුරාගෙන පලා යාමට උත්සහ කිරීමේ සිද්ධියට සති දෙකකට පෙර මෙම පිරිස  ඉවත් කර ඇති බවද එම ආරංචි මාර්ග පවසයි.
 

අපරාධ පරීක්ෂණ දෙපාර්තමේන්තුව තුළ බුද්ධි නිලධාරීන් වැඩි පිරිසක්  සිටින හෙයින් එම පිරිසට මෙම ස්ථාන මාරුවීම් ලබා දී ඇති බවද පොලිස් ආරංචි මාර්ග පවසයි.

 මෙම බුද්ධි නිලධාරීන්  විශේෂයෙන්  සෙනසුරාදා හා ඉරිදා දිනවල   අපරාධ පරික්ෂණ දෙපාර්තමේන්තුව පිටත රැදී සිටිමින් පුද්ලයන්  සම්බන්ධයෙන් තොරතුරු සොය බැලීම් සිදුකරන බවද  පොලිස් ආරංචි මාර්ග පවසයි.

 මෙම පිරිස  ඉවත් නොකර ඔවුන්   අපරාධ පරීක්ෂණ දෙපාර්තමේන්තුව අවට නියමිත පරිදි  රාජකාරියේ යොදවා සිටියේ  නම් හරක් කටා පලා යාමට උත්සහ කළ දින සැකකාර කොස්තාපල්වරයාට පලා ඉඩ නොලැබෙන බවත්, ඔහු   අත්අඩංගුවට ගැනීමට හැකියාව තිබු බවත් පොලිස් ආරංචි මාර්ග පවසයි.