(අංජුල මහික වීරරත්න)
කොළඹ විශ්ව විද්‍යාලය විසින් නිෂ්පාදනය කරන ලද ඖෂධ හා ආලේපන කිහිපයක් වෙනුවෙන් විශ්ව විද්‍යාලයට හිමි වූ කතෘභාගයෙන් කොටසක් විශ්ව විද්‍යාලයීය පිළිකා පිළිබඳ පර් යේෂණ අරමුදලට යොදවා තිබේ.

කොළඹ විශ්වවිද්‍යාලයේ ජෛව රසායන අණුක ජීව වේද සහ ජෛව තාක්ෂණ ආයතනයේ (IBMBB) මහාචාර්ය සමීර ආර්. සමරකෝන් මහතා ප්‍රමුඛ පර්යේෂණ කණ්ඩායම සිය පර් යේෂණ ඇසුරින්  කළ විද්‍යාත්මක අනාවරණ සහ ඒ ආශ්‍රිත නිෂ්පාදන කිහිපයක් වෙනුවෙන් මෙම මුදල ලැබී ඇත.

Vernolac - පිළිකා සෛල නැසීමේ හැකියාව පර්යේෂණාත්මකව තහවුරු කරන ලද පෝෂක ඖෂධය, Satiny - අකලට හිස කෙස් වැටීම, ජානමය තත්වයන් නිසා තට්ටය ඇති වීම පාලනය කරමින් හිසකෙස් වර්ධනය කිරීමේ අද්විතීය ගුණයෙන් හෙබි ඖෂධීය ශීර්ෂාලේපය,

Ortho Shield -සන්ධි ආශ්‍රිත වේදනා සහ කැක්කුම් සමනය කිරීමේ හැකියාව විද්‍යාත්මකව තහවුරු කරන ලද ශාකසාර අමුද්‍රව්‍ය භාවිතයෙන් නිෂ්පාදනය කරන ලද ආලේපනය,Bio Shape - ස්ථුල භාවය පාලනය කරමින්, අමතර මේදය බැහැර කරමින්, ආහාර පාලනයටත් ශරීරයේ හැඩය මනාව පවත්වා ගැනීමටත් ඉවහල් වන පෝෂක ඖෂධය සඳහා කොළඹ  විශ්ව විද්‍යාලයට මෙම කර්තෘභාග මුදල් හිමිව ඇත.

මෙම ඖෂධ අලෙවි කිරීම සඳහා කොළඹ විශ්වවිද්‍යාලය සමඟ ගිවිසුම් ගතව ඇත්තේ දේශීය සමාගමක් වන වන ෆැඩ්නා සමාගම් සමූහයේ අනුබද්ධිත ෆැඩ්නා ලයිෆ් සයන්ස් සමාගමයි.

ෆැඩ්නා සමාගමේ අධිපති චමේන්ද්‍ර සෝමතුංග මහතා විසින් කොළඹ විශ්වවිද්‍යාලයේ උප කුලපති ජ්‍යෙෂ්ඨ මහාචාර් ය එච්.ඩී කරුණාරත්න මහතාට  අදාල කර්තෘ භාග මුදල බාර දී තිබේ.