(ක.ග.කරුණාරත්න)
 
ජනාධිපති ගෝඨාභය රාජපක්‍ෂ මහතාගේ උපදෙස් පරිදි මඩකළපුව පුනානී ප්‍රදේශයේ පිහිටි ෂරියා විශ්ව විද්‍යාලය කොරෝනා රෝගීන් සඳහා ප්‍රතිකාර ලබාදෙන කොවිඞ් 19 විශේෂ ප්‍රතිකාර මධ්‍යස්ථානයක් බවට අද (28) සිට පත්කළ බව පොළොන්නරුව මහ රෝහලේ අධ්‍යක්‍ෂ,විශේෂඥ වෛද්‍ය සම්පත් ඉන්දික කුමාර මහතා පවසයි.
 

ඒ අනුව රෝගීන් 1200කට ප්‍රතිකාර ලබාදීමේ පහසුකම් එහි සලසා ඇතැයිද ඒ මහතා කීය.
  
පොළොන්නරුව මහ රෝහල මගින් එහි පරිපාලන කටයුතු කෙරෙන අතර වෛද්‍යවරුන් හෙද හෙදියන් ඇතුළු සියලුම සෞඛ්‍ය කාර්ය මණ්ඩල මෙම කොව්ඞ්- 19 නව ප්‍රතිකාර මධ්‍යස්ථානය සඳහා සේවයේ යොදවා ඇත්තේ පොළොන්නරුව දිස්ත්‍රික් රෝහල මගින් බවද රෝහල් අධ්‍යක්‍ෂවරයා කීවේය.
 
මෙම ප්‍රතිකාර මධ්‍යස්ථානයේ කටයුතු නිල වශයෙන් ආරම්භ කිරීමේ සහ රෝගීන් ඇතුලත් කිරීමේ අවස්ථාවට පොළොන්නරුව දිස්ත්‍රික් මහ රෝහලේ අධ්‍යක්‍ෂ, විශේෂඥ වෛද්‍ය සම්පත් ඉන්දික කුමාර, පොළොන්නරුව මහ රෝහලේ නියෝජ්‍ය අධ්‍යක්‍ෂ, වෙද්‍ය නිහාල් ගුණතිලක, විශේෂ ශ්‍රේණියේ පරිපාලන හෙද නිලධාරී හමන්ගොඩ ජයසිංහ, පරිපාලන නිලධාරී සුමිත් බණ්ඩාර යන මහත්වරුන් ඇතුළු පිරිසක් සහභාගී වූහ.