කොල්ලුපිටියේ සාදයට ගිය නවයට ඇප

(නිමන්ති රණසිංහ)

නිරෝධායන නිති උල්ලංඝනය කරමින් කොළඹ කොල්ලූපිටිය ක්‍රෙස්කැට් මොනාච් අති සුඛෝපභෝගී නිවාස සංකීර්ණයේ සාදයක් පැවැත්වූ විදේශිකයන් දෙදෙනකු ඇතුළු නව දෙදෙනකු එක් අයකුට රුපියල් ලක්ෂ 10 බැගින් වූ ශරීර ඇප මත මුදා හැරීමට කොළඹ අතිරේක මහේස්ත‍්‍රාත් චන්දිම ලියනගේ මහතා අද නියෝග කළේය.

නිරෝධායන නිති උල්ලංඝණය කිරීමේ චෝදනාවට ඇප නියම කළ ද නිරෝධායනය සඳහා යොමු කිරීමට තමන්ට බලයක් නැතැයි මෙහිදී මහේස්ත‍්‍රාත්වරයා පොලීසියට දැනුම් දුන්නේය.

ඒ අනුව, සෞඛ්‍ය වෛද්‍ය නිලධාරීවරයාගේ අනුමැතිය මත ඔවුන් දින 14ක කාලයක් නිවෙස් නිරෝධායනයට යොමු කිරීමට මහජන සෞඛ්‍ය පරීක්ෂකවරුන් වෙත දැනුම් දෙන බව ද පොලිසිය අධිකරණයට දැනුම් දුන්නේය.

අදහස් (2)

කොල්ලුපිටියේ සාදයට ගිය නවයට ඇප

Ran Thursday, 10 June 2021 03:01 PM

සීෂෙල්ස් වලද, අරාබියේද, ඇමෙරිකාවෙද කොහෙද ඉඳල එන්නට නියමිත කවුදෝ කෙනෙක් නිරෝධායනන නොකර ගෙදර යවන්න පුළුවන් වෙන ආකාරයට මේ මාසේ අන්තිම වෙනකල් නිරෝධායන නීතිය නැව්වනේ. ඒක වෙන්න ඇති අර සුපිරි හෝටලයේ පාටි දාපු අයට දුන්නේ නැති ගෙදරටවෙලා නිරෝධායනය වෙන්න අවස්තාවක් මේ කට්ටියට දුන්නේ. අහුඋන විදේශිකයෝ චීනයේ අයද දන්නෙත් නෑ. මාර වැඩක් තමයි ලංකාවට වෙලා තියෙන්නේ.

: 4 120

fairoos Thursday, 10 June 2021 03:59 PM

එක රටක් එක නීතියක්

: 2 37