(යොහාන් භාසුර)

ජාතික ජලසම්පාදන හා ජලාපවහන මණ්ඩලය ක්‍රියාත්මක කරන ජල යෝජනා ක්‍රම 342 න් ජල යෝජනා ක්‍රම 150 ක් ආපදාවට පත්ව ඇති බවත් ඉන් ජල යෝජනා ක්‍රම 17 ක් සම්පූර්ණයෙන්ම හානිවී ඇති බවත් ජාතික ජලසම්පාදන හා ජලාපවහන මණ්ඩලය පැවසීය.

ආපදාවෙන් වැඩිම බලපෑමට ලක්වූ මහනුවර දිස්ත්‍රික්කයේ කටුගස්තොට ජල සම්පාදන ක්‍රමය යථා තත්වයට පත්කළ අතර මහනුවර දිස්ත්‍රික්කයේ මීවතුර, බදුල්ල දිස්ත්‍රික්කයේ අඹගස්දෝව සහ මහියංගනය, අම්පාර දිස්ත්‍රික්කයේ කොන්ඩුවට්ටුවාන් යන ජල සම්පාදන ක්‍රම යථා තත්වයට පත්කරමින් තිබෙන බව කියන එම මණ්ඩලය නුවරඑළිය දිස්ත්‍රික්කයෙ වලපනේ වැනි ජල සම්පාදන ක්‍රමවල ප්‍රවේශමාර්ග අවහිරවීම නිසා ඒවා යාථා තත්වයට පත්කිරීමට ත්‍රිවිධ හමුදා සහය ගන්නා බව ද සඳහන් කළේය.

නළවලට හානිවීම, විදුලිය සැපයුම අඩාලවීම, ජලය ගන්නා ස්ථාන ගංවතුරෙන් යටවී තිබීම සහ විදුලි හා යාන්ත්‍රික උපකරණවලට අලාභහානි වීම නිසා එම ජල යෝජනා ක්‍රම යථා තත්වයට පත්කිරීමට සැළකියයුතු කාලයක් ගතවනු ඇති බවත් රෝහල්වලට බවුසර් සහ විකල්ප නළ මගින් ජලය සැපයෙන අතර සෙසු ප්‍රදේශවල ජල සැපපයුම යාවත්කාලීන කිරීහ සඳහා ආරක්‍ෂක අංශ, මාර්ග සංවර්ධන අධිකාරිය, දුම්රිය දෙපාර්තමේන්තුව සහ මහජන සහය ඇතිව කටයුතු කරමින් සිටින බවත් එම මණ්ඩලය කීය.