siri Sunday, 26 April 2020 08:40 AM

ලංකා ගුරු සංගමයෙන් ප්‍රධාන ලේකම් ජෝසෆ් ස්ටර්ලින් මේ ගැන මෙවැනි අදහසක් පල කරැති බව අන්තර් ජාලයේ වාර්තා කර තිබෙනවා. "බන්දුල ගුණවර්ධන අමාත්‍යවරයා ප‍්‍රකාශ කළ පරිදි සිසුන් 580 ක් ඉන්දියානු රාජ්‍ය ශිෂ්‍යත්ව මත ඉන්දියාවට ගොස් අධ්‍යාපනය ලබති. එසේම පිලිපීනය, නේපාලය, බංගලිදේශය හා පකිස්ථානයේ ද ලාංකික සිසුන් අධ්‍යාපනය ලබති. මින් බහුතරයක් රාජ්‍ය ශිෂ්‍යත්වධාරීන්ය. මේ වන වට ඔවුන් ලංකාවට ගෙන්වා ගැනීම වෙනුවෙන් ගුවන් ටිකට් පත් සඳහා අධික මුදලක් අය කිරීම තුළ එම සිසුන්ගේ දෙමාපියන් බරපතල අපහසුතාවකට පත්ව ඇත. එළඹෙන සෙනසුරාදා දින මුම්බායි සිට පැමිණීමට නියමිත එක් සිසුවෙකුගෙන් අය කර ඇති ගුවන් ටිකට් පත් ගාස්තුව රු.58650/-කි. මෙම ගාස්තුව පැමිණීම සඳහා එක් ගමන් වාරයකට පමණි. ප්‍රථමයෙන්ම චීනයේ වූහාන් නගරයේ අධ්‍යාපනය ලැබූ සිසුන් ලංකාවට රැගෙන එන ලද්දේ කිසිදු මුදල් අය කිරීමකින් තොරවය.මේ තත්වය තුළ මෙම සිසුන් රජයේ වියදමින් ගෙන්වා ගැනීමට කටයුතු යොදන ලෙසත්, මේ වන විට ගුවන් ටිකට් පත් සඳහා ගෙවා ඇති මුදල් ආපසු ගෙවීමට කටයුතු යොදන ලෙසත් ලංකා ගුරු සංගමය ඉල්ලා සිටී"