(මදුශානි අබේසිංහ)
පොළොන්නරුව දීපඋයන ආසන්නයේ ප්රධාන මාර්ගයේ නවතා තිබූ ලොරි රථයක පිටුපස ත්රීරෝද රථයක් ගැටී අද (08) සිදු වූ අනතුරකින් පුද්ගලයෙකු මියගොස්, තිදෙනකු බරපතල තුවාල ලබා පොළොන්නරුව මහ රෝහලට ඇතුළත් කර ඇති බව පොළොන්නරුව පොලිසිය කියයි.
අනතුරින් මියගොස් ඇත්තේ, ත්රීරෝද රථයේ රියැදුරු වන සෝමපුර, සිරිමංගලපුර, පදිංචි සිටි 70 වියති, එච්.එම්. කරුණාරත්න යන අය වන අතර තුවාල ලැබූ තවත් තිදෙනෙක් රෝහලේ ප්රතිකාර ලබන බව පරීක්ෂණ සිදුකරන පොළොන්නරුව රෝහල් පොලිසිය පවසයි.
මෙම අනතුර අද (08) උදෑසන හයයි තිහට පමණ සිදුව ඇති බව ඒ පිළිබඳ පරීක්ෂණ සිදුකරන පොළොන්නරුව පොලිසිය සඳහන් කරයි.
COMMENTS
මේ විදියේ අනතුරු වෙලා හැම අවුරුද්දෙම සෑහෙන පිරිසක් මැරෙනවා. ඔය ලොරි කාරයෝ වාහන නවත්තනකොට පාරේ දෙපැත්තේම වංගු නැති තැනක් බලල පුළුවන් තරම් අයින් කරලා නවත්වන්න දැනගන්න ඕනෑ, වාහනේ දුරට දර්ශනය වෙන්නේ නැත්නම් අනතුරු අඟවන සංඥා ලාම්පුවක් හරි එල්ලන්න ඕනෑ.