(රංජිත් රාජපක්ෂ)
පාසලෙන් ලබා දුන් උදෑසන ආහාර විෂ වීමකින් ළමුන් 35 දෙනෙකු වටවල ප්රාදේශීය රෝහල වෙත අද (17) ඇතුලත් කල බව වටවල පොලිසියේ ස්ථානාධිපති ප්රධාන පොලිස් පරික්ෂක චන්දන ගමගේ මහතා පැවසීය.
වටවල පොලිස් වසමට අයත් ටෙම්පල්ස්ටෝ වතුයායේ දමිළ පාසලේ අද උදෑසන ලබා දුන් ආහාර, අනුභ කිරිමෙන් පසු එම ළමුන්ට ඇති වූ වමනට, ක්ලාන්තය සහ පපුවේ අමාරුව හේතුවෙන් ළමුන් තිස් හතර දෙනෙකු තම රෝහලට ඇතුලත් කල බවයි වටවල ප්රාදේශීය රෝහලේ වෛද්යවරයා කියා සිටියේ.
උදෑසන ආහාරය සදහා බත්, අල, බීට්රූට් ව්යංජනයක් සහ පලා වර්ගයක් ලබා දුන් බවයි එම ආහාර අනුභව කල පාසල් සිසුන් කියා සිටියේ.
එම පාසලේ 3 වසරේ සිට 5 වසර දක්වා ළමුන් මෙසේ රෝගාතුර වී ඇති බවත්, රෝහලට ඇතුලත් කල ළමුන්ගේ තත්වය බරපතල නොවන නිසා රෝගාතුර වූ ළමුන්ට ප්රතිකාර ලබා දී එම ළමුන් පිරිස දෙමව්පියන් සහ ගුරුවරුන් වෙත භාර දුන් බවත් දිස්ත්රික් වෛද්යවරයා කියා සිටියේය.
රෝහලට ඇතුලත් කල ළමුන්ගේ සුව දුක් සොයා බැලීමට නුවරඑළිය දිස්ත්රික් පාර්ලිමේන්තු මන්ත්රී මංජුල සුරවීරආරච්චි මහතාද පැමිණ සිටියහ.
සිද්ධිය සම්බන්ධයෙන් වටවල පොලිසිය සහ මහජන සෞඛ්ය පරික්ෂකවරුන් වෙන් වෙන්ව පරික්ෂණ පවත්වයි.

COMMENTS
Reply To:
Sisira - cb chds hcdsh cdshcsdchdhd
වැඩි ලාභයක් ලබන අරමුණින් කල් ඉකුත් වූ, කෑමට නුසුදුසු ආහාර සපයලා ඇති. ඒකේ ආයෙත් අහන්න දෙයක් නැහැ. මෙවැනි දේවල් වැළැක්වීම සඳහා කළ යුත්තේ ආහාර පාසලට සැපයුවාට පස්සේ ළමයින්ට කන්න දෙන්න ඉස්සෙල්ලා, ආහාර පාසලට ගෙන එන පුද්ගලයාට අනිවාර්යයෙන්ම කෑමට සුදුසු බවට තහවුරු කරන ක්රමවේදයක් කොන්ත්රාත්තුවට ඇතුළත් කිරීමයි.